Biri jeńip, ekinshisi ese jiberdi

Joǵary hokkeı lıgasyndaǵy pleı-off synynyń 1/4 fınalyna shyqqan qazaqstandyq qos klýb – Qaraǵandynyń «Saryarqasy» men О́skemenniń «Torpedosy» alǵashqy oıyndaryn ótkizdi. Qaraǵandyda ótken matchta «Saryarqa» Reseıdiń «Za­ýrale» komandasymen kezdesip, 3:1 esebi­men basym tústi. Qos komandanyń arasyndaǵy match qanshalyqty tartysty órbi­gen­men, esep tek alǵashqy kezeńniń sońǵy mınýtynda ǵana ashyldy. Bul shaıbany «Saryarqa» sapynan Oleg Lomako óz enshisine jazdy. Kez­desýdiń ekinshi kezeńi bastalar tusta Vıtalıı Smolıa­nınov qonaqtardy taǵy bir márte qapy qaldyrdy. Matchtyń sońǵy bóliginde jan­­kúıerler eki goldyń kýási boldy. Aldymen, 52-mınýtta Artýr Sarvarov basymdyqty art­tyrǵan bolsa, negizgi ýaqyt­tyń aıaqtalýyna úsh mınýt qalǵanda «Zaýrale» oıynshysy Evgenıı Sýlımov jalǵyz goldyń avtory atandy. Qos ujymnyń arasyndaǵy teke-tireste «Saryarqa» osylaısha alǵa shyqty. Dál osy synda óner kórsetken О́skemenniń «Torpedosy» óz aıdynynda Sankt-Peterbýrgtiń «Dınamosymen» kúsh synasyp, 2:3 esebimen ese jiberip qoıdy. Kezdesýdegi alǵashqy gol 11-mı­nýtta soǵyldy. Tal­­ǵat Jaı­laýov­­tyń ná­tıjeli soq­qysynan keıin shyǵys­qazaq­standyqtar esepte alǵa shyqqan. Alaıda, ara­ǵa eki mınýt salyp Artýr Chý­vı­lıaev tarazy basyn teńestirip ketti. Matchtyń kelesi kezeńinde bir ǵana shaıba soǵyldy. Bul tusta «Torpedo» sapynan Maık Dal­­hıoı­sen mergendigimen tanyldy. Oıynnyń sońǵy bóligi jerles­terimiz úshin oıdaǵydaı aıaqtala qoımady. Sebebi, tóreshiniń ys­qy­ryǵy estile salysymen alǵa um­­tylǵan pıter­likter esepti 2:2-ge jet­­kizse, araǵa úsh mınýt salyp jeńis go­lyn saldy. Bul shaıbalar, sáı­kesinshe Sergeı Kýznesov pen Vadım Shegolkovtyń esebine jazyldy. Aıan ÁBDÝÁLI, «Egemen Qazaqstan»