Biraýyzdan maquldandy

Qyzylorda oblysyna Prezıdent Ákimshiliginiń Basshysy Aslan Mýsın keldi. Aslan Esbo­laı­uly aldymen máslıhat depýtat­tarymen jolyqty. Olar­dy oblys ákimin taǵaıyndaý týra­ly Elbasy Jarlyǵymen tanys­tyryp, aımaq­ty osyǵan deıin basqaryp kelgen Bolatbek Qýan­dyqovtyń kandıda­týrasy qaıta usynylǵanyn aıtty. Máslıhat de­pýtattary Bolatbek Baıan­uly­nyń kandıda­týra­syn bir­aýyzdan maquldap, Elbasy sheshimin qýat­tady. Odan keıin Prezıdent Ákim­shiliginiń Basshysy oblys aktıvimen kezdesti. – Búgin sizderdiń aldaryńyzǵa Elbasynyń arnaıy tapsyrma­sy­men kelip otyrmyn. Qyzylorda obly­syn osyǵan deıin basqaryp kelgen Bolatbek Qýandyqov Elba­sy Jar­ly­ǵymen qaıta taǵaıyn­daldy. Ja­ńa máslıhat depýtat­tarymen joly­ǵyp, ol kisilerdiń kelisimin aldyq, – dedi Aslan Esbolaıuly. Oblys aktıviniń aldynda sóz alǵan aımaq ákimi eń aldymen Elbasyǵa alǵys aıtty. Artyl­ǵan senimge saı jumys isteýge, qolǵa alynǵan sharýalardy so­ńyna deıin jetkizýge, oblys­tyń kórkeıip, ósip-ónýine, damýyna barynsha eńbek etetinin jetkizdi. Erjan BAITILES. Qyzylorda.