Almatyny damytýǵa úles qospaq

Almatyda qala ákimi Ahmetjan Esimov «Samuryq-Qazyna» UÁQ basqarma tóraǵasy Tımýr Qulybaevtyń qatysýymen áriptestikti damytý máselesine arnalǵan keńes ótkizdi. Keńes barysynda  úleskerler  jaıy, qurylys, qalany gazben jáne energııamen qamtamasyz etý, memlekettik satyp alýdaǵy qazaqstandyq úlesti arttyrý jaıy  sóz boldy. Aldymen Prezıdent saılaýy­nan keıingi bolǵan kadrlyq óz­gertýden soń Tımýr Qulybaevty  «Samuryq-Qazyna» UÁQ basqar­ma tóraǵalyǵyna taǵaıyndalý­y­men almatylyqtar atynan qut­tyq­taǵan shahar basshysy, odan ári buǵanǵa deıin qormen qoıan-qoltyq jumys istep, ásirese, jyl­jymaly múlik, úlesker­ler­diń máselesin sheshýde, shaǵyn já­ne orta bıznesti damytýda naq­ty nátıjelerge qol jetkizgenin atap ótti. Máselen,  barlyǵy 16 myń 200 úleskerdiń 13 myńynyń máse­lesi oń sheshimin tapqan. Endi qalǵan 3 myń 200 úleskerdiń jaǵ­daıy da durys sheshimin tappaq. «Bizdiń qala úshin óte mańyzdy máseleler – turaqty da senimdi  elektr energııasy, sý, jylý­men qam­tamasyz etýde qormen  tyǵyz  qarym-qatynastamyz. Son­dyq­tan búgingi jıynda atalmysh máse­le­ler men   atqarylatyn is-shara­lar­­dy talqylap, sondaı-aq al­daǵy  ýa­qytta yntymaqtastyq jaǵdaıda   jumys jasaýdyń mindetterin aı­qyn­dap almaqpyz, – dedi  qala basshysy. Almaty ákimdigimen buǵan deıin birlese júzege asyryp kelgen jobalardy odan ári jalǵastyrýǵa daıyn ekendikterin bildirgen   bas­qarma tóraǵasy,  Almaty bıznes pen óner, mádenıettiń orta­sy, eń iri megapolıs, sondyqtan aldaǵy ýaqytta úleskerlik máse­le­sin sheshý, energetıka, gazdan­dyrýǵa atsa­lysatynyn tilge tıek etti. – Eki-úsh jylda Almaty ener­ge­tıka tapshylyǵynan tolyq qu­tylatyn bolady. Ekologııa bo­ıynsha JES-2-ni modernı­zasııa­laýǵa qatysýdamyz. Gazben qamtý boıynsha bıylǵy qysta Almaty Qytaıǵa tartylǵan gaz qubyry­nyń esebinen gazdandyryldy. Al­daǵy ýaqytta Batys Qazaq­stannan ońtústikke tartylatyn qubyr jelisi qurylysy júzege asyrylady. Onyń basty maqsaty – Almatyny gazben qamtý bolady. Al shaǵyn jáne orta bıznesti qoldaý boıynsha «Samuryq-Qazynaǵa» qarasty ulttyq kompanııalar memlekettik satyp alý­daǵy qazaqstandyq úlesti art­ty­rý maqsatynda Almaty qala­sy­nyń kásipkerlerinen ónim satyp alýdy 200 mıllıard teńgege jetkizý kózdelip otyr», – dedi Tımýr Asqaruly. Keńes barysynda qala ákimi Ahmetjan Esimov pen «Samuryq-Qazyna» UÁQ-nyń basqarma tór­aǵasy Tımýr Qulybaev Almaty qalasynyń damýy týraly eki­jaqty hattamaǵa qol qoıdy. Hattama boıynsha Almatydaǵy úles­kerler máselesin sheshý boıynsha qordyń atqarýshy dırektory-bas­qarma múshesi Qaırat Aıtekenov pen Almaty qalasy ákiminiń orynbasary Vıktor Doljenkovqa Almatydaǵy turǵyn úılerdiń qurylysy týraly  statıs­tıka­lyq-saraptamalyq esep pen máli­metter boıynsha aqparat almasyp otyrý júkteldi.  Sonymen qatar, taraptar úleskerlik qurylys má­se­lesin sheshý boıynsha tehnı­ka­lyq-uıymdastyrýshylyq máse­le­­­lerdi sheshýge kelisti. Oǵan sáı­kes «Samuryq-Qazyna» UÁQ úlesker­lik qurylys nysandaryn tolyq aıaqtaý úshin keminde 21,735 mıllıard teńge qarjy bóledi. Gúlzeınep SÁDIRQYZY.