Daýys berýshiler 11 úmitkerdiń arasynan eldi bes jyl boıy basqaratyn kandıdatty tańdaıdy, dep habarlaıdy Qazaqparat.
Saılaýǵa eldiń 6,7 mln azamaty qatysýǵa quqyly. Respýblıkalyq saılaý komıssııasynan habarlaǵandaı, barlyǵy 8 523 saılaý ýchaskesi, sonyń ishinde Kosovo jáne Metohııa avtonomııalyq ólkesiniń aýmaǵynda 90 ýchaske jumys isteıdi.
Qoǵam arasynda júrgizilgen saýalnama nátıjesine sáıkes, halyqtyń 54,3 paıyzy Serbııanyń qazirgi premer-mınıstri Aleksandar Výchıchti qoldap otyr. Ekinshi orynda burynǵy ombýdsmen Sasha Iаnkovıch («Úreısiz Serbııa» azamattar toby) (saılaýshylardyń 12,8%-y) tur. Úshinshi oryndy Lıýbısha Preletachevıch Belyı laqap atymen keńinen tanylǵan parodıst-komık Lýka Maksımovıch (9,5%) ıelengen.
Serbııa parlamenttik respýblıka bolyp tabylady, bul eldiń memleket basshysy negizinen ókilettik etý fýnksııalaryn atqarady.
