Kell Brýk Golovkınniń osal tustaryn Denıel Djeıkobsqa anyq kórsetkenin aıtqan bolatyn. Al Domınık Ingl shákirtiniń qazaqstandyq boksshynyń burynǵy deńgeıde judyryqtasa almaıtynyn dáleldegenin alǵa tartty.
«Jekpe-jek besinshi raýndta aıaqtaldy. Ony toqtatqan men emespin, tipti referı de emes. Gennadıı ony soqqylarynyń astyna alýmen boldy. Brýktyń jattyqtyrýshylary shydamaı utylǵandaryn moıyndady. Ary qaraı neni aıtýǵa bolady? Brýktyń ókilderi aıqasty toqtatpaǵanda ary qaraı jalǵasar edi. Biraq onyń búginde sharshy alańdaǵy joly ary qaraı jalǵasa ma? Qazir Errol Spenspen aıqasy ótedi dep oılamas ta edim», – dedi Abel Sanches.
«Adam jeńilgennen keıin oıyna ne kelse sony aıtýmen bolady. Taǵy da qaıtalap aıtamyn, aıqasty Brýktyń buryshy toqtatty», – dedi Golovkınniń jattyqtyrýshysy.
Qos boksshynyń arasyndaǵy jekpe-jek ótken jyldyń qyrkúıek aıynda Londonda ótti. Besinshi raýndta Kell Brýktyń jattyqtyrýshylary jeńilgendigi jóninde sharshy alańǵa oramal tastaǵannan keıin jekpe-jek toqtatyldy. Boks keshinen keıin 30 jastaǵy bylǵary qolǵap sheberiniń kózi zaqymdanǵany ári tez arada ota jasatý kerektigi belgili boldy.
Aıta keteıik, Brýktyń Errol Spenspen aıqasy 27 mamyr kúni Anglııada ótedi.
