Asyl perzent ardaqtalady

Kelesi jyly kórnekti memleket jáne qoǵam qaıratkeri Dinmuhamed Ahmetuly Qonaevtyń týǵanyna 100 jyl tolady. Qonaev qoǵamdyq qorynyń, basqa da uıym­dar men azamattardyń elshilikke, Máskeý úkimetine túsken ótinishterine sáıkes qazir Reseı astanasynda Dinmuhamed Qonaevtyń esimin este qaldyrýdyń múmkin bolatyn joldary izdestirilýde. Mundaı rette qala úkimetiniń normatıvtik qujattarynda kózdelgen mindetti talaptar qatań eskeriletindikten, jalpy Máskeýde tarıhı tulǵalarǵa eskertkish, músin, memorıaldyq taqta, t.b. osy tárizdi estelik belgiler ornatýǵa qol jetkizý ońaı emes, bul kóp kúsh-jigerdi talap etetin, ózindik qıyndyq-erekshelikteri bar is. Qazaqstan elshisi Zaýytbek Turys­bekov: «Máskeý bolat jáne qorytpalar ınstı­tý­ty» ulttyq zertteý tehno­logııa­lyq ýnıversıtetiniń rektory Dmıtrıı Lıvanovpen kezdesken kezde Dinmuhamed Qo­naev­tyń músinin oqý orny korpýstary­nyń birine ornatý máselesi kelisildi. D.Qonaev osy ınstıtýttyń 1936 jylǵy túlegi, onyń kásibı jáne ǵylymı qyzmeti atalǵan oqý ornymen tyǵyz baılanysty boldy. Bizdiń elimiz úshin de ınjenerlik-tehnıkalyq mamandyqtar boıynsha bilikti kadrlar daıarlaýǵa atsalysyp kele jatqan kópshilikke belgili «Máskeý bolat jáne qorytpalar ınstıtýty» ulttyq zertteý tehnologııalyq ýnıversıtetiniń basshy­lyǵy D.Qonaev músinin ornatý bastama­symen jalǵastyryp, jalpy oqý ornynda Qazaqstan Respýblıkasynyń arnaýly múıi­sin uıymdastyrý máselesin usynýda. Atap aıtqanda, munda ınstıtýt pen Qazaq­stan arasyndaǵy qarym-qatynastyń bilim, ǵylym jáne metallýrgııadaǵy ozyq tájirıbeni engizý salalaryndaǵy baı tarıhy, táýelsiz memleketimizdiń jan-jaqty jetistikteri, ózara ynty­maq­tas­tyqtyń perspektıvaly baǵyttary kórsetiletin bolady. Elimizge arnalǵan bolashaq kompozı­sııa­da Qazaqstan Respýblıkasynyń Tuń­ǵysh Prezıdenti – Elbasymyz, «Máskeý bolat jáne qorytpalar ınstıtýty» ulttyq zertteý tehnologııalyq ýnıver­sı­tetiniń qurmetti professory N.Á.Nazarbaev jaıynda, onyń táýelsiz Qazaqstandy qa­lyp­tastyryp, damytý jolyndaǵy tarıhı róli týraly aqparattar or­na­las­tyrylady dep jobalanýda», deıdi. Sonymen birge, tehnologııalyq ýnıversıtet basshylyǵy, Qazaqstan tarapy­nan qarjylyq turǵyda qoldaý jasalsa, D.Qonaevtyń qola músinin ázirleýge oqý orny kafedralarynyń kásibı-shyǵarma­shy­lyq múmkindikterin paıdalanýǵa da bolatynyn aıtady. Serikqalı BAIMENShE. Máskeý.