12 ınvestısııalyq joba ındýstrııalandyrý kartasyna engizilgen. Sonyń nátıjesinde aımaqta turaqty jumys oryndary ashylyp, 1370 ga aýyl sharýashylyǵy alqaby aınalymǵa qosyldy. Sońǵy eki jylda 5570 tonna mal ónimi, 86,8 mln dana taýyq jumyrtqasy óndirildi. О́ńirlik kommýnıkasııalar qyzmetinde ótken brıfıngte basqarma tóraǵasy Abat Tasymov osyndaı derekterdi keltirdi.
Al bolashaqtaǵy josparlar qatarynda lavanda ósimdigin, kanadalyq bızon tuqymyn jáne bekire tuqymdas balyqtardy ósirý bar. 1000 ga jerge lavanda ósirilip, bal aralary ákelinedi. 1,5 myń tonna balyq ósiriletin akvaqurylym jasaqtalady. Sondaı-aq, qýaty 80 mVt-tyq kún elektr stansasy, jasyl shóp qaldyqtaryn qaıta óńdeıtin bıogaz kesheni, túıe men jylqy sútin jınaqtap-óńdeý kesheni, sút taýarlaryn qaptaý sehy alda atqarylar jumystar qatarynda. «Bul jobalardy júzege asyrý úshin jeke ınvestorlar tarapynan 234 mln AQSh dollary kóleminde ınvestısııa tartýdy kózdep otyrmyz», - deıdi A.Tasymov.
Baqytgúl BABASh,
«Egemen Qazaqstan».
ATYRAÝ.
