Habarlamany Halyqaralyq saýda palatasynyń Dúnıejúzilik Palatalar Federasııasy jarııa etti Qazaqstannyń syrtqy saýdasy halyqaralyq kepildik beretin tizbek International Chamber of Commerce (ATA ICC WCF)-tiń 76-múshesi boldy, dep jazady palata.kz.
Qazaqstanda 1 sáýirden bastap ATA karnet júıesi qoldanyla bastaıdy. ATA karneti ýaqytsha ákelinetin taýarlardy anyqtap, tólemsiz kirgizýge múmkindik beretin, sondaı-aq ákelingen taýarlardy teńestirip, kedendik tólemder men alym-salyqtar tóleýde kepildik beretin halyqaralyq aınalymdaǵy standartty qujat bolyp tabylady.
ATA karneti keden qyzmetkerleri men sarapshylardyń ýaqyty men qarjysyn únemdep, taýardy shekara arqyly senimdi jáne qaýipsiz túrde tasymaldaýdy qamtamasyz etedi. Qazaqstan ýaqytsha ákelý týraly halyqaralyq konvensııany ratıfıkasııalady (Karnet ATA konvensııasy) QR Zańynyń 2010 jyldyń 3 qarashadaǵy № 346-IV sheshimi.
ATA júıesiniń mańyzdy aspektileriniń biri – ATA halyqaralyq konvensııasyn ratıfıkasııalaǵan barlyq memleket birdeı ATA júıesine kire bermeıdi, ıaǵnı olardyń aýmaǵynda keden qyzmeti ATA júıesiniń prınsıpimen qabyldap nemese jibere almaıdy. Memleket Ulttyq kepildik beretin uıymdardyń Dúnıejúzilik Palatalar Federasııasyna jáne kepildik beretin qaýymdastyqqa bekitilgen ulttyq keden organynyń halyqaralyq jelisine resmı túrde engizilgennen keıin ǵana halyqaralyq ATA júıesine resmı túrde múshe bola alady.
Qazaqstannyń syrtqy saýda palatasy Qazaqstanda ATA karnetin engizýdi 2016 jyly qańtar aıynda bastap, 2016 jyldyń aqpan aıynda aıaqtady. QR QM memlekettik kirister komıteti Halyqaralyq saýda palatasynyń Hatshylyǵyna Qazaqstannyń Syrtqy saýda palatasy ATA karneti boıynsha kepildik beretin uıym dep taný týraly habarlama berdi.
ATA karneti boıynsha kommersııalyq úlgidegi keń taýarlar tizbesin: baǵaly zattar men áshekeıler, saǵattar men bylǵary buıymdardy; jármeńke men kórme taýarlary, kórme kabına/stendter; kóne zattar, sýretter jáne basqa da óner týyndylary; televızııa úshin kásibı dybysty jabdyq, radıo habarlaryn taratý jáne kınematografııa, mýzykalyq aspaptar jáne kostıýmder. Sondaı-aq teatr úshin qural-jabdyqtar, mehanıka jáne elektr jabdyqtary, ınjenerııa, hırýrgııa, arheologııa jáne taǵy basqalaryn aýystyrýǵa ruqsat etiledi.
Atap ótý qajet, ATA karneti arqyly tez buzylatyn nemese tutynylatyn taýarlar, óńdeýdi jáne jóndeýdi qajet etetin taýarlar aýystyrylmaıdy. Qazirgi ýaqytta Qazaqstannyń Syrtqy saýda palatasy osy ATA Karnet júıesin Qazaqstanda tolyqqandy qodanysqa engizý úshin bar kúshin salyp otyr.
