«Barys» ótkir shabýyldarǵa shyǵa almady – Edýard Zankoves

«Barys» komandasynyń bas bapkeri Edýard Zankoves Magnıtogorskiniń «Metallýrgine» qarsy ótken alǵashqy oıyn jaıly pikir bildirdi. «Komandamyz nashar oınady dep aıta almaımyn. Biraq jeńiske jetý úshin laıyqty túrde qarsylyq tanytpady. Jigitter kelesi raýndqa shyqqan eken. Endi sońyna deıin kúresetin bolamyz. Bul oıyndaǵy kemshin tustarymyz kóp boldy. Eń basty qateligimiz – ótkir shabýyldarǵa shyǵa almadyq», – dedi Edýard Zankoves. «Jaqsy qaqpashy – jarty komanda» demekshi Henrık Karlsson kezekti ret joǵary deńgeıde oıyn kórsetti. «Traktordy» jeńgennen keıin arada úzilis bolǵan, qazirgi ýaqytta ony aýystyrýdyń esh qısyny joq sekildi», – dedi bas bapker. Aıta keteıik, keshe «Barys» Magnıtogorskide ótken kezdesýde 0:4 esebimen oısyraı jeńilgen bolatyn. Matchta alǵashqy gol 11-mınýtta soǵyldy. Bul tusta Oskar Osala mergendigimen tanyldy. Kezdesýdiń ekinshi kezeńi qanshalyqty tartysty órbigenmen, esep ózgerissiz kúıde qaldy. Al sońǵy 20 mınýtta aıdyn ıeleriniń mereıi ústem bolyp, bizdiń komandaǵa úsh birdeı shaıba soǵyp ketti. Aldymen, 44-mınýtta Tomash Fılıppı jerlesterimizdi qapy qaldyrsa, araǵa bes mınýt salyp Iаn Kovarj basymdyqty arttyra tústi. Negizgi ýaqyttyń aıaqtalýyna sanaýly sekýndtar qalǵanda Danıs Zarıpov sońǵy núkteni qoıdy. Qos ujymnyń arasyndaǵy kelesi match 11 naýryz kúni Magnıtogorskide ótedi. Kezdesý Astana ýaqyty boıynsha 18:00-de bastalady. Osydan keıingi eki oıy Astanada 13 jáne 15 naýryzda ótedi. Kelesi kezeńge tórt márte jeńiske jetken komanda joldama alady.