Qajettilikten qabyldanǵan sheshim

Halqymyzda «Zamanyna qaraı –talaby»  degen maǵynasy tereń sóz bar. Úshinshi myńjyldyq adamzat tarıhyndaǵy eń jedel damý kezeńi bolǵaly tur. Bul damý qoǵamnyń barlyq sala­syn qamtyp, onyń sapaly ózgeric­terge batyl qadam jasaýyn qajet etýde. Osy turǵydan alǵanda, elimizdegi Konstıtýsııaǵa engiziletin ózgerister men tolyqtyrýlar zaman talabynan týyndap otyrǵanyn túsinemiz. Qazaqstan Respýblıkasynyń Prezıdenti Nursultan Nazarbaevtyń Par­lamentke kelip konstıtýsııalyq reformalar jáne qalyń kópshiliktiń usynystary týraly jan-jaqty aıtyp berýi zań jobasynyń mańyzdylyǵyn kórsetedi. Prezıdent álemdegi, el­diń ishindegi jaǵdaıdy tereń bilip, saıa­sı ózgericter qajettiligin sezine otyryp, osyndaı batyl kadamdar jasady. Sonymen birge, Prezıdent qoǵamda pikir qaıshylyǵyn týǵyz­ǵan Konstıtýsııanyń 26-babyna qatysty da utymdy usynys aıtty. Kópshilik muny túsinistikpen qabyldady. Parlamenttiń birlesken otyrysynda Kons­tıtýsııaǵa engiziletin ózgerister men tolyq­tyrýlar birinshi oqylymda maquldandy. Depýtattar tarapynan qosymsha usynystar aıtyldy. Ishki icter mınıstrin kyzmetke taǵaıyndaý jáne qyzmetinen bosatý ókiletti­gin Prezıdent quzyretinde qaldyrý týraly usynystar jergilikti turǵyndarmen kezdesýde de aıtylǵan bolatyn.  Elimizdiń qaýipsizdigine jaýapty irgeli mınıstrliktiń basshysyn taǵa­ıyndaý men bosatýdy Prezıdenttiń tikeleı quzy­retine berý týraly depýtattardyń usynysyn óte oryndy dep sanaımyn. Parlament Senatynyń ekonomıkalyq saıa­sat, ınnovasııalyq damý jáne kásipkerlik komıtetindegi talqylaý kezinde sondaı-aq, zań jobasy jáne ony birinshi oqylymda qaraý kezinde berilgen usynystarǵa qoldaý bildirildi. Sársenbaı EŃSEGENOV, Senat depýtaty