Qarqyndy damýǵa bastaıtyn tarıhı qadam

Elimizde demokratııalyq damý jolynda bir kópten kútken qadam jasaldy. Toqsanynshy jyldardaǵy Qazaqstan esimizde. Aıtys-tartys Parlamenttiń ishinde de, syrtynda da júrip jatatyn. Isten sóz kóp bolatyn. Halyq qıt etse mıtıngilep, kóshege shyǵatyn. О́ıtkeni, bizge, otarlyq qamy­tynan keshe ǵana qutylǵan elge damyǵan kapıtalızmdi dereý ornatý qajet boldy. Biraq, ol «jumaqty» bir kúnde ornatýǵa ekonomıkalyq ta, saıası da shama joq-tyn. Qashan ornaıdy dep kútip otyrýǵa taǵy bolmaıtyn. Qarny ashqan halyqtyń Úkimetke bas salýy da ǵajap emes edi. Sol alasapyrandy boldyrmaý úshin shuǵyl sheshim qabyldaıtyn Úkimet kerek boldy. Sondyqtan da Prezı­dent Parlamenttiń de, Úkimettiń de negizgi bıligin óz qolyna aldy. «Dıktatýra!» degen aıqaılar shyqty. Ishten de, syrttan da. Alaıda, halyq Nazarbaevqa sendi. О́ıtkeni, ol buǵan deıin Úki­metti talaı jyl basqaryp, senim­ge ıe bolǵan. Sonymen qatar, ol elimizdegi kóp ultty sharýa halyq­pen de, jumysshy halyqpen de ortaq til taba biletin týǵan topy­raq­tyń tól perzenti edi. Sol tusqa saı bul tań­daý, prezıdenttik bıliktiń birden-bir durys tańdaý bolǵanyn tarıh dáleldedi. Qazaqstan sharýashylyǵy turalap qalǵan elden 25 jyl ishinde álemniń aldyńǵy qatarly 50 eliniń sanatyna shyqty. Aımaqtyq kóshbasshyǵa aınaldy. Endi osy tusta Prezıdent qolyna shoǵyr­lanǵan bıliktiń belgili bir bóligin Par­lament pen Úkimetke qaıtaryp berýge sheshim qabyldady. Ata Zańǵa ózgerister usynyldy. Parlament bul ózgeristerdi maquldady. Endi Parlamenttiń de, Úkimettiń de róli kúsheıdi. Biraq, bul degen sóz, prezıdenttik bılikti álsiretý emes, bizdińshe. Bıliktiń parlamenttik jáne úkimettik tarmaqtaryn kúsheıtý ǵana. Olardyń jaýapkershiligin kúsheıtý. Bul – damyǵan demokratııalyq elder tájirıbesi. Bul usynysty Qazaqstandy burynǵydan da qarqyndy damýǵa bastaıtyn tarıhı qadam dep bilemiz. Smaǵul ELÝBAEV, jazýshy ALMATY