Qazaqstandyq fýtbolshy Granatkın týrnırinde erekshe kózge túskendikten, «Zenıt» komandasynyń ókilderi qyzyǵýshylyqtaryn jasyrmady. «Zenıt-2» ujymymen birge jıyndarǵa shaqyrdy.
«17 jastaǵy qazaqstandyq oıynshy Granatkın týrnırinde ózin jaqsy qyrynan kórsetip, úzdik shabýylshy atandy. Esimi uzaq bolǵandyqtan ony Erkosh dep erkeletip ataımyz. «Zenıttiń» jastarymen birge jattyqty. Munda da qarap qalmady, tórt gol soǵa bildi. Oǵan tipti, ıspanııalyqtar da nazar aýdara bastady. Sondyqtan múmkindikti jibermeı reseılik klýbtar ony óz qataryna qosýdy, tipti azamattyq berip, Reseı quramasyna shaqyrýdy oılaýy tıis», – dedi Dmıtrıı Selıýk.
Aıta keteıik, Seıdahmet «Zenıtpen» birge Italııada Viareggio Cup týrnırine qatysty. Munda kezekti oıyndardyń birinde bir taımda tórt dop soqty. Sondaı-aq, oqý-jattyǵý jıyndary kezinde ádemi golymen de kózge tústi. Biraq ol FIFA-nyń erejesi boıynsha 18 jasqa tolmaǵandyqtan, pıterlik klýbpen kelisimshartqa otyra almaıdy.
Qazirgi ýaqytta Erkebulan Seıdahmet «Taraz» ujymynyń oıynshysy atandy. Onyń kelisimsharty bir jylǵa jaramdy.
