Avstrııa-Qazaqstan qatynastaryna – 25 jyl

Konferensııany uıymdas­tyrý­ǵa Qazaqstannyń Avstrııa­daǵy elshiligi, Avstrııanyń Eýropa isteri, yqpaldastyq jáne halyqaralyq qatynastar jónindegi federaldyq mı­nıstr­ligi, sonymen qatar, Avs­trııa-Qazaqstan qoǵam­das­­t­yǵy muryndyq boldy. Jıyn­ǵa qoǵamdyq-saıası sa­lanyń, buqaralyq aqparat quraldarynyń ókilderi, Avstrııa Syrtqy ister mı­nıstrliginiń qyzmetkerleri, dıp­­­lomatııalyq korpýs ókil­deri, «Avstrııa-Ortalyq Azııa» par­lamenttik tobynyń mú­she­­leri, halyqaralyq uıym­dardaǵy Qazaqstan ókilderi, Qazaqstannyń qurmetti konsýldary qatysty. Sonymen qatar, sol eldegi qazaq dıaspo­rasynyń ókilderi, joǵary oqý oryndarynda bilim alyp jatqan stýdent jerlesterimiz de sharadan syrt qalǵan joq.

Konferensııa eki eldiń memlekettik ánurandaryn oryndaýdan bastaldy. Jı­nal­ǵan qaýym aldynda birin­shi bolyp sóz alǵan Dıplo­ma­tııalyq akademııa dırektory Hans Vınkler Qazaqstannyń táýelsizdik jyldarynda qol jetkizgen tabystaryn joǵary baǵalady. Ol eki el arasynda dıplomatııalyq qarym-qaty­nas ornaǵannan bergi ara­lyqtaǵy Qazaqstan men Avs­trııa baılanystarynyń damý barysyn baıandady.

Alqaly jıynda Avstrııa Parlamenti Ulttyq keńesiniń ekinshi prezıdenti Karl­haıns Kopf, Qazaqstannyń Avstrııa­daǵy elshisi Qaırat Sary­baı, Avstrııa-Qazaqstan qoǵa­my­nyń prezıdenti, Avstrııa Eko­no­mıkalyq palatasynyń vıse-prezıdenti Rıhard Shens, Avstrııanyń Qazaqstanda alǵashqy elshisi bolǵan Ýrsýla Farınger baıan­dama jasady. Olar táýel­­sizdik jyldarynda eko­no­mıka, saıasat, bilim berý jáne mádenıet salalarynda Qa­zaq­stannyń bıik beles­terdi baǵyndyrǵanyn, Qazaq­stan-Avstrııa ekijaqty qaty­nas­tarynyń ózara tıimdi arnada qanat jaıyp kele jat­qanyn tilge tıek etti.

Avstrııa Parlamenti Ult­tyq keńesiniń ekinshi pre­zı­denti Karlhaıns Kopf Qazaq­stan Prezıdenti Nursultan Nazarbaevtyń halyq­aralyq bastamalary týra­ly aıta kelip: «Demo­kra­tııa­lyq damý – birtindep júrýge tıis qu­bylys. Avstrııa men Qazaq­stan ózi ornalasqan aımaqtar­da turaqtylyqtyń faktory bolyp tabylady. Sonymen qatar, bul eki mem­leket búkil ǵalamsharda beı­bit­shilik pen qaýipsizdikti ny­ǵaı­týǵa súbeli úles qosyp kele jatyr», – dedi Karlhaıns Kopf.

Spıkerlerdiń paıym­daýyn­sha, aldyńǵy qatarly tehnologııalarǵa ıe avs­trııa­lyq fırmalardyń Bes ınstıtýttyq reformany jú­zege asyrý jónindegi «100 naq­ty qadam» Ult jos­paryn is júzine asyrýǵa, son­daı-aq N.Nazarbaevtyń «Qazaq­stannyń Úshinshi jań­ǵyrýy: jahandyq básekege qabi­letti­lik» Joldaýynda kórse­tilgen mindetterdi oryndaýǵa yqpal etýge tolyq múmkindigi bar.

Jańǵyrmaly energııa salasyndaǵy kompanııa­lar úshin Astanada ótetin EKSPO-2017 halyqaralyq kór­­­mesine qatysý qosymsha múm­­­kin­dik týǵyzyp otyr. Osy­ǵan baılanysty Ekonomı­kalyq palata vıse-prezıdenti ári Avstrııanyń EKSPO-2017 boıynsha ulttyq komıssary R.Shens óz eliniń saıası jáne iskerlik ortasynyń beldi ókil­deri elordada Avstrııa­nyń Ult­tyq kúni, Qazaqstan-Avstrııa Iskerlik keńesiniń otyrysy, Tehnologııa kúni jáne basqa da sharalardy ótkizý arqyly halyqara­lyq kórmege belsene atsalysýǵa daıyn ekenin aıtty.