Kezdesý Elbasy maqalasyna arnaldy

«Nur Otan» partııasy Tór­aǵa­synyń birinshi orynbasary ǵalym­darǵa, ustazdar qaýymyna, ásirese, jastarǵa Memleket basshy­synyń jańa ǵylymı eńbegin taban­dy­lyqpen muqııat zerttep shyǵýǵa keńes berdi. Muhtar Qul-Muham­medtiń aıtýynsha, bul maqalada qazirgi Qazaqstannyń bas­ty rýhanı qundylyqtary aıqyn kórinis tap­qan.

Sondaı-aq, «Nur Otan» partııa­sy Tóraǵasynyń birinshi orynba­sary Elbasy nazar aýdarǵan máse­lelerdiń dál qazirgi tańda óte ózekti ekenine ekpin túsire kelip: «Bul – maqala ǵana emes, mazmuny tereń, aýqymy óte keń, ult rýhanııa­tyn HHI ǵasyr bıigine kóteretin rý­hanı jańǵyrý baǵdarlamasy. Elbasynyń júrek tórinen shyqqan asyl sózderi sizderge – táýelsiz Qa­zaqstan jastaryna arnalǵan», – dedi.

Sonymen qatar, bıyl Memleket basshysy úsh birdeı tarıhı bas­tama kótergenin aıtqan partııa Tór­aǵa­synyń birinshi orynbasary: «Birin­shiden, Elbasy óziniń halyqqa ar­naǵan bıylǵy Joldaýynda eli­miz­di tehnologııalyq damýdyń jańa deńgeıine shyǵaratyn Qazaq­stan­nyń keń aýqymdy ekonomıkalyq jańǵyrýyna jol ashty. Ekinshiden, iri ekonomıkalyq qaıta qurýlarmen qatar, biregeı konstıtýsııalyq reforma arqyly memleketimizdiń saıası jańǵyrýyn qolǵa aldy. Al endi Elbasy ǵylym, bilim, mádenıet pen tarıhty tutastaı qamtıtyn ulttyq rýhanı jańǵyrý baǵdarlamasyn usynyp otyr», – dedi.

Muhtar Abrarulynyń aıtýynsha, barsha qazaqstandyq, sonyń ishinde zııaly qaýym ókilderi árdaıym ult rýhanııaty men onyń qundylyqtaryna erekshe nazar aýdaryp keldi. Latyn álipbıine tezirek kóshý men táýelsiz zaman jastarynyń shetel tilderin meń­gerýi qajettigine toqtaldy. Árbir jastyń ult rýhanııatynyń qaınar bastaýynan sýsyndap, ata tarıhy men babalar mádenıetin ardaqtaı bilgende ǵana jan-jaqty jetilgen tulǵa bolyp qalyptasatynyna aıryqsha mán berdi.

«Rýhanı jańǵyrý degenimiz, ulttyq salt-sana, ádet-ǵuryp, má­denı dástúrlerdi berik saq­taı otyryp, ony jańa zaman jetis­tik­teri­men, jalpyadamzattyq qundy­lyq­tarmen baıytý», dep atap kórsetti par­tııa qaıratkeri.

Jahandaný jaǵdaıyndaǵy jal­pyadamzattyq qundylyqtardy meń­gerý  máselesine keńinen toqtala kelip, Muhtar Qul-Muhammed: «Biz jaqsylyqtardan jatsynbaýymyz kerek. Mádenıet pen ádebıet, ǵylym men bilim salalaryndaǵy búgingi zaman jetistikteri biz­diń jas­tarymyzdyń da ortaq ıgi­ligine aınalýy tıis. Abaıdyń «Adam­zat­tyń bárin súı baýyrym dep» aıt­qan fılosofııalyq ósıe­tiniń mán-maǵynasy dál osyndaı ult­tyq jáne jalpyadamzattyq qun­dy­lyq­tar birliginde dep esepteımin», – dedi.

Sóziniń sońynda «Nur Otan» par­tııasy Tóraǵasynyń bi­rin­shi orynbasary: «Elbasy maqa­lasynda qoǵamnyń rýhanı ustyny men ult­tyq ıdeıanyń mazmunyn qalyp­tastyrýǵa qatysty ózekti máse­le­lerge naqty jaýap berilgen. «Memleket pen ult quryshtan quıy­lyp, qatyp qalǵan dúnıe emes. Ol únemi damyp otyratyn tiri aǵza ispetti» degen sózderde ár býyn ókil­­deriniń ulttyq qundylyqtardy óz zamanynyń eń úzdik, eń ozyq je­tis­tik­terimen baıytyp otyrý kerek­­tigin jastarymyzǵa aıqyn túsin­­diretin ónege bar. Rýhanı jań­ǵyrýdyń basty baǵyt-baǵdary da osynda», – dedi.

Sondyqtan, Muhtar Qul-Mu­ham­med Memleket basshysy jarııa­laǵan biregeı baǵdarlamalyq qujat barsha qazaqstandyqtyń jappaı qoldaýyna ıe bolatynyna senim bildirdi.