Kapital.kz: Reseılik bankter qazaqstandyq tutynýshylarynan aıyrylýda
Bir jylda reseılik bankterdiń Qazaqstandaǵy tórt enshiles uıymy kredıtteriniń jıyntyq kólemi 161 mlrd teńgege azaıdy. Qazaqstan ekinshi deńgeıli bankteriniń qaryz portfeli 2017 jylǵy aqpannyń aıaǵynda 15,14 trln teńgege deıin 3,1%-ǵa qysqardy. Bir jylda reseılik bankterdiń Qazaqstandaǵy tórt enshiles uıymy kredıtteriniń kólemi 11,3%-ǵa, 1,43 trln teńgeden 1,27 trln teńgege azaıdy.
Eldegi bankterdiń jalpy qaryz portfeliniń jalpy kólemnen olardyń úlesi bir jylda 9,1%-dan 8,4%-ǵa deıin qysqardy. Sonyń ishinde Sberbank nesıeleriniń kólemi 135,7 mlrd (12,6%) joǵaltyp, 940,3 mlrd teńgeni qurady. 2016 jylǵy mamyrdyń aıaǵynda trıllıonerler tiziminen shyǵyp, shildeniń sońynda bul tizimge qaıta kirdi, al kelesi aıda tizimnen birjolata shyǵyp qaldy.
Qazaqstandaǵy ekinshi iri reseılik Alfa-Bank qaryz portfeli 2017 jylǵy aqpannyń sońynda 33,2 mlrd teńgege (20,9%) azaıyp, 125,7 mlrd teńgeni qurap otyr.
2016 jyldyń alǵashqy eki aıymen salystyrǵanda 2017 jylǵy qańtar-aqpanda ósim kórsetken jalǵyz reseılik bank – Hoým Kredıt Bank. Onyń qaryz portfeli bir jylda 21,3 mlrd (21,1%) teńgege ósip, 122,1 mlrd teńgeni quraıdy.
Forbes.kz: Nemis ınvestorlar Qazaqstannan altyn izdeıdi
Aurum Deutschland AG kompanııasynyń úlesker kompanııasy «Aurum Deutschland» JShS Jambyl oblysy Qordaı aýdanynda taý-ken-metallýrgııa kesheni jobasyn bastady. Ken ornynan atalǵan kompanııa 100 tonna altyn óndirmek.
2016 jyly bastalǵan geologııalyq barlaý jumystaryn «Laton-Geoservıs» JShS bastaǵan. Barlaý jumystary 2021 jylǵa deıin jalǵaspaq. Al bıyl joba boıynsha aldyn ala tehnıkalyq-ekonomıkalyq negizdemesi aıaqtalady. 2019 jyly taý-ken-metallýrgııa kombınatynyń qurylysy qolǵa alynbaq.
Osy jumystar aıaqtalǵannan keıin Gagarınskoe, Shoqpar, Qaratas, Yrǵaıty, Taspoly, Maıbulak, Shyǵys ken oryndarynan altyn óndirile bastaıdy.
Joba tolyǵymen iske qosylǵannan keıin jylyna 5 tonna altyn, 120 tonna kúmis shyǵarylady. Osynyń arqasynda Aurum Deutschland kompanııasy Qazaqstanda altyn men kúmis óndirisi boıynsha kólemi jaǵynan úshinshi iri kompanııa bolmaq.
Vlast.kz: Almaty sáýletshileri eski ortalyqta záýlim úı salýǵa alańdaýly
Urban Forum Almaty jobasynyń qatysýshylary jurtshylyqqa ashyq hat jazdy. Hatta olar Almaty qalasyndaǵy Tóle bı kóshesinen tómenirek Panfılov kóshesiniń boıyna kópqabatty turǵyn úı qurylysy qolǵa alynǵanyna alańdaýshylyq bildirgen.
Olardyń pikirinshe, jańa qurylys qalanyń tarıhı sáýletin buzyp tur.
«Bıik ǵımarat mańaıdaǵy alasa úılerge kún túsirmeıdi, Panfılov kóshesi boıyndaǵy kólik keptelisin týdyryp, qozǵalysty bógeıdi. Sonymen qatar, bul mańaıǵa mundaı bıik úılerdiń salynýy qala ortalyǵynda qalyptasqan tarıhı ǵımarattardyń kórinisin buzady» delingen ashyq hatta.
Almatynyń eski ortalyǵynda 30-jyldary salynǵan tarıhı ǵımarattar bar.
Qala sáýletshileri shahar basshylyǵyna bıik ǵımarattardy qalanyń basqa jerlerine salýdy usynady.
Aıta keteıik, Almaty qalasyndaǵy Panfılov – Tóle bı – Bógenbaı batyr – Fýrmanov kósheleri arasynda Exclusive Construction kompanııasy Panfilov atty jańa turǵyn úı qurylysyn qolǵa alǵan bolatyn. 19 050 sharshy metr aımaqty alatyn nysan 2018 jyly salynyp bitýi tıis.
Lsm: Munaı óńdeý zaýyttary jekeshelendiriledi
«Samuryq-Qazyna» ulttyq ál-aýqat qory» AQ Atyraý munaı óńdeý zaýytyn jekeshelendirý ádisterin áli naqtylaǵan joq, dep habarlaıdy qordyń baspasóz qyzmeti.
Zaýytty jekeshelendirý jumystary áý basta 2016-2020 jyldar aralyǵyna josparlanǵan. Ázirge naqty qaı kezde satylatyny belgisiz.
«Atyraýdaǵy munaı óńdeý zaýytyn jekeshelendirý týraly naqty sheshim shyǵysymen, «QazMunaıGaz» ulttyq kompanııasy áleýetti ınvestorlar izdeı bastaıdy. Zaýyttyń baǵasy ınvestorlardyń suranysyna qaraı belgilenedi.
Aıta keteıik, qazirgi tańda Atyraý munaı óńdeý zaýyty «QazMunaıGaz» Ulttyq kompanıasy» AQ-tyń seriktes kásiporny sanalady.
Búginde AMО́Z jańǵyrtý jumystary qaryzǵa alynǵan qarajat esebinen júrgizilýde. Al ony qaıtaratyn qarjy munaı óńdeý tarıfteri esebinen tólenedi. Qosymsha qaryz alý josparda joq.
Qazaqstan Energetıka mınıstri Qanat Bozymbaevtyń pikirinshe, eldegi úsh munaı óńdeý zaýyttary da jekeshelendirilýi ábden múmkin.
Daıyndaǵan Baýyrjan Muqanov,
"Egemen Qazaqstan"
