Qazaqstan Respýblıkasy Prezıdentiniń Jarlyqtary

Qazaqstan Respýblıkasy Prezıdentiniń Jarlyǵy Q.B.Saýdabaevty Qazaqstan Respýblıkasynyń Memlekettik hatshysy qyzmetine taǵaıyndaý týraly Qanat Bekmyrzauly Saýdabaev Qazaqstan Respýblıka­synyń Memlekettik hatshysy bolyp taǵaıyndalsyn. Qazaqstan Respýblıkasynyń Prezıdenti N.NAZARBAEV. Astana, Aqorda, 2011 jylǵy sáýirdiń 12-si.    №28 __________________________________________ Qazaqstan Respýblıkasy Prezıdentiniń Jarlyǵy B.S.Kamalıevti Qazaqstan Respýblıkasynyń Kólik jáne kommýnıkasııa mınıstri qyzmetine taǵaıyndaý týraly Berik Saılaýuly Kamalıev Qazaqstan Respýblıkasynyń Kólik jáne kommýnıkasııa mınıstri bolyp taǵaıyndalsyn. Qazaqstan Respýblıkasynyń Prezıdenti N. NAZARBAEV. Astana, Aqorda, 2011 jylǵy sáýirdiń 12-si.    №14 __________________________ Berik Saılaýuly KAMALIEV 1960 jyly týǵan. Qaraǵandy polıtehnı­kalyq ınstıtýtyn, Qaraǵandy memlekettik ýnıversıtetin, Reseı Federasııasy Prezı­dentiniń janyndaǵy Reseı memlekettik qyz­met akademııasyn bitirgen, mamandyǵy boı­ynsha – qurylysshy ınjener, ekonomıst, memlekettik jáne mýnısıpaldy basqarý menedjeri, ekonomıka ǵylymdarynyń kan­dıdaty. Eńbek jolyn áskerı bólimsheniń qury­lys-qurastyrý ýchaskesiniń proraby bolyp bastady. Qaraǵandy oblysynyń memlekettik basqarý organdarynda basshy laýazymdarda qyzmet atqardy. «Samal» saýda ortalyǵy» TOO bas dırektory, dırektorlar keńesiniń tóraǵasy, Qaraǵandy oblystyq avtomobıl joldary basqarmasynyń bastyǵy bolyp ju­mys istedi. Respýblıka Premer-Mınıstriniń keńesshisi, Kólik jáne kommýnıkasııa mınıstrligi Kólik ınfraqurylymyn da­mytý komıtetiniń tóraǵasy, Qaraǵandy oblysy ákiminiń orynbasary, keıinnen ákimniń birinshi orynbasary qyzmetterine taǵaıyndaldy. «Sa­ryarqa» áleýmettik-kásipkerlik korporasııasy» ulttyq kompa­nııa­sy­nyń basqarma tóraǵasy boldy. 2010 jylǵy naýryzdan – Qazaqstan Respýblıkasy Indýstrııa jáne jańa tehnologııalar vıse-mınıstri. __________________________________________ Qazaqstan Respýblıkasy Prezıdentiniń Jarlyǵy Q.N.Qasymovty Qazaqstan Respýblıkasynyń Ishki ister mınıstri qyzmetine taǵaıyndaý týraly Qalmuhanbet Nurmuhanbetuly Qasymov Qazaqstan Res­pýb­lı­kasynyń Ishki ister mınıstri bolyp taǵaıyndalsyn. Qazaqstan Respýblıkasynyń Prezıdenti N. NAZARBAEV. Astana, Aqorda, 2011 jylǵy sáýirdiń 12-si.     №26 _____________________________________ Qalmuhanbet Nurmuhanbetuly QASYMOV 1957 jyly týǵan. S.M.Kırov atyndaǵy Qazaq memlekettik ýnıversıtetin bitirgen, mamandyǵy boıynsha – zańger. Polısııa general-maıory ataǵy bar. Ýnıversıtetti bitirgennen keıin Almaty oblysynyń ishki ister organdarynda jumys istep, tergeýshiden oblystyq ishki ister bas­qarmasy bastyǵynyń birinshi orynbasaryna deıingi joldan ótti. Respýblıka ishki ister mınıstrliginiń Krımınaldyq polısııa de­par­tamentiniń bastyǵy, Almaty qalasy ishki ister bas basqarmasynyń bastyǵy jáne Almaty oblysy ishki ister departamentiniń bastyǵy qyzmetterin atqardy. Qazaqstan Respýblıkasy Ishki ister vıse-mınıstri, birinshi vıse-mınıstri qyzmetterine taǵaıyndaldy. 2009 jylǵy qyrkúıekten – Shyǵys Qazaqstan oblystyq ishki ister departamentiniń bastyǵy.   TAǴAIYNDAÝLAR Memleket basshysynyń Jarlyqtarymen: Ádilbek Ryskeldiuly Jaqsybekov Qazaqstan Respýblıkasynyń Qorǵanys mınıstri qyzmetine; Asqar Qýanyshuly Jumaǵalıev Qazaqstan Respýblıkasynyń Baılanys jáne aqparat mınıstri qyzmetine; Baqytjan Tursynuly Jumaǵulov Qazaqstan Respýblıkasynyń Bilim jáne ǵylym mınıstri qyzmetine; Salıdat Zekenqyzy Qaıyrbekova Qazaqstan Respýblıkasynyń Densaýlyq saqtaý mınıstri qyzmetine; Gúlshara Naýshaqyzy Ábdiqalyqova Qazaqstan Respýblıkasynyń Eńbek jáne halyqty áleýmettik qorǵaý mınıstri qyzmetine; Bolat Bıdahmetuly Jámishev Qazaqstan Respýblıkasynyń Qarjy mınıstri qyzmetine; Nurǵalı Sádýaqasuly Áshim Qazaqstan Respýblıkasynyń Qorsha­ǵan ortany qorǵaý mınıstri qyzmetine; Muhtar Abraruly Qul-Muhammed Qazaqstan Respýblıkasynyń Mádenıet mınıstri qyzmetine; Saýat Muhametbaıuly Myńbaev Qazaqstan Respýblıkasynyń Munaı jáne gaz mınıstri qyzmetine; Vladımır Karpovıch Bojko Qazaqstan Respýblıkasynyń Tótenshe jaǵdaılar mınıstri qyzmetine taǵaıyndaldy. *  *  * Memleket basshysynyń Jarlyqtarymen: Imanǵalı Nurǵalıuly Tasmaǵambetov Astana qalasynyń ákimi qyzmetine; Sergeı Aleksandrovıch Dıachenko Aqmola oblysynyń ákimi qyzmetine; Serik Nyǵmetuly Ahmetov Qaraǵandy oblysynyń ákimi qyzmetine; Sergeı Vıtalevıch Kýlagın Qostanaı oblysynyń ákimi qyzmetine; Bolatbek Baıanuly Qýandyqov Qyzylorda oblysynyń ákimi qyzmetine; Serik Sultanǵazyuly Bilálov Soltústik Qazaqstan oblysynyń ákimi qyzmetine taǵaıyndaldy. Berdibek Máshbekuly Saparbaev Shyǵys Qazaqstan oblysynyń ákimi qyzmetine; Baqytjan Ábdiruly Saǵyntaev Pavlodar oblysynyń ákimi qyzmetine taǵaıyndaldy. __________________________________________ Qazaqstan Respýblıkasy Prezıdentiniń Jarlyǵy Qazaqstan Respýblıkasynyń qarjy naryǵyn memlekettik retteý júıesin ári qaraı jetildirý týraly Qazaqstan Respýblıkasy Konstıtýsııasynyń 44-babynyń 5) tarmaqshasyna sáıkes qaýly etemin: 1. Qazaqstan Respýblıkasynyń Almaty qa­la­syn­daǵy óńirlik qarjy ortalyǵynyń qyz­metin retteý agenttigi men Qazaqstan Respýb­lı­kasynyń Qarjy naryǵyn jáne qarjy uıym­daryn retteý men qa­da­ǵalaý agenttigi (budan ári – agenttikter) olardyń fýnk­sııa­lary men ókilettikteriniń Qazaqstan Respýb­lı­kasynyń Ulttyq Bankine berilýimen taratylsyn. 2. Qazaqstan Respýblıkasynyń Ulttyq Banki taratylatyn agenttikterdiń mindettemeleri boıynsha quqyqty ıelenýshi bolyp anyqtalsyn. 3. Qazaqstan Respýblıkasynyń Úkimeti jáne Qazaqstan Respýblıkasynyń Ulttyq Banki osy Jar­lyqty iske asyrý boıynsha sharalardy qabyldasyn. 4. Osy Jarlyqtyń oryndalýyn baqylaý Qa­zaqstan Respýblıkasy Prezıdentiniń Ákimshili­gine júktelsin. 5. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N. NAZARBAEV. Astana, Aqorda, 2011 jylǵy sáýirdiń 12-i.     № 25