Onyń aıtýynsha, oblystamemlekettik «Nurly jol» baǵdarlamasy eki baǵyt boıynsha júzege asyrylýda. Birinshisi - jergilikti ákimdik arqyly salynatyn úıler bolsa, ekinshisi - «Báıterek Development» aksıonerlik qoǵamy arqyly salynatyn turǵyn úıler.
«Máselen, osy jyly ákimdik arqyly jalpy aýmaǵy 31,6 myń sharshy metr bolatyn 558 páterlik kópqabatty 11 úı tapsyrylady. Al «Báıterek Development» aksıonerlik qoǵamy boıynsha 180 myńnan astam sharshy metr bolatyn baspana tapsyrylmaq. Ol 3086 páterlik 55 úı. Osylaısha, 2018 jylǵa deıin «Nurly jol» baǵdarlamasy boıynsha bank jelisimen oblysta 226,2 myńnan astam sharshy metr turǵyn úı paıdalanýǵa berilmek»,-dedi Q.Malıkov.
Sonymen qatar, ol bıyldan bastap memlekettiń barlyq turǵyn úı bastamalary «Nurly jer» baǵdarlamasy aıasynda júze asatytyn atap ótti. Atalǵan baǵdarlama 5 negizgi baǵyttar boıynsha júzege asyrlady. Sonyń ishinde Turǵyn úı qurylys jınaq banki kredıttik baspana baǵytyn júzege asyrady, jáne jeke turǵyn úı qurylysyn nesıelendiretinin jetkizdi.
Brıfıngte málim bolǵandaı, osy jyldyń 3 sáýirinen bastap Dırektorlar keńesiniń sheshimimen turǵyn úı qurylys jınaqtary shartyn jasaǵany úshin jáne sharttyq somany arttyrý úshin alynatyn komıssııa kólemi 0 teńge bolyp bekitildi.
Esterińizge sala keteıik, buryn atalmysh qyzmetter úshin alynatyn komıssııa kólemi - sharttyq somanyń jáne depozıttiń arttyrý somasynyń 0,55%-yn quraǵan edi.
