«Osyǵan deıin Golovkın salmaǵyn 168 fýntqa deıin kóterýi múmkin ekendigi jaıly birneshe ret aıttyq. Munda biz kishi Hýlıo Sezar Chavespen, Karl Frochpen jekpe-jek uıymdastyrǵymyz kelgen. Endi Jılberto Sılva GGG-men kúsh synasqysy keletinin aıtyp otyr. Sondaı-aq, biz Andre Ýordty da oılap otyrmyz. Eger Ýord revansh aıqasta Sergeı Kovalevti jeńse, onymen úlken kezdesý uıymdastyrýǵa bolady», – dedi Golovkınniń promoýteri Tom Leffler.
«Gennadıı men Andre arasyndaǵy jekpe-jek jóninde aqparat taraǵan kezde biz Devıd Lememen kelisip qoıǵan edik. Odan keıin Kotto-Alvares arasyndaǵy kezdesýdiń jeńimpazyn kúttik. Biz 168 fýntta Ýordpen qolǵap túıistirgimiz keletinin aıttyq», – dedi promoýter.
«Djeıkobsty jeńgennen keıin biraz qıyndyqtar sheshilgendeı boldy. Bıllı Djo Sonders, Saýl Alvares, Hılberto Ramıres, Andre Ýord syndy boksshylarmen úlken boks keshterin uıymdastyrǵymyz keledi. Ýord pen Kovalev kezdesýi qalaı aıaqtalaryn kóreıik. Al Ramıres sáýir aıynda kezekti aıqasyn ótkizedi. Onyń promoýteri Gennadıımen judyryqtasýy úshin baryn salyp júr. Menińshe, Tehasta Ramırespen boks keshin uıymdastyrǵan tıimdi bolady», – dedi ol.
