Tabıǵattyń osyndaı óliara shaǵynda jyl qustarynyń Qyzyljar óńirine ushyp kelýi jurtshylyq úshin tańǵalarlyq qubylys boldy. Erte jetken qustardyń legin qus tóresi – aqqýlar bastap kelip, oblys ortalyǵy irgesindegi kólge qondy. Bul toǵanǵa №2 Petropavl jylý-elektr stansasynan aqqan jyly sý úzdiksiz quıylatyndyqtan, qatpaıdy. Qaz-úırekter men tyrnalardyń jyly kanal jaqty panalaý sebebi sondyqtan.
– Tabıǵattyń jylynar mezgili «taqqa» minetin shaq. Biraq sınoptıkter joramaldaǵan «erte kóktem» áli kesheýildep jatyr. Áıtpese, qustar uıa salyp, balapan órbitetin mekenine ýaqytynda kelýden qatelesken joq. Qazir tabıǵattyń «minezin» túsiný qıyn bolyp barady. Ony adamdar túgil qustar da aıyra almaı jatady. Tamaq taýyp jeý jaǵy ǵana qıyndyq keltirmese, tońa qoımasy anyq, deıdi jergilikti ornıtologtar.
Kúnniń salqyndyǵy áser etti me, álde uzaq sapar qaljyratty ma, qustar kóbine jyly toǵan men kanal mańaıynda ǵana ushyp-qonyp júr. Adamdardan aýlaq bolýǵa tyrysady.
О́mir ESQALI,
«Egemen Qazaqstan»
Soltústik Qazaqstan oblysy
