- Nátıjeli jumyspen qamtý jáne jappaı kásipkerlikti damytý baǵdarlamasynyń aıasynda júzege asyrylǵan jobanyń maqsaty – aýyl turǵyndaryna kásipkerlik negizderin oqytý. Aýyl sharýashylyǵy kooperatıvterin qurý, bıznes-jobalardy súıemeldeý qaǵıdalaryn úıretý de josparda bar. Jobaǵa qatysý úshin mindetti túrde testileýden ótý kerek. Bul synaq kásipkerlikpen aınalysý qabiletin anyqtaıdy, - deıdi oblystyq kásipkerler palatasynyń bólim basshysy Janargúl Jolamanova.
«Bıznes bastaý» jobasyna Inder, Isataı, Mahambet, Qyzylqoǵa aýdandarynyń turǵyndary qatysýda. Olardyń qatarynda jumyssyz azamattar da bar. Dáris barysynda daıyndaǵan bıznes-jobalaryn tıisti qarjylyq ınstıtýttyń nesıelik komıssııasy aldynda qorǵaıdy. Al oqýyn aıaqtap, sertıfıkat alǵan azamattarǵa stıpendııa túrinde memlekettik qoldaý kórsetiledi.
Baqytgúl Babash,
«Egemen Qazaqstan».
