EKSPO qaýipsizdigin qamtamasyz etý − basty nazarda

Otyrys barysynda qaýip­sizdikti qamtamasyz etýge ja­ýapty memlekettik organdardyń basshylary júzege asyrylyp jatqan jumystar týraly esep berdi.

Qoǵamdyq tártip kúzeti men qaýipsizdikti qamtamasyz etip, týyndaıtyn máselelerdi sheship, jedel basqarý úshin birqatar sharalar kesheni qabyldanyp, arnaıy, quqyq qorǵaý jáne ózge de memlekettik organdar men uıymdardyń basshylary ishinen jedel shtab pen jumys toby quryldy.  

EKSPO-2017 aýmaǵynda polısııa bólimshesi men kórmege jaqyn mańda órt sóndirý bó­lim­shesi ashyldy. Kórmeniń ashyl­ýynan bir aı buryn Qaýipsizdikti qamtamasyz etý ortalyǵy jumysyn bastaıdy.

Jalpy, qoǵamdyq tártip kúze­tine 9 myńnan astam quqyq qorǵaý qyzmetkerleri jumyl­dy­rylady. Sonymen qatar, kór­me keshenine kireberister metal­­dy-

detektorlarmen, rent­gen-tele­vızııa qondyr­ǵy­larymen jab­dyq­talǵan. Osy jerde beınesa­rap­tama, keskin-kelbetti  anyq­taý jáne kelýshilerdi tirkeý júıesi qoldanylady.

Qarjy mınıstrliginiń Mem­lekettik kirister komıtetimen birlese otyryp, kórme keshenine ákelingen barlyq júk pen taýarlardy mobıldi ınspeksııalyq-tekserý keshenderiniń kómegimen tekserý jumystary júrgizilýde.

Kórme nysandarynda ba­qy­laý júrgizip, jedel áreket etý maq­satynda 2 myńnan astam beı­ne­baqylaý kameralary orna­tylǵan, ol Astana qalasy IID-niń Jedel basqarý ortalyǵyna qosylǵan.

EKSPO-2017 halyqaralyq mamandandyrylǵan kórmesiniń 2017 jyldyń 10 maýsymy men 10 qyrkúıegi aralyǵynda ót­ki­­zi­letini belgili. «Astana EKSPO-2017» UK» AQ bas­qar­ma tóraǵa­sy Ahmetjan Esi­mov EKSPO-nyń negizgi nysany −  halyq­aralyq pavılonnyń paı­da­lanýǵa berilge­nin málimdedi. 125 el men 21 ha­lyqaralyq uıym kór­mege qaty­sat­ynyn rastady. 88 el jumysqa kiri­sip ketken, al taǵy 13 memleket aldaǵy aptada kirisetin bolady.  

Vedomstvoaralyq komıssııa otyrysyn qorytyndylaı kele, Premer-Mınıstrdiń bi­rinshi orynbasary A.Mamın EKSPO-2017 halyqaralyq ma­mandandyrylǵan kórmesin ótkizý boıynsha úlken daıyndyq jáne uıymdastyrýshylyq ju­mys­tarynyń júrgizilip jatqa­nyn atap ótti. Sonymen qatar, kórme qonaqtary men qatysý­shy­larynyń qaýipsizdigin qamta­masyz etý basty nazarda ekenin aıtty.

A.Mamın EKSPO-2017 kór­me­siniń aýmaǵyndaǵy quqyq pen qaýipsizdikti qamtamasyz etý qyzmettermen tanysty. Ol ja­ńa mamandandyrylǵan órt són­dirý bóliminde, «Esil» aýdany IIB-niń polısııa bóliminde jáne Logıstıka ortalyǵy men  Qaýip­sizdikti qamtamasyz etý orta­lyǵynda boldy.