О́skemen qalasynda ótken fınaldyq oıynda «Astana» komandasyn 3:0 esebimen utqan «Altaı» voleıbol komandasy upaı sany boıynsha «Ertis-Kazhrom» komandasynan asyp túsip, jeńis tuǵyrynyń eń bıiginen kórindi.
Reti kelgende aıta keteıik, «Altaı» voleıbol klýbynyń erler jáne áıelder quramasy ótken jyly da el birinshiliginde top jarǵan edi.
– QR voleıbol federasııasy atynan chempıonattyń júldegerleri men jeńimpazdaryn shyn júrekten quttyqtaımyn. Sharany joǵary deńgeıde ótkizip, qoldaý bildirgeni úshin oblys ákimi Danıal Ahmetovke alǵys bildiremin. Aldaǵy voleıboldan ótetin Azııa chempıonatynda «Altaı» komandasynyń oıynshylary el namysyn abyroımen qorǵaıdy degen senimdemin, – dedi QR voleıbol federasııasynyń bas hatshysy Ermek Syrlybaev.
Bıylǵy jyldyń 25 – 31 mamyr aralyǵynda О́skemende áıelder arasynda voleıboldan klýbtyq Azııa chempıonaty ótedi dep josparlanǵan. Dúbirli dodada Qazaqstan atynan «Altaı» voleıbol klýby óner kórsetedi.
Azamat QASYM, «Egemen Qazaqstan»
О́SKEMEN
