Elektrondy bılet – el ıgiligine

Qoǵamdyq kólikterde elek­­­trondy bıletpen júrip-turý qanshalyqty tıimdi? Jańa jobany qoldanysqa engizý má­selesi budan buryn birne­she márte kóterilgen bolatyn. She­neýnikterdiń aıtýynsha, atal­mysh júıe arqyly avto­park­terdiń jumysynyń aıqyn­dy­lyǵyn qamtamasyz etýge jáne jolaýshylardy bir ortalyqtan baqylaýǵa tıimdi. – Qazirgi kezde elektrondy bılet berý boıynsha qanatqaqty joba engizilgen Almatynyń tájirıbesin baqylap otyrmyz, – deıdi Qaraǵandy qalasynyń ákimi Nurlan Áýbákirov. – Biraq, bul jobany engizý týraly naqty sheshim áli qabyldanǵan joq. Bul másele boıynsha naqty jaýap sáýir aıynda belgili bolady. Úkimette qaraǵandylyq bıliktiń zańnamaǵa ózgerister engizý boıynsha usynysy qaralady. Oblys ortalyǵynda avtobýstarda qolma-qol jáne qolma-qol aqshasyz esep aıy­rysýǵa saralanǵan tarıfter engizilmek, sondaı-aq, avto­parkterdi sýbsıdııalaý máselesi joıylyp, kólik salasy servıstik shemadan shy­ǵarylmaq. Eger osy ózgerister qabyldansa, onda bizdiń qalada jobany engizý úshin «Ońaı» kompanııasy jaýapty bolady. Jyly aıaldamalar da Qara­ǵandynyń qoǵamdyq kólik jolaýshylary úshin taǵy da bir jańashyldyq bolady. Búginde qaladaǵy «Arman» boýlınginiń janynda bir jyly aıaldama bar. Jaqyn arada osyndaı taǵy da 5 pavılon ornatylmaq. Mıras ASAN, «Egemen Qazaqstan» QARAǴANDY