Nesibe tabýǵa nesıe seriktestigi septesedi

Mańǵystaý óńirinde alǵashqy ne­sıe­lik se­riktestigi qurylyp, aýyl sharýa­shy­ly­ǵy­­men aınalysatyn kásipkerlerge qol­je­­­­timdi nesıe berýdi bastady. Endi sharýa qojalyqtary «Mań­ǵystaý» nesıelik se­rik­testigine habarlasyp, qarjylaı kó­mek­ke qol jetkize alady. Nesıe memlekettik qol­daý­dyń ar­qasynda, ıaǵnı «Agrarlyq nesıelik korporasııasy» AQ arqyly júrgiziledi. Shaǵyn jáne orta bıznesti ne­sıeleýge beriletin qar­jy qol­je­timdi bola tústi. Bul aýyl sh­a­­rýa­shy­ly­ǵynda eńbek etip júr­­­gen kásipkerlerge, ásirese mal sharýashylyǵy, sút jáne et ónim­­derin óńdeý, ba­­lyq ónim­de­rin shyǵarý jáne basqa da bıznes túr­le­rin damytýdy qolǵa al­ǵan­dar úshin kópten kútken ja­ǵymdy ja­ńalyq boldy. Mańǵystaý ındýstrııalyq pa­la­tasynyń ókili N.Oqýovtyń aıtýynsha, sharýa qojalyqtaryna ne­sıe 14 paıyzdyq jyldyq syı­a­qy mólsherlemesimen be­riledi já­ne óńirlik aýyl sharýashylyǵy bas­qar­ma­sy arqyly sýbsıdııalaý múm­kindigi de qara­s­ty­rylǵan. Ne­sıe merzimi 108 aıǵa, ıaǵnı 9 jylǵa deı­in beriledi. Negizgi qaryzdy tó­leý jeńildiginiń ke­zeńi 24 aı, aı­nalym qarajatyn tolyqtyrý úshin je­ńil­de­tilgen paıyz mól­sher­lemesimen beriletin ne­sıe­niń qaı­tarylý merzimi 24 aıǵa deıin. Qarjylaı qoldaýǵa ıe bolǵan ká­sip­kerdiń biri «Erlan» sharýa qo­ja­lyǵynyń jetekshisi Tolybaı Sarıev túıe sharýashylyǵymen aı­nalysýdy osydan 4 jyl bu­ryn bastaǵan. Kásipkerdiń Qara­qııa aýdany «Qarabaraqty» tó­ńi­re­gindegi jeke qojalyǵynda jaı­ylym jeri bar. Ferma ıesi óz bıznesin ári q­araı damytý maqsatynda «Mańǵystaý» ne­sıe­lik se­riktestigine jolyǵyp, 74 bas túıe alý úshin 30 mln teńge kó­le­minde qarajat suraǵan. Onyń bız­nes-jobasyn komıssııa qarap shyq­qan soń, suraǵan qa­ra­jatyn be­rý jóninde sheshim shyǵardy. – Buryn men saýda-sattyqpen aı­nalysyp, Aqtóbe men Oral­dan et, mal ákelip sattym. Ýa­qyt óte ke­le, ózimniń jeke sharýa­shy­ly­ǵym­d­y ashqandy jón sana­dym. Sha­rýa qojalyǵyn ashqan soń tú­ıe ósirýdi qol­ǵa aldym. Qa­zir túıe súti men ashytylǵan sút ónim­derin, ıaǵnı shubat, qurt, bal­­qaımaq óndirýmen aı­nalysamyz. Bul – otbasylyq bıznes. Biz úshin negizgi tabys kózi – shubat. Ult­tyq sýsynnyń 1 lıtri 500-600 teń­geden satylymǵa shyǵady. Me­niń oıym­sha, nesıeni qaıtarýda qıyn­dyq týyndamaýy tıis, se­be­bi sút ónimderine suranys jo­ǵa­ry, – deıdi ká­sipker. Qazirgi tań­da onyń jeke qojalyǵynda 50 shaq­ty túıesi bar, oǵan nesıe qarajatyna alǵan 74 túıe qo­sy­la­dy. Nátıjesinde aldyn ala jos­parǵa sáı­kes, aıyna 3000-nan 5000 lıtrge deıin sút jáne sút ónim­deri alynady dep boljam ja­saldy. «Mańǵystaý» nesıelik se­rik­­tes­tiginiń bas mamany A.Ertileý­diń aıtýynsha, ekin­shi deń­geıli bank­ter aýyl ká­sip­ker­le­­riniń bıznes-jobalaryn ne­­sıe­­leýge asa qyzyǵýshylyq ta­nyt­­paıdy. Nesıelik seriktestik bol­­sa, sharýa qojalyqtaryn qar­jy­laı qoldaıtyn bi­regeı qarjy ıns­tı­týty sanalady. Demek, ká­sip­ker­lerge memleket tarapynan ja­salyp otyrǵan qol­daýdyń múm­­kindigin durys paıdalana bilý qa­­jet­tigi týyndap tur. Kásibi men nesibesin aýyl sha­rýa­shylyǵy salasy­nan izdeımin de­genderdiń táýekeli janyp, is bas­taýyna bul taǵy bir múmkindik. Gúlaıym ShYNTEMIRQYZY, «Egemen Qazaqstan» Mańǵystaý oblysy