Ortalyq Azııa elderiniń áleýeti zor

Jıynǵa Ortalyq Azııa aımaǵyn­daǵy bes memleket – Qazaqstan, Qyrǵyz­stan, О́zbekstan, Tájikstan jáne Túrik­men­stan elderiniń dele­ga­sııalary qatysty.

Brıfıngte Ortalyq Azııa elderiniń BUU-daǵy Tu­­raqty ókilderi atynan Tú­rik­menstan elshisi Aq­sol­tan Ataeva kiri­spe sóz sóıledi. Onyń aıtýyn­sha, Or­­ta­­lyq Azııa elderiniń she­shýshi damý ke­zeń­­deri BUU-nyń túrli sala­lar bo­ıyn­sha jahandyq jobalary men baǵ­dar­lamalaryna q­a­ty­sýy­na, halyqaralyq qo­ǵam­­dastyqtyń tolyq­qandy mú­shesi re­tinde óz rólin ny­ǵaıt­ýy­na tikeleı qatysty.

Basqosýda Qazaqstannyń Ortalyq Azııa memleketteri ara­synan birinshi bolyp BUU Qaýipsizdik Keńesine mú­shelikke qabyldanýy aı­ryq­sha atap ótildi. Budan bólek, Or­talyq Azııa elderiniń BUU-nyń Turaqty damý ma­q­sat­tary men 2030 jylǵa deıin is­ke asyrylýy tıis ózge de ja­handyq máselelerge belsene aralasyp kele jatqany sóz boldy.

BUU Bas Assambleıasynyń tóraǵasy Pıter Tomson óziniń quttyqtaý sózinde Ortalyq Azııa memleketteriniń BUU qyz­­metindegi mańyzdy ró­lin­e toqtal­dy. Onyń sózine qa­raǵanda, jahan­dyq árip­tes­tikti nyǵaıtýda, BUU-nyń mádenıetaralyq, din­ara­­lyq, ór­kenıet­aralyq ún­q­a­tysýdy ilgeriletýdegi ju­mysyna aımaq elderi bel­sene qatysýda. Sondaı-aq, Ortalyq Azııa elderi jasyl ener­­getıkany damytý, azyq-tú­lik qaýip­siz­digin qam­ta­ma­syz etý, gen­der­lik teń­dikti saq­­taý sa­la­la­ryn­d­a­ǵy jo­ba­lar­ǵa da óz deń­geı­in­de atsa­ly­sýda.

Aıta keteıik, sharaǵa BUU Hat­­shyly­ǵynyń basshy­lary men qyz­met­kerleri, uıym­ǵa múshe memle­ket­terdiń turaq­ty ókilderi, sarapshylar, is­ker top ókilderi jáne BUU Ha­lyq­aralyq jýrnalıster qaý­ymdastyǵynyń músheleri qatysty.

Shara sońynda qonaqtar nazaryna Ortalyq Azııa mem­leketteriniń BUU tarapynan uıym­dastyrylǵan sammıtter men aýqymdy sha­ralarǵa qa­tysý bary­sy beınelengen ta­rıhı sýretter, son­daı-aq, aı­maq elderiniń uıym aıasynda kótergen mańyzdy bastamalary jóninde maǵlumattar qoıylǵan kórme usynyldy.