О́zara árekettestik kórinisi

Jaqynda Doha qalasynda Qazaqstan Respýblıkasy Syrtqy ister mınıstriniń orynbasary Qaırat Omarovtyń Katar memleketi Syrtqy ister mınıstriniń orynbasary Muhamed Abdalla M. Ál-Rýmeıhımen kezdesýi ótti, dep habarlady QR SIM-iniń baspasóz qyzmeti. Kezdesý barysynda kazaqstan­dyq dıplomat óziniń áriptesine aldaǵy 28-30 maýsym kúnderi Astana qalasynda ótetin Islam Konferensııasy Uıymy Syrtqy ister mınıstrleri keńesiniń 38-shi sessııasyna qatysýǵa Katar Premer-mınıstri – Syrtqy ister mınıstri sheıh Hamad ben Djasım ben Djaber Ál Tánıge arnalǵan shaqyrýy bar Qazaqstan Syrtqy ister mınıstri Erjan Qazyhanovtyń arnaıy hatyn ta­bystady. M.Ál-Rýmeıhı Qazaqstanda táýelsizdiktiń sońǵy 20 jy­lyn­da qol jetkizilgen oń ózge­ris­terdi atap ótip, Prezıdent N.Nazar­baev­tyń damyǵan memleket qurý qabiletin joǵary baǵalady. Halyqaralyq kún tár­ti­bindegi ózekti máseleler bo­ıyn­sha ynty­maqtastyqty odan ári damytýdyń zor áleýetin bildire otyryp, katarlyq tarap Qazaqstanmen ekonomıkalyq, gý­manıtarlyq salalarda, onyń ishinde, konfes­sııaaralyq únqa­tysýdy odan ári damytý baǵy­tynda ózara áreket­tesýdi tereń­dete túsýge yqylasty ekendigin bildirdi. Kezdesý barysynda Q.Omarov suhbattasyna Qazaqstanyń IKU Syrtqy ister mınıstrleri keńe­sin­degi tóraǵalyǵy kezindegi qyz­metiniń basymdyqtary týra­ly, sonymen qatar, sol kezeńdegi elimizde ótkizilýi jos­parlanǵan sharalar jóninde áń­gi­melep berdi. Joǵary laýazymdy dıplomat katarlyq taraptyń Qazaqstannyń IKU-daǵy tóraǵalyǵyna baryn­sha qoldaý kórsetetindigin aıtyp, osy bir jaýapty iste sáttilik tiledi.