Saıystyń shymyldyǵyn Mıhaıl Kýkýshkın men Ý Dı ashty. ATR jarııalaǵan tizimge kóz júgirtsek, bizdiń Kýkýshkın – 77-shi, al Ý Dı – 219-shy orynǵa jaıǵasqan eken. Degenmen, reıtıngtegi alshaqtyqqa qaramastan, kezdesý tartysty ótti. Alǵashqy setti jeńispen bastaǵan jerlesimiz, kelesi kezeńde kútpegen jerden qarsylasyna ese jiberdi. Bul jerde qytaılyq sportshynyń jankeshtiligin aıta ketken jón. Boıynyń qysqalyǵyna qaramastan, ol qarsylasynyń oılastyrǵan ádisin der kezinde baıqap, qarsy soqqy jasap ta úlgerdi. Nátıjesinde, ekinshi kezeńdi óz paıdasyna sheshti. Áıtkenmen, tájirıbeniń arqasynda M.Kýkýshkın ózinen tórt jas kishi áriptesinen 6:2, 3:6, 6:3, 6:2 esebimen basym tústi.
Qytaı jankúıerleriniń kóńilin kúpti etken birinshi kezdesýden keıin, Qazaqstan namysyn qorǵaǵan Dmıtrıı Popkoǵa Aspanasty eliniń №1 tennısshisi Sze Chjan qarsy shyqty. Birden aıtaıyq, Popko 3:0 esebimen jeńiske jetip, birinshi kúnniń qorytyndysy boıynsha esepti 2:0-ge jetkizdi. Alaıda, tablodaǵy kórsetkishke qarap, jeńis bizdiń tennısshige ońaı keldi dep aıtýǵa aýyz barmaıdy. Sebebi, Szo Chjan alǵashqy eki sette jeńilgenine qaramastan, úshinshi kezeńde taıtalasyp júrip kezdesýdi taı-breıkke deıin jetkizdi. Degenmen, bizdiń tennısshi qarsylasynan 6:3, 6:4, 7:5 esebimen basym túsip, 1 saǵat 51 mınýtqa sozylǵan básekege núkte qoıdy.
Jarystyń ekinshi kúni juptasyp óner kórsetýde Andreı Golýbev pen Aleksandr Nedovesov Baı Iаn men Mao-Sın Gýnge qarsy kortqa shyqty. Jankúıerlerdiń qyzý qoldaýyna ıe bola tura, jerlesterimiz birden keremet oıyn kórsete alǵan joq. О́ıtkeni, bul kúni qytaılyqtar á degennen-aq alǵashqy kezeńdi óz paıdasyna sheshe aldy. Osylaı jalǵasa berer dep oılasa kerek, shyǵystaǵy kórshilerimiz sál sylbyrlyq tanytqan edi, tez esin jıyp úlgergen Golýbev/Nedovesov juby qatarynan bes geımde jeńiske jetip, jınalǵan jankúıerlerdiń qoshemetine bólendi.
Uzaq ári aýyr bolǵan ekinshi aınalymda bizdiń jigitter 6:1 esebimen basym tústi. Qazaqstandyqtardyń óz jerindegi senimdiligi qarsylastaryn eseńgiretip tastasa kerek, Qytaı sportshylary tórtinshi-besinshi kezeńde tipten óz deńgeıinde óner kórsete almady. Qytaı maqtanyshtarynyń biri Mao-Sın kezdesý barysynda qanshalyqty áreket jasaǵanymen, onyń kóp jospary oryndalmady. Nátıjesinde, 3 saǵatqa sozylǵan kezdesýde tóreshi 3:6, 6:1, 5:7, 6:1, 6:3 esebimen jerlesterimizdiń jeńiske jetkenin habarlady. Sóıtip, Dıas Dosqaraev jetekshilik etetin qurama jarystyń alda bolatyn eki kezdesýdiń nátıjesine qaramastan, pleı-off kezeńine joldama aldy.
Týrnırdiń sońǵy kúninde eki match oınaldy. Alǵash bolyp kortqa Aleksandr Nedovesov shyǵyp, Sze Chjanǵa ese jiberdi. Al quramaǵa endi qosylǵan 20 jasar Dmıtrıı Popko 6:7, 7:5, 7:6 esebimen jeńiske jetti.
Iá, jigitter marapatqa laıyq boldy. О́ıtkeni, tennısshilerimiz álemdegi Devıs Kýbogynyń pleı-off kezeńine joldama alyp otyr. Endi qurama jigitteri bıyl kúzde Reseı, Horvatııa, Chehııa, Shveısarııa, Japonııa, Kanada, Germanııa, Argentına komandalarynyń birimen negizgi kezeńge shyǵý úshin baq synaıdy.
Dıas DOSQARAEV,
Qazaqstan quramasynyń kapıtany:
– Sóz joq, jaqsy match boldy, jigitter jarady. Ásirese, komandaǵa jańadan qosylǵan 20 jasar Dmıtrıı Popko quramaǵa eki upaı syılady. Bul jigit senimdi aqtady. Sońǵy kezde sheteldik bapkerlerdi shaqyryp, quramasyn kúsheıtip alǵan Qytaıǵa qarsy shyǵý ońaıǵa soqpady. Biraq, jeńiske jetip, kelesi kezeńge shyǵyp otyrmyz. Eń bastysy – osy. Az-kem qatelikter oryn alǵanymen, aldaǵy ýaqytta ony túzeıtin bolamyz. Qoldaý kórsetken jankúıerlerge myń alǵys. Sol jankúıerlerdiń arqasynda jeńiske jettik.
Almas MANAP,
«Egemen Qazaqstan»
