Qazaqstan tabystary tańǵalarlyqtaı

Keshe Aqordada Memleket basshysy Nursultan Nazarbaev «Shevron» korporasııasynyń bas atqarýshy dırektory jáne dırektorlar keńesiniń tóraǵasy Djon Ýotsondy qabyldady, dep habarlady Qazaqstan Respýblıkasy Prezıdentiniń baspasóz qyzmeti. Áńgime barysynda ekijaqty yntymaqtastyq máseleleri tal­qy­landy. – Áńgimelesý barysynda men Prezıdentke Teńiz ken ornyn da­mytýǵa baǵyttalǵan «Teńiz­she­v­roıl» birlesken kásipornynyń jumysy týraly baıandap berdim. О́tken jyly biz óńdeý salasynda rekordtyq kórsetkishke qol jetkizdik. Eń bastysy, bizdiń qol jetkizgenimiz – bul qorshaǵan or­tany qorǵaý jáne eńbek qaýip­siz­digi jónindegi jaqsy kórsetkish. Men sondaı-aq Prezıdentke qa­zaqstandyq mamandardy daıar­laý­ǵa jáne odan ári damýǵa baǵyt­tal­ǵan bizdiń bastamalarymyz tý­raly aıttym. Búgingi kúni biz­diń qyzmetkerlerimizdiń 85 paıy­zyn qazaqstandyqtar quraıdy. Biz TShO men «Shevronnyń» qa­zaq­standyq mazmunyn damytý­da­ǵy úlesin talqyladyq. Biz Memleket basshysynyń Qazaq­stan­nyń údemeli ındýstrııalyq-ın­no­vasııalyq damýy jónindegi bas­tamasyn tolyq qoldaımyz. «Shevron» kompanııasy búginde Teńiz ken ornyn óńdeýde eń jańa tehnologııany paıdalanýda. Osy ken ornynda alǵash ret júzege asyrylǵan shıki gazdy shaıqaý sonyń naqty bir mysaly bolyp tabylady. Sondaı-aq jaqynda me­­talplastıkalyq qubyrlar ón­di­risi zaýytynyń qurylysy aıaq­taldy, qazir biz ilmek armatýra óndirisiniń qurylysyna kirispekpiz. «Shevron» kompanııasy jel elektrstansasynyń qurylysyna ınvestısııa salatyn bolady jáne Qazaqstandaǵy energııa kózderin jańartýdy damytýǵa óz úlesin qosady. Prezıdent birneshe jyl­dan beri Qazaqstandy tabysty basqarýshy kóshbasshy bolyp tabylady. Muny ótken prezıdenttik saılaýdyń nátıjesi aı­qyn kórsetti. Ol ońaıǵa soqpaǵan ótken jyldarda da, taıaýdaǵy jahandyq qarjylyq daǵdarysta da eldi óte tıimdi jáne tabysty basqaryp keledi. Qazaqstan tań­ǵa­larlyqtaı nátıjeler kórsetti. Nursultan Nazarbaev eldegi ınvestısııalyq ahýaldyń jaq­sa­rýy­na erekshe mán beredi, – dedi jýrnalısterge arnalǵan brıfıng barysynda D.Ýotson. ----------------------------------------- Sýretti túsirgender S.BONDARENKO, B.OTARBAEV.