​Qazaqstan Respýblıkasy Úkimetiniń qaýlysy

2017 jylǵy 13 aqpan              №56           Astana, Úkimet Úıi

Qazaqstan Respýblıkasynyń Úkimeti qaýly etedi:

1. «Keden organdary alatyn kedendik alymdardyń stavkalaryn bekitý týraly» Qazaqstan Respýblıkasy Úkimetiniń 2011 jylǵy 21 qańtardaǵy №24 qaýlysyna (Qazaq­stan Respýblıkasynyń PÚAJ-y, 2011 j., № 14, 171-qujat) mynadaı ózgerister engizilsin:

taqyryp mynadaı redaksııada jazylsyn:

«Memlekettik kirister organdary alatyn kedendik alymdardyń stavkalaryn bekitý týraly»;

1-tarmaq mynadaı redaksııada jazylsyn:

«1. Qosa berilip otyrǵan memlekettik kirister organdary alatyn kedendik alymdardyń stavkalary bekitilsin.»;

kórsetilgen qaýlymen bekitilgen keden organdary alatyn kedendik alymdardyń stavkalary osy qaýlyǵa qosymshaǵa sáıkes redaksııada jazylsyn.

2. Osy qaýly 2017 jylǵy 1 naýryzdan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri  B.SAǴYNTAEV

Qazaqstan Respýblıkasy Úkimetiniń 2017 jylǵy 13 aqpandaǵy

№56 qaýlysyna qosymsha

Qazaqstan Respýblıkasy Úkimetiniń 2011 jylǵy 21 qańtardaǵy

№24 qaýlysymen bekitilgen

Memlekettik kirister organdary alatyn kedendik alymdardyń stavkalary

Kedendik tólemderdiń

ataýy Teńgemen stavkasy

1 2

Taýarlardy kedendik deklarasııalaý úshin kedendik alymdar taýarǵa arnalǵan deklarasııanyń negizgi paraǵy úshin 25000 teńge;

taýarǵa arnalǵan deklarasııanyń árbir qosymsha paraǵy úshin 11000 teńge

Kedendik alyp júrý úshin kedendik alymdar 50 km deıingi qashyqtyqqa 5000 teńge,

50-den 100 km deıingi qashyqtyqta 7000 teńge,

100-den 200 km deıingi qashyqtyqta 11000 teńge,

200-den 400 km deıingi qashyktyqta 52000 teńge,

400-den 600 km deıingi qashyqtyqta 72000 teńge, 600-den 800 km deıingi qashyqtyqta 114000 teńge,

800-den 1000 km deıingi qashyqtyqta 155000 teńge,

1000-nan 1500 km deıingi qashyqtyqta 210000 teńge,

1500-den 2000 km deıingi qashyqtyqta 299000 teńge,

2000-nan 2500 km deıingi qashyqtyqta 353000 teńge

Aldyn ala sheshim úshin tólem 29000 teńge

Qazaqstan Respýblıkasy Úkimetiniń qaýlysy

2017 jylǵy 14 aqpan              №66            Astana, Úkimet Úıi

Joǵary oqý oryndarynyń erekshe mártebesi týraly erejeni bekitý týraly

«Bilim týraly» 2007 jylǵy 27 shildedegi Qazaqstan Respýblıkasynyń Zańy 4-babynyń 12) tarmaqshasyn iske asyrý maqsatynda Qazaqstan Respýblıkasynyń Úkimeti qaýly etedi:

1. Qosa berilip otyrǵan Joǵary oqý oryndarynyń erekshe mártebesi týraly ereje bekitilsin.

2. Qazaqstan Respýblıkasy Úkimetiniń mynadaı sheshimderiniń kúshi joıyldy dep tanylsyn:

1) «Erekshe mártebesi bar memlekettik joǵary oqý oryndary týraly úlgi erejeni bekitý týraly» Qazaqstan Respýblıkasy Úkimetiniń 2001 jylǵy 5 qarashadaǵy № 1398 qaýlysy (Qazaqstan Respýblıkasynyń PÚAJ-y, 2001 j., № 39, 494-qujat);

2) «Qazaqstan Respýblıkasy Úkimetiniń 2001 jylǵy 5 qarashadaǵy № 1398 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2002 jylǵy 8 shildedegi № 733 qaýlysy (Qazaqstan Respýblıkasynyń PÚAJ-y, 2002 j., № 21, 227-qújat).

3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri B.SAǴYNTAEV

Qazaqstan Respýblıkasy Úkimetiniń 2017 jylǵy 14 aqpandaǵy

№66 qaýlysymen bekitilgen

Joǵary oqý oryndarynyń erekshe mártebesi týraly ereje

1. Jalpy erejeler

1. Joǵary oqý oryndarynyń erekshe mártebesi týraly ereje «Bilim týraly» 2007 jylǵy 27 shildedegi Qazaqstan Respýblıkasynyń Zańy 4-babynyń 12) tarmaqshasyna sáıkes ázirlengen.

2. Qazaqstan Respýblıkasynyń Úkimeti Qazaqstan Respýblıkasynyń Prezıdentine jeke tulǵany tárbıeleýge, oqytýǵa jáne kásibı qalyptastyrýǵa eleýli úles qosyp kele jatqan joǵary oqý oryndaryna erekshe mártebe berý týraly usynys engizedi.

3. Joǵary oqý ornynyń erekshe mártebesi – Qazaqstan Respýblıkasynyń zańnamasynda kózdelgen, bilim berý mazmunyn derbes aıqyndaý, ǵylymı jáne bilim berý qyzmetin uıymdastyrý quqyǵyn beretin bilim berý uıymynyń jumys isteýiniń erekshe rejımi.

4. Erekshe mártebesi bar joǵary oqý oryndarynyń rektorlary zańnamada belgilengen tártippen qyzmetke taǵaıyndalady jáne qyzmetten bosatylady.

2. Erekshe mártebesi bar joǵary oqý oryndarynyń ókilettigi

5. Erekshe mártebesi bar joǵary oqý orny óz betinshe:

1) bakalavrıat, magıstratýra jáne doktorantýra baǵdarlamalaryn ázirleıdi jáne iske asyrady;

2) memlekettik jalpyǵa mindetti bilim berý standartyna sáıkes aǵymdaǵy, aralyq jáne qorytyndy attestattaý qaǵıdalaryn aıqyndaıdy;

3) professor-oqytýshylar quramyna bilim alýshylardyń araqatynasyn «Bilim týraly» 2007 jylǵy 27 shildedegi Qazaqstan Respýblıkasynyń Zańy 52-babynyń 8-tarmaǵynda belgilengen normalar sheginde belgileıdi;

4) pedagogıkalyq qyzmetkerlerdiń jáne olarǵa teńestirilgen tulǵalar laýazymdarynyń biliktilik sıpattamalaryn belgileıdi;

5) bilim berý qyzmetterin kórsetý shartynyń nysanyn bekitedi;

6) óz betinshe ázirlegen oqý júktemesiniń normalary, eńbekke aqy tóleý nysandary men mólsherleriniń negizinde bilim berý qyzmetin júzege asyrady;

7) joǵary oqý oryndaryna qabyldaý tártibin aıqyndaıdy;

8) bilim týraly ózindik úlgidegi qujattardy beredi;

9) qurylymdy jáne shtatty aıqyndaıdy.

3. Erekshe mártebesi bar joǵary oqý oryndarynyń

jumysyn uıymdastyrý

6. Erekshe mártebesi bar memlekettik joǵary oqý orny:

1) ǵylymı-pedagogıkalyq áleýetti, oqý-materıaldyq bazany jáne ınnovasııalyq bilim berý tehnologııalaryn tıimdi paıdalanýdyń negizinde álemdik standarttarǵa sáıkes keletin joǵary jáne joǵary oqý ornynan keıingi bilimniń turaqty joǵary deńgeıine kepildik beredi;

2) joǵary oqý ornynyń árbir bilim alýshysynyń, oqytýshysynyń jáne qyzmetkeriniń jeke basynyń bilim, rýhanı, mádenı jáne zııatkerlik damýy úshin barynsha jaǵdaılarmen qamtamasyz etedi;

3) oqý-ádistemelik bazany damytýǵa, ǵylymı qyzmettiń, joǵary jáne joǵary oqý ornynan keıingi bilim berýdiń sapasyn arttyrýǵa baǵyttalǵan ǵylymı, bilim berý jáne ózge de kórsetiletin qyzmetterden túsetin qarajat pen kiristerdi tıimdi paıdalanýdy júzege asyrady;

4) álemdik ǵylymı-bilim berý keńistiginde bilim berýdiń, ǵylymnyń, tehnıka men tehnologııalardyń damýyna júıeli túrde monıtorıng júrgizedi ári joǵary jáne joǵary oqý ornynan keıingi bilim berý júıesine engizý úshin bilim berý salasyndaǵy ýákiletti organǵa usynystar engizedi.

4. Erekshe mártebesi bar joǵary oqý oryndaryn qarjylandyrý

7. Arttyrý koeffısıenti zańnamada aıqyndalatyn Qazaqstan Respýblıkasy Prezıdentiniń janyndaǵy Memlekettik basqarý akademııasyn, Qazaqstan Respýblıkasy Joǵarǵy Sotynyń janyndaǵy Sot tóreligi akademııasyn qospaǵanda, uıymdastyrý-quqyqtyq nysanyna qaramastan, erekshe mártebesi bar memlekettik joǵary oqý oryndarynyń professor- oqytýshylar quramynyń jáne basshy qyzmetkerleriniń laýazymdyq aılyqaqysy laýazymdyq aılyqaqynyń belgilengen mólsherlerine 1,75 arttyrý koeffısıentin esepke ala otyryp aıqyndalady.

8. Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynyń professor-oqytýshylar quramynyń jáne basshy qyzmetkerleriniń laýazymdyq aılyqaqylary laýazymdyq aılyqaqynyń belgilengen mólsherlerine 1,5-ke deıin arttyrý koeffısıentin qoldana otyryp aıqyndalady.

Laýazymdyq aılyqaqyǵa arttyrý koeffısıentiniń naqty mólsheri laýazym sanattaryna qaraı saralanyp belgilenedi jáne ony Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynyń rektory bekitedi.

Qazaqstan Respýblıkasy Úkimetiniń qaýlysy

2017 jylǵy 14 aqpan            №68            Astana, Úkimet Úıi

Mindettemeni zattaı nysanda oryndaý qaǵıdalaryn

bekitý týraly

«Salyq jáne bıýdjetke tólenetin basqa da mindetti tólemder týraly» 2008 jylǵy 10 jeltoqsandaǵy Qazaqstan Respýblıkasy Kodeksiniń (Salyq kodeksi) 308-2-babynyń 4-tarmaǵyna jáne 346-baby 3-tarmaǵynyń ekinshi bóligine sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Mindettemeni zattaı nysanda oryndaý qaǵıdalary bekitilsin.

2. «Jer qoınaýyn paıdalanýshy Qazaqstan Respýblıkasyna zattaı nysanda beretin paıdaly qazbalardyń kólemin aıqyndaý erejesin bekitý týraly» Qazaqstan Respýblıkasy Úkimetiniń 2009 jylǵy 11 jeltoqsandaǵy  № 2080 qaýlysynyń (Qazaqstan Respýblıkasynyń PÚAJ-y, 2009 j., № 58, 505-qujat) kúshi joıyldy dep tanylsyn.

3. Osy qaýly alǵashqy resmı jarııalanǵan kúninen bastap qoldanysqa engiziledi jáne 2016 jylǵy 1 qańtardan bastap týyndaǵan quqyqtyq qatynastarǵa qoldanylady.

Qazaqstan Respýblıkasynyń Premer-Mınıstri  B.SAǴYNTAEV

Qazaqstan Respýblıkasy Úkimetiniń 2017 jylǵy 14 aqpandaǵy

№68 qaýlysymen bekitilgen

Mindettemeni zattaı nysanda oryndaý

QAǴIDALARY

1-taraý. Jalpy erejeler

1. Osy Mindettemeni zattaı nysanda oryndaý qaǵıdalary (budan ári – Qaǵıdalar):

1) Qazaqstan Respýblıkasynyń ónimdi bólý jónindegi úlesi;

2) roıaltı;

3) eksportqa renta salyǵy;

4) paıdaly qazbalardy óndirý salyǵy boıynsha salyq mindettemesin oryndaý esebine jer qoınaýyn paıdalanýshy zattaı nysanda beretin paıdaly qazbalardyń kólemderin aıqyndaý, ony aqshalaı mánde esepteý, sondaı-aq ótkizý tártibin belgileıdi.

2. Osy Qaǵıdalarda qoldanylatyn negizgi uǵymdar:

1) agent – memleket atynan alýshy paıdaly qazbalardy ótkizýdi júzege asyrýǵa ýákilettik bergen tulǵa;

2) jer qoınaýyn paıdalanýshy salyq mindettemelerin oryndaý esebine zattaı nysanda beretin paıdaly qazbalar (budan ári – paıdaly qazbalar) – jer qoınaýyn paıdalanýshy salyq mindettemelerin oryndaý esebine zattaı nysanda beretin munaı, kúkirt;

3) jetkizý pýnkti – memleket atynan alýshyǵa jer qoınaýyn paıdalanýshydan paıdaly qazbalarǵa bılik etý quqyqtaryn berý orny;

4) memleket atynan alýshy – Qazaqstan Respýblıkasynyń Úkimeti aıqyndaǵan, Qazaqstan Respýblıkasynyń salyq zańnamasynda jáne (nemese) «Salyq jáne bıýdjetke tólenetin basqa da mindetti tólemder týraly»  2008 jylǵy 10 jeltoqsandaǵy Qazaqstan Respýblıkasy Kodeksiniń (Salyq kodeksi) (budan ári – Salyq kodeksi) 308-1-babynda kózdelgen ónimdi bólý týraly kelisimderde (kelisimsharttarda), Qazaqstan Respýblıkasynyń Prezıdenti bekitken jer qoınaýyn paıdalanýǵa arnalǵan kelisimshartta kózdelgen salyq mindettemesin oryndaý esebine jer qoınaýyn paıdalanýshy zattaı nysanda beretin paıdaly qazbalardy alýshy retinde memleket atynan áreket etetin zańdy tulǵa;

5) memleket atynan alýshynyń nemese agenttiń shyǵystary – osy Qaǵıdalarda aıqyndalǵan, negizdelgen jáne qujattyq jáne (nemese) resmı tanylǵan aqparat kózderimen rastalǵan paıdaly qazbalardy jetkizý jáne ótkizý úshin qajetti shyǵystar;

6) satý pýnkti – paıdaly qazbalarǵa menshik quqyǵy nemese zalaldar qaýpi memleket atynan alýshydan nemese agentten satyp alýshyǵa ótetin oryn;

7) satýdyń ortasha ólshemdi baǵasy – osy Qaǵıdalardyń 19-tarmaǵyna sáıkes aıqyndalatyn, soǵan qatysty paıdaly qazbalardy berý júrgiziletin salyq kezeńi ishinde paıdaly qazbalardyń kólem birligin ótkizýdiń ortasha ólshemdi baǵasy;

8) paıdaly qazbalardyń shartty baǵasy – jer qoınaýyn paıdalanýshy mindettemelerdi zattaı nysanda oryndaý esebine Qazaqstan Respýblıkasyna beretin paıdaly qazbalar kólemderiniń aqshalaı mánin aıqyndaý úshin paıdalanylatyn paıdaly qazbalar kólemi birliginiń baǵasy;

9) tasymaldaý jónindegi shyǵystar – osy Qaǵıdalardyń 19-tarmaǵyna sáıkes aıqyndalatyn, temirjol, magıstraldyq qubyr jolmen jáne (nemese) teńiz joly arqyly tasymaldaý kezindegi kóliktik tarıfke aqy tóleýdi,  tógý jáne quıý (suıyq zattar úshin) jónindegi shyǵystardy, tıeý jáne túsirý (qatty zattar úshin) jónindegi shyǵystardy, paıdalanylǵan temirjol sısternalarynyń jalǵa alý aqysyn, kedendik tólemderdi, júktiń tehnologııalyq kólik ysyrabyn, júkti jolda saqtaý men saqtandyrý jónindegi shyǵystardy, temirjol arqyly tasymaldaýǵa baılanysty temirjol sısternalarynyń bos turyp qalǵanyna aqy tóleý, teńiz joly arqyly tasymaldaýǵa baılanysty demeredj jónindegi jáne dıfferensıalǵa qosylmaǵan shyǵystardy, tasymaldaýmen tikeleı baılanysty qarjylandyrý men banktik qyzmet kórsetýge jumsalatyn shyǵystardy, júktiń mólsheri men sapasyn baqylaý boıynsha tekserý júrgizý jónindegi shyǵystardy jáne tasymaldaýǵa tikeleı baılanysty ózge de shyǵystardy qamtıtyn, paıdaly qazbalardyń kólemi birligin uńǵymanyń saǵasynan (eger Salyq kodeksiniń  308-1-babynda kórsetilgen ónimdi bólý jónindegi kelisimderde (kelisimsharttarda) jáne jer qoınaýyn paıdalanýǵa arnalǵan kelisimsharttarda ózgeshe kózdelmese) satý (jóneltý) pýnktine deıin tasymaldaý jónindegi shyǵystar.

3. Osy Qaǵıdalarda kórsetilgen barlyq shamalar soǵan baılanysty paıdaly qazbalardy berý júrgiziletin salyqtyń árbir túrine Salyq kodeksine sáıkes aıqyndalǵan salyq kezeńi úshin esepteledi.

4. Osy Qaǵıdalarmen retteletin quqyqtyq qatynastar Salyq kodeksinde kózdelgen salyq salý qaǵıdattaryna negizdeledi.

2-taraý. Qazaqstan Respýblıkasynyń ónimdi bólý boıynsha úlesi jáne

roıaltı jónindegi mindettemelerdi oryndaý

5. Salyqtyq ákimshilik etý maqsatynda jer qoınaýyn paıdalanýshy Qazaqstan Respýblıkasynyń ónimdi bólý boıynsha úlesin jáne roıaltıdi tóleý esebine beretin paıdaly qazbalar kóleminiń aqshalaı máni Qazaqstan Respýblıkasynyń ónimdi bólý boıynsha úlesin jáne roıaltıdi tóleý esebine berýge jatatyn paıdaly qazbalar kóleminiń jáne osy tarmaqta kózdelgen shartty baǵanyń kóbeıtindisi retinde aıqyndalady.

Qazaqstan Respýblıkasynyń ónimdi bólý boıynsha úlesin jáne roıaltıdi tóleý esebine memleket atynan alýshyǵa beriletin paıdaly qazbalardyń kólemin aıqyndaý Salyq kodeksiniń 308-1-babynda kórsetilgen ónimdi bólý jónindegi kelisimderdiń (kelisimsharttardyń) jáne jer qoınaýyn paıdalanýǵa arnalǵan kelisimsharttardyń sharttaryn eskere otyryp, mynalar:

1) Qazaqstan Respýblıkasynyń ónimdi bólý jónindegi úlesi boıynsha – jer qoınaýyn paıdalanýshyǵa tıesili paıdaly qazbalar kólemin shegere otyryp, paıdaly qazbalardyń bólýge jatatyn kólemi retinde;

2) roıaltı boıynsha – óndirilgen paıdaly qazbalar kólemi men roıaltıdiń belgilengen mólsherlemesiniń kóbeıtindisi retinde júzege asyrylady.

Salyq kezeńinde berilýge jatatyn paıdaly qazbalar kólemin azaıtýǵa (ulǵaıtýǵa) jol berilmeıdi.

Shartty baǵany jer qoınaýyn paıdalanýshy Salyq kodeksiniń  308-1-babynda kórsetilgen ónimdi bólý jónindegi kelisimderdiń (kelisimsharttardyń) jáne jer qoınaýyn paıdalanýǵa arnalǵan kelisimsharttardyń erejelerine sáıkes esepteıdi, solardy oryndaý úshin mindettemelerdi oryndaý zattaı nysanda júrgiziledi jáne beriletin árbir paıdaly qazbanyń bólinisinde osyndaı kelisim (kelisimshart) boıynsha biryńǵaı shartty baǵa retinde qoldanylady.

Salyq kodeksiniń 308-1-babynda kórsetilgen ónimdi bólý týraly kelisimderde (kelisimsharttarda) jáne jer qoınaýyn paıdalanýǵa arnalǵan kelisimsharttarda shartty baǵany aıqyndaý tártibi bolmaǵan jaǵdaıda, mundaı shartty baǵa ortasha arıfmetıkalyq baǵa retinde aıqyndalady:

munaı boıynsha – ýaqyt aralyǵyndaǵy belgilenim kezeńi boıynsha:

1) taýardy teńiz kóligimen ótkizgen kezde taýarǵa menshik quqyǵy satyp alýshyǵa aýysqan kúnge deıin bes belgilenim kúninen aspaýǵa jáne taýarǵa menshik quqyǵy satyp alýshyǵa aýysqan kúnnen keıin bes belgilenim kúninen aspaýǵa;

2) taýardy teńiz kóligimen ótkizýdi qospaǵanda, magıstraldyq qubyrjol kóligimen jáne kóliktiń ózge túrimen ótkizý kezinde taýarǵa menshik quqyǵy satyp alýshyǵa aýysqan aıdyń birinshi kúninen bastap sońǵy kúnine deıin;

kúkirt boıynsha – ishki naryqtaǵy ortasha aılyq baǵany negizge ala otyryp jáne eksport kezinde Qazaqstan Respýblıkasynyń transferttik baǵa belgileý týraly zańnamasyna sáıkes aqparat kózinen.

6. Memleket atynan alýshy Salyq kodeksiniń 308-1-babynda kórsetilgen ónimdi bólý jónindegi kelisimderdiń (kelisimsharttardyń) jáne jer qoınaýyn paıdalanýǵa arnalǵan kelisimsharttardyń erejelerine sáıkes jer qoınaýyn paıdalanýshy tıisti salyq kezeńi úshin mindettemeni oryndaý esebine zattaı nysanda beretin kólemge teń kólemde osyndaı salyq kezeńinde mindettemeni zattaı nysanda oryndaý esebine jer qoınaýyn paıdalanýshydan paıdaly qazbalardy jetkizý pýnktinde alýdyń ýaqtylyǵyn jáne tolyqtyǵyn qamtamasyz etedi.

Eger memleket atynan alýshy osyndaı salyq kezeńi úshin tıisti paıdaly qazbalardyń tolyq kólemde alynýyn qamtamasyz ete almasa, jer qoınaýyn paıdalanýshy anyqtalǵan kezden bastap bes jumys kúni ishinde memlekettik kiris organdaryn jer qoınaýyn paıdalanýshy berýge tıisti osyndaı paıdaly qazbalar kólemin memleket atynan alýshynyń qabyldaýǵa qabiletsizdigi týraly jazbasha habardar etedi.

Memlekettik kiris organdary osy tarmaqtyń ekinshi bóliginde kórsetilgen habarlamany alǵannan keıin bes jumys kúni ishinde memleket atynan alýshyǵa paıdaly qazbalardy alýdyń tolyqtyǵyn qamtamasyz etýge qabiletsizdigi týraly túsindirmelerdi berý týraly jazbasha suraý salý jiberedi.

Memleket atynan alýshy memlekettik kiris organdarynyń suraý salýyn alǵan kezden bastap bes jumys kúni ishinde rastaıtyn qujattardy qosa berip, paıdaly qazbalardy alýdyń tolyqtyǵyn qamtamasyz etýge qabiletsizdigi týraly túsindirmelermen jazbasha jaýap jiberedi.

Jer qoınaýyn paıdalanýshy esepti toqsannan keıingi ekinshi aıdyń  5-kúninen keshiktirmeıtin merzimde paıdaly qazbanyń árbir túri boıynsha berilýge jatatyn kólemi, naqty berilgen kólemi jáne shartty baǵa týraly resmı hatpen memleket atynan alýshyny habardar etedi.

Bul rette mindettemeni zattaı nysanda oryndaýǵa baılanysty ósimpul men aıyppuldardy tóleý aqshalaı nysanda júrgiziledi.

7. Paıdaly qazbalardy satyp alýshyny tańdaýdy memleket atynan alýshy, Qazaqstan Respýblıkasynyń gaz jáne gazben jabdyqtaý týraly zańnamasyna sáıkes gazdy ulttyq operatorǵa satý jaǵdaılaryn qospaǵanda, konkýrstyq negizde júzege asyrady.

8. О́tkizý merzimi anaǵurlym uzaq ýaqytty talap etetin paıdaly qazbalardy qospaǵanda, jer qoınaýyn paıdalanýshynyń mindettemelerdi oryndaýy esebine zattaı nysanda alynatyn paıdaly qazbalar osyndaı paıdaly qazbalardyń táýliktik kólemin qabyldaý-berýdi rastaıtyn qujatqa jetkizý pýnktinde qol qoıǵan kúnnen bastap 90 kúntizbelik kúnnen aspaıtyn merzimde ótkiziledi.

9. Jer qoınaýyn paıdalanýshynyń mindettemelerdi oryndaýy esebine zattaı nysanda alynǵan paıdaly qazbalardy ótkizý memleket atynan alýshymen jasalǵan tıisti tapsyrma sharty bolǵan kezde munaı jáne gaz salasyndaǵy ýákiletti organmen kelisý boıynsha ǵana agent arqyly júzege asyrylady.

10. Paıdaly qazbalardy satý baǵasy Qazaqstan Respýblıkasynyń transferttik baǵa belgileý týraly zańnamasynyń talaptaryna sáıkes kelýge tıis.

11. Memleket atynan alýshy jáne (nemese) agent jer qoınaýyn paıdalanýshydan mindettemelerdi oryndaý esebine zattaı nysanda alynǵan paıdaly qazbalardy beırezıdentterge jáne rezıdentterge ótkizýdi Salyq kodeksiniń 308-1-babynda kórsetilgen tıisti ónimdi bólý týraly kelisimderde (kelisimsharttarda) jáne jer qoınaýyn paıdalanýǵa arnalǵan kelisimsharttarda salyq tólemderin esepteý úshin kózdelgen valıýtada júzege asyrady.

Jer qoınaýyn paıdalanýshynyń mindettemelerdi oryndaýy esebine zattaı nysanda beriletin paıdaly qazbalardy ótkizýge baılanysty operasııalar boıynsha valıýta aıyrbastaýdyń naryqtyq baǵamy Qazaqstan Respýblıkasy salyq zańnamasynyń talaptaryna sáıkes aıqyndalady.

12. Jer qoınaýyn paıdalanýshynyń mindettemelerdi oryndaýy esebine zattaı nysanda alynǵan paıdaly qazbalardyń birligi úshin ótkizý baǵasynyń esebi árbir ótkizý bólinisinde paıdaly qazbanyń árbir túri boıynsha Salyq kodeksinde aıqyndalǵan salyq kezeńi úshin myna formýla boıynsha esepteledi:

Bbirl.= (S1 + S2+…+ Sn)/(V1+V2+…Vn),

mundaǵy:

S1, S2,…, Sn – tıisti ótkizý pýnktinde jekelegen paıdaly qazbany ótkizýden alynǵan túsim;

V1, V2,…, Vn – tıisti ótkizý pýnktindegi túsim túsken naqty ótkizilgen árbir paıdaly qazbanyń kólemi.

13. Satýǵa jatatyn paıdaly qazbalardyń kólemi jer qoınaýyn paıdalanýshydan alynǵan paıdaly qazbalardyń kóleminen jetkizý pýnktinen ótkizý pýnktine deıin olardy tasymaldaý, saqtaý jáne ótkizý kezinde týyndaǵan ysyraptardy shegere otyryp aıqyndalady, atap aıtqanda:

1) tabıǵı kemý nátıjesindegi normalanǵan shyǵyndar;

2) avarııalyq shyǵyndar;

3) fors-majorlyq mán-jaılardan týyndaǵan shyǵyndar;

4) sáıkestendirilmeıtin shyǵyndar;

5) kólik uıymynyń talaptaryna sáıkes qubyrjoldardy toltyrý úshin qajet munaı kólemi (budan ári – tehnologııalyq munaı).

Tehnologııalyq munaıdy satý ol naqty ótkizilgen salyq kezeńinde kórsetilý tıis.

Paıdaly qazbalar kólemderin ótkizýge tıep jóneltý kezinde tıisti kólik uıymdary usynǵan qujattar, al agent arqyly ótkizgen jaǵdaıda – agent kýálandyrǵan esepteý kesteleri joǵaryda kórsetilgen ysyraptardyń jáne tehnologııalyq munaıdyń kólemderin rastaıtyn qujattar bolyp tabylady.

Esepti salyq kezeńinde ótkizýden túsim túsken, ótkizýge jatatyn paıdaly qazbalardyń kólemi paıdaly qazbalardyń naqty ótkizilgen kólemi bolyp tabylady.

Satylǵan paıdaly qazbalar úshin tólem faktisin rastaıtyn qujattar satyp alýshylarǵa naqty ótkizilgen paıdaly qazbalardyń kólemi týraly rastaýshy qujattar bolyp tabylady.

О́lshem birlikterin barrelden metrıkalyq tonnaǵa aýystyrý ótkizý pýnktindegi esepke alý aspabynyń derekteri negizinde júzege asyrylady. Bul rette barrelge aınaldyrý koeffısıentteri ótkizý pýnktinde qoldanylatyn standartqa sáıkes standartty ólsheý sharttaryna keltirilgen eksporttalatyn shıki munaıdyń naqty tyǵyzdyǵy men temperatýrasyn eskere otyryp belgilenedi.

14. Salyq mindettemesin zattaı nysanda oryndaý boıynsha aǵymdaǵy tólemderdiń esebin usyný kúni paıdaly qazbalardy ótkizýden túsim bolmaǵan jaǵdaıda, osyndaı ótkizýden túsken kólem men túsimdi memleket atynan alýshy kúntizbelik jyl úshin salyq mindettemesin zattaı nysanda oryndaý týraly deklarasııada kórsetedi.

О́tkizilgen paıdaly qazbalardan kelip túsken aqsha kommersııalyq maqsattarda paıdalanylýǵa jatpaıdy.

15. Memleket atynan alýshy Qazaqstan Respýblıkasynyń salyq zańnamasynda belgilengen tártippen jáne merzimderde bıýdjetke Qazaqstan Respýblıkasynyń úlesi (roıaltı) boıynsha mindettemelerdi tóleý esebine myna formýla boıynsha aıqyndalǵan aqsha somasyn aýdarady:

∑salyq= S – TR,

mundaǵy:

∑salyq – bıýdjetke tóleýge (aýdarýǵa) jatatyn, jer qoınaýyn paıdalanýshynyń mindettemeni oryndaýy esebine zattaı nysanda alynǵan paıdaly qazbalardy ótkizýden túsken salyq bolyp tabylatyn aqsha somasy;

S – salyq kezeńinde tıisti ótkizý pýnktindegi paıdaly qazbalardy ótkizýden alynǵan jalpy túsim;

TR – jer qoınaýyn paıdalanýshynyń mindettemeni oryndaýy esebine zattaı nysanda alynǵan paıdaly qazbalardy tasymaldaý, saqtaý jáne ótkizý kezinde memleket atynan alýshy nemese agent jumsaǵan shyǵystardyń jalpy somasy.

16. Jer qoınaýyn paıdalanýshynyń mindettemeni oryndaýy esebine zattaı nysanda alynǵan paıdaly qazbalardy tasymaldaý, saqtaý jáne ótkizý kezinde memleket atynan alýshy nemese agent jumsaǵan shyǵystarǵa árbir túr boıynsha negizdelgen (tómende kórsetilgen shyǵystardy tóleý mindetterine kýálik etý) jáne qujattamalyq (bastapqy qujattardyń túpnusqalarymen nemese kýálandyrylǵan kóshirmelerimen) rastalǵan shyǵystar jatady:

1) saýda brokeriniń, termınal ıesiniń komıssııalyq syıaqysy ne olardyń saýda-deldaldyq fýnksııalardy oryndaǵany úshin ótemaqy;

2) munaı qubyry jáne temir jol júıeleri boıynsha tasymaldaý shyǵystaryna qosa osy shyǵystar túri boıynsha avanstyq tólemder, sondaı-aq tarıfterdegi ózgeristerdi jabý shyǵystary;

3) paıdaly qazbalardy ótkizý pýnktine deıin júretin jolda eksportqa kedendik resimdeý boıynsha shyǵystardy qosa alǵanda, júk qujattaryn resimdeý boıynsha kórsetiletin qyzmetter;

4) paıdaly qazbalardy rezervýarlarda jáne kólik kompanııasynyń qoımalarynda saqtaý boıynsha shyǵystar;

5) qabyldaý, aıdaý, aýystyrý, aǵyzý, quıý, saqtaý, aralastyrý boıynsha shyǵystardy qosa alǵanda, paıdaly qazbalardy tıeý-túsirýmen baılanysty shyǵystar;

6) qoıma shyǵystaryn, ekspedıtorlyq kórsetiletin qyzmetterdiń qunyn jáne júk ınspektorynyń kórsetiletin qyzmetterine aqy tóleýdi qosa alǵanda, tasymaldaý jáne (nemese) ótkizý kezinde tólengen úshinshi taraptardyń (kórsetiletin qyzmetterdi berýshilerdiń) shyǵystary;

7) paıdaly qazbalardyń sapasy boıynsha kólik kompanııalary (munaı sapasy banki) talap etetin shyǵystar;

8) paıdaly qazbalardy saqtandyrý boıynsha shyǵystar;

9) kóliktik-ekspedıtorlyq kórsetiletin qyzmetter;

10)  bank qyzmetteriniń quny, erte tólem úshin satyp alýshynyń syıaqysy, aqsha qarajattaryn aıyrbastaý boıynsha shyǵystar, baǵamdyq aıyrmashylyqtar, onyń ishinde valıýtany naryqtyq baǵam jáne bir kúndegi valıýta aıyrbastaý mámilesiniń naqty baǵamy boıynsha basqa shetel valıýtasyna aıyrbastaý kezinde týyndaıtyn aıyrmashylyqtar, akkredıtıv boıynsha shyǵystar;

11)  túrik buǵazdaryn ótý, memleket atynan alýshyǵa nemese agentke baılanysty sebepter boıynsha tıeý portyndaǵy aılaqtar arasynda tasymaldaý boıynsha shyǵystar, sondaı-aq tıeý portyndaǵy tankerlerdiń normatıvten tys turyp qalýy;

12)  salyq agenti salyqtardy ustap qalý boıynsha mindettemelerdi oryndamaǵan kezde tólengen salyqtardy qospaǵanda, paıdaly qazbalardy tasymaldaý men ótkizýge baılanysty jáne memleket atynan alýshynyń nemese agenttiń tikeleı mindettemesi bolyp tabylatyn salyqtardy, ekologııalyq tólemderdi, kedendik tólemderdi, kedendik bajdar men alymdardy, bıýdjetke basqa da mindetti tólemderdi tóleý shyǵystary;

13)  berilgen shyǵys túrleri boıynsha avanstyq tólemderdi qosa alǵanda, paıdaly qazbalardy tasymaldaý jáne ótkizý maqsattary úshin irikteme men jetkizýlerdi basqarýmen jáne úılestirýmen baılanysty servıstik kelisimder boıynsha shyǵystar;

14)  zańdyq, notarıattyq kórsetiletin qyzmetterge jáne sot-tórelik shyǵasylarǵa, saraptamalar boıynsha kórsetiletin qyzmetterge, poshtalyq-kýrerlik kórsetiletin qyzmetterge shyǵystar;

15)  jartylaı vagondardy jalǵa alý, jóndeý, turaqqa qoıý, vagondardy jumyldyrý jáne taratý, jartylaı vagondardy qyzmet kórsetý pýnktine jetkizý, vagondardy tazartý jáne daıyndaý, jartylaı vagondardy korrozııaǵa qarsy jabynmen jabý, magıstraldyq temirjol jelilerine jáne ınfraqurylym obektilerine qyzmet kórsetý, marshrýttyq joldarda (qajetti qozǵalysty qamtamasyz etý úshin) qyzmet kórsetý, jartylaı vagondarda tasymaldaý úshin erekshe jaǵdaılardy alý, tasymaldaýdy uıymdastyrý úshin komıssııalar, belgilengen stansııadaǵy manevr jasaý jumystary, belgilengen stansııadan túsirý termınalyna vagondardy berý-jınaý, termınaldyń kórsetiletin qyzmetteri, júkterdi súıemeldeý, túsirý kezinde vagondardan jabyndardy alyp tastaý boıynsha shyǵystar.

17. Shyǵystar birneshe salyq kezeńderine jatatyn jaǵdaılarda, mundaı shyǵystar tólem júrgizilgen salyq kezeńinde qabyldanady.

18. Paıdaly qazbalardy agent arqyly satqan kezde, eger kórsetiletin qyzmetti berýshi shyǵystardy rastaıtyn qujattardy Qazaqstan Respýblıkasynyń úlesin tóleý boıynsha mindettemelerdi oryndaý esebine berilgen, memleket atynan alýshynyń paıdaly qazbalar kólemderine jatatyn kórsetiletin qyzmetterdiń qunyn kórsetpesten agenttiń atyna beretin bolsa, mundaı shyǵystardy agent ótkizilgen paıdaly qazbalar kólemderindegi tıisti úlesterine tepe-teń bóledi. Atalǵan shyǵystardy agent memleket atynan alýshyǵa eseptik keste túrinde beredi, bul rette eseptik kesteler men agent kýálandyrǵan qujattardyń kóshirmeleri rastaýshy qujattar bolyp tabylady.

3-taraý. Eksportqa renta salyǵy jáne paıdaly qazbalardy óndirý salyǵy boıynsha mindettemeni zattaı nysanda oryndaý

19. Jer qoınaýyn paıdalanýshy memleket atynan alýshyǵa eksportqa renta salyǵy men paıdaly qazbalardy óndirý salyǵy boıynsha salyq mindettemelerin oryndaý esebine beretin paıdaly qazbanyń kólemi birliginiń baǵasy myna formýla boıynsha aıqyndalady:

S(saǵa) = Sortólsh. – TRortólsh. – Spenm.

mundaǵy:

S(saǵa) – saǵada esepteletin paıdaly qazbalardyń kólemi birliginiń eseptik baǵasy;

Sortólsh. – paıdaly qazbalar kóleminiń birligin ótkizýdiń ortasha ólshemdi baǵasy, ol myna formýla boıynsha aıqyndalady:

Sortólsh. = Ssatý / Vjalpy

mundaǵy:

Ssatý – salyq kezeńindegi barlyq baǵyttar boıynsha paıdaly qazbalardyń soǵan qatysty paıdaly qazbany berý júrgiziletin osy túrin ótkizýden túsken jalpy kiris;

TRortólsh. – paıdaly qazbalar kóleminiń birligin tasymaldaý jónindegi ortasha ólshemdi shyǵystar, olar myna formýla boıynsha aıqyndalady:

TRortólsh.= TR/V jalpy;

mundaǵy:

TR – salyq kezeńinde ótkizilgen paıdaly qazbalardyń soǵan qatysty paıdaly qazbany berý júrgiziletin osy túrin tasymaldaý jónindegi shyǵystardyń jalpy somasy;

Spent. – paıdaly qazbalar kóleminiń birligine arnalǵan eksportqa renta salyǵynyń somasy, ol myna formýla boıynsha aıqyndalady:

Spenm. – S/Vjalpy;

mundaǵy:

S – salyq kezeńindegi Salyq kodeksiniń 302-babyna sáıkes eseptelgen, soǵan qatysty paıdaly qazbalardy berý júrgiziletin eksportqa renta salyǵynyń aqshalaı mándegi somasy;

Vjalpy – salyq kezeńinde ótkizilgen paıdaly qazbalardyń soǵan qatysty paıdaly qazbany berý júrgiziletin osy túriniń naqty kólemi.

20. Eksportqa renta salyǵy jáne paıdaly qazbalardy óndirý salyǵy boıynsha salyq mindettemelerin oryndaý esebine jer qoınaýyn paıdalanýshy memleket atynan alýshyǵa beretin paıdaly qazbalardy satý osy Qaǵıdalardyń 7-13-tarmaqtarynda kózdelgen tártippen, salyq tóleýshi paıdaly qazbalardy óndirý salyǵy, eksportqa renta salyǵy túrinde Qazaqstan Respýblıkasyna zattaı nysanda beriletin paıdaly qazbalar kólemderin jetkizý pýnktin, sharttaryn jáne merzimderin kózdeıtin, «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń zańyna sáıkes jasalatyn kelisimshartqa qosymsha kelisimniń erejelerin eskere otyryp júzege asyrylady.

21. Eksportqa renta salyǵyn tóleý esebine beriletin paıdaly qazbalardyń kólemin aıqyndaý Salyq kodeksiniń 302-babyna sáıkes eseptelgen aqshalaı mándegi salyq somasyn jáne paıdaly qazbalar kólemi birliginiń eseptik baǵasyn negizge ala otyryp, myna formýla boıynsha júrgiziledi:

V rent. = Spenm. / S(saǵa)

mundaǵy:

Vrent. – eksportqa renta salyǵyn tóleý esebine memleket atynan alýshyǵa salyq tóleýshi zattaı nysanda berýi tıis paıdaly qazbalardyń kólemi;

Srent. – Salyq kodeksiniń 302-babyna sáıkes salyq kezeńi ishinde eseptelgen, soǵan qatysty paıdaly qazbalardy berý júrgiziletin aqshalaı mándegi eksportqa renta salyǵynyń somasy;

S(saǵa) – saǵada esepteletin paıdaly qazbalar kólemi birliginiń eseptik baǵasy.

22. Paıdaly qazbalardy óndirý salyǵyn tóleý esebine beriletin paıdaly qazbalardyń kólemin aıqyndaý Salyq kodeksiniń 335-babyna sáıkes eseptelgen aqshalaı mándegi salyq somasyn jáne paıdaly qazbalar kólemi birliginiń eseptik baǵasyn negizge ala otyryp, myna formýla boıynsha júrgiziledi:

Vpqós = Spqós /S(saǵa)

mundaǵy:

Vpqós – salyq tóleýshi paıdaly qazbalardy óndirý salyǵyn tóleý esebine alýshyǵa zattaı nysanda berýi tıis paıdaly qazbalardyń kólemi;

Spqós – Salyq kodeksiniń 335-babyna sáıkes salyq kezeńi úshin eseptelgen, soǵan qatysty paıdaly qazbalardy berý júrgiziletin paıdaly qazbalardy óndirý salyǵynyń aqshalaı mándegi somasy;

S(saǵa) – saǵada esepteletin paıdaly qazbalar kólemi birliginiń eseptik baǵasy.