2016 jyldyń kúzinen beri qazaqstandyq naryqta SAUMAL® saýda markasymen fýnksıonaldy tamaq ónimi – qurǵaq bıe súti paıda boldy. «EýrazııaInvest» kompanııasy eki jyldan beri Qazaqstan naryǵynda jańa ónimdi sátti túrde saýdaǵa shyǵaryp otyr. SAUMAL® – biregeı, 100 paıyz tabıǵı, dıetalyq jáne saýyqtyrýshy ónim. Ol – sýblımasııa prosesinen ótken, biraq paıdaly qasıetterin saqtap qalǵan jańa saýylǵan bıe súti. SAUMAL® qurǵaq bıe súti fýnksıonaldy tamaq ónimi retinde dári nemese bıologııalyq belsendi qospa bolyp sanalmaıdy. Ony uzaq ýaqyt boıy ishýge bolady, eshqandaı janama keri áseri joq, aǵzaǵa zııanyn tıgizbeıdi.
Fýnksıonaldy tamaq ónimderin qarapaıym tamaqtan ereksheleıtin basty dúnıe – olardyń densaýlyqty jaqsartýǵa, aýrýlardyń aldyn alýǵa, keıde, tipti jazylyp ketýge sebepshi bolýy. Konservanttar jáne basqa qospalar qosylmaǵan tolyqtaı tabıǵı ónim bola tura SAUMAL® joǵary bıologııalyq belsendilikke ıe, bul onyń fýnksıonaldy tamaqqa jatatynyn dáleldeıdi. Qurǵaq bıe sútine amın qyshqyldary, maılar, fermentter, mıkroelementter jáne dárýmender sekildi adam aǵzasyna qajet, durys kólemdegi 40-taı bıologııalyq komponent kiredi.
Baýyr aýrýlarynyń aldyn alý jáne emdeýden keıingi kezeńderde SAUMAL® óniminiń oń yqpal etetini rastalyp otyr. Bakterııaǵa, qabynýǵa qarsy kúreste, ımmýnıtettiń qalyptasyp, kúsheıýine kómektesedi. Bıe sútin tutynýshylardyń kóptegen pikiri onyń asqazan-ishek joldaryn emdeýde tıimdi ekenin dáleldeıdi. О́nimdegi antıoksıdanttar júrek-qan tamyrlary aýrýlarynyń paıda bolý yqtımaldylyǵyn tómendetedi. «Qajet kólemdegi dárýmen-mıneraldy quramy aǵzaǵa qańqanyń qataıýyna kómektesedi, al kómirsýlar rasıonnyń energııalyq syıymdylyǵyn arttyrady, bul denege kúsh túskende, sondaı-aq endi ósip-jetilip kele jatqan balalar aǵzasy úshin oń áserin beredi», deıdi «Evrazııa Invest Ltd» dırektorynyń orynbasary Ǵalymjan Meırambekov.
Aıtpaqshy, «Eýrazııa Invest ltd» – 2015 jyly júzege asqan iri kólemdegi qurǵaq bıe sútin óndirý boıynsha Qazaqstandaǵy biregeı jobanyń jalǵyz basqarýshy kompanııasy. Joba boıynsha kompanııa aktıvinde jyl boıy jeke jem-shóp qoryn jınaýǵa múmkindik beretin 25 000 gektar jaıylym jeri bar. 1500-den astam bıe táýligine 4 000 lıtrge deıin sút alyp, óńdeýge, osylaısha jylyna 40 tonnaǵa deıin joǵary sapaly sýblımasııalanǵan bıe sútin óndirýge múmkindik beredi. Nemis tehnologııasyn engizý óndiris kólemi boıynsha joǵary kórsetkishterge qol jetkizýge, sondaı-aq shyǵarylatyn ónim sapasynyń joǵary deńgeıin baqylap otyrýǵa jol ashqan.
Raýan QAIDAR,
«Egemen Qazaqstan»
