Maqsat – Qazaqstandy tyń beleske kóterý

Taıaýda Qazaqstannyń Berlındegi elshiliginiń uıymdas­tyrýymen, Prezıdent N.Á.Nazarbaevtyń bılik tarmaqtary ókilettikterin qaıta bólý jónindegi Úndeýi men 31 qańtardaǵy «Qazaqstannyń Úshinshi jańǵyrýy: jahandyq básekege qabilettilik» atty Joldaýynyń negizgi erejelerin túsindirý maqsatynda baspasóz máslıhaty ótti. Qoǵamdyq-saıası ortanyń ókil­deri, dıplomattar, saıasat­ker­ler, sarapshylar jáne Germanııa­nyń BAQ ókilderi qatysqan basqosýda elimizdiń GFR-daǵy elshisi Bolat Núsipov kirispe sóz sóılep, Qazaq­­stannyń 25 jyl ishinde eko­­no­mıkasy damy­ǵan, turaqty saıa­sı júıesi qalyp­tas­qan elge aı­nal­ǵanyn aıta kelip, bul qol jet­ki­zil­­gen t­abystar memleketke saıası júıe­ni reformalaýǵa múmkindik bere­tinin atap ótti. Qazaqstandyq dıplomattyń sózine qaraǵanda, konstıtýsııalyq reformany engizý jolymen bılik ókiletti­gin qaıta bólý Qazaqstannyń demokratııalyq turǵyda damýyn jyldamdatady. Budan keıin elshi Memleket basshysynyń bıylǵy Jol­daýy­nyń negizgi erejelerine toq­tal­dy. B.Núsipovtiń aıtýyn­sha, Jol­daýda kórsetilgen basym­dyqtar Qazaq­standy 30 ozyq eldiń qa­tary­na qosylý jolyndaǵy is-áre­ket­terine serpin beredi, el eko­no­­mı­kasynyń odan ári damýyna oń­taıly áser etedi, sondaı-aq buǵan deıin qabyldanǵan stra­­te­gııa­lyq baǵdarlamalardyń or­nyq­ty júzege asyrylýyna jol ashady. Baspasóz máslıhaty ba­ry­­­syn­­­da q­aty­sý­shylar Qazaq­­­stan Pre­­zı­denti Nursultan Nazarbaev­tyń bılik tarmaqtary ara­syn­daǵy óki­let­tilikti qaı­ta bólý jónindegi Ún­deýi el­degi demo­kratııalyq pro­sesti nyǵaı­tý­daǵy mańyzdy qad­am bo­lyp tabyla­tynyn, onyń el eko­no­mıkasynyń damýyn, halyqtyń ál-aýqatynyń ósýin qamtamasyz etetinin, atalǵan bastamalar der kezinde kún tártibine shyǵaryl­ǵanyn sóz etti. Baspasóz máslıhatynyń sońynda Qazaqstan elshisi Qazaq­stan men Germanııanyń ekijaqty qarym-qatynasynyń ózekti aspek­tilerine baılanysty nemis aý­dı­torııasyn qyzyqtyratyn suraq­­tarǵa jaýap berdi. Sonymen birge, germanııalyqtardy Qazaq­stan­nyń BUU Qaýipsizdik Keńesi­niń turaqty emes múshesi retindegi qyzmetiniń basymdyqtarymen jáne Astanada ótetin EKSPO-2017 halyqaralyq kór­me­­­sin uıymdastyrý aldyn­daǵy jumystardyń barysymen tanystyrdy.