Qazaqstan Respýblıkasy Aýyl sharýashylyǵy mınıstrliginiń buıryǵy №14-1/113

2011 jylǵy 15 naýryz      №14-1/113          Astana qalasy Qazaqstan Respýblıkasynda arnaıy sý paıdalanýǵa ruqsat berýge arnalǵan ótinishte kórsetiletin málimetterdi bekitý týraly Qazaqstan Respýblıkasy Sý kodeksiniń 37-babynyń 6-1) tarmaqshasyna sáıkes, buıyramyn: 1. Qosa berilip otyrǵan Qazaqstan Respýblıkasynda arnaıy sý paıdalanýǵa ruqsat berýge arnalǵan ótinishte kórsetiletin málimetter bekitilsin. 2. Qazaqstan Respýblıkasy Aýyl sharýashylyǵy mınıstrliginiń Tabıǵat resýrstaryn paıdalaný strategııasy departamenti (J.Y.Omarov) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin. 3. Osy buıryqtyń oryndalýyn baqylaý Aýyl sharýashylyǵy vıse-mınıstri M.Á.Orazaevqa júktelsin. Osy buıryq alǵashqy resmı jarııalanǵan kúninen bastap kúntizbelik on kún ótkennen soń qoldanysqa engiziledi. Mınıstr A.KÚRIShBAEV. Qazaqstan Respýblıkasy Aýyl sharýashylyǵy mınıstriniń 2011 jylǵy 15 naýryzdaǵy  № 14-1/113 buıryǵymen bekitilgen Arnaıy sý paıdalanýǵa ruqsat berýge arnalǵan ótinishte kórsetiletin málimetter Arnaıy sý paıdalanýǵa ruqsat berýge arnalǵan ótinishte mynadaı málimetter kórsetiledi: 1) sý paıdalanýdyń túri (Qazaqstan Respýblıkasy Sý Kodeksiniń 66 - babynyń 6 - tarmaǵyna sáıkes); 2) jer ústi sýlaryn jınap alý jáne (nemese) paıdalaný (sarqyndy sýlardy aǵyzý, jer asty sý kózin) oryndarynyń koordınattary kórsetilgen ahýaldyq shemacy; 3) sý paıdalaný maqsaty; 4) sý obektisiniń ataýy, negizgi gıdrologııalyq jáne gıdrogeologııalyq sıpattamalary, sý paıdalanýdyń basqa da sharttary; 5) jer ústi sýlaryn jınap alý jáne (nemese) paıdalaný (aǵyzylatyn sarqyndy sýlardyń, jınap alynatyn jer asty sýlarynyń) boljanyp otyrǵan kólemi (tekshe metr/ jyl, tekshe metr /táýlik, lıtr/sekýnd); 6) ónim birligine ketetin jer ústi, jer asty jáne sarqyndy sýlardyń úlestik shyǵystary; 7) sý paıdalanýdy bastaý men aıaqtaýdyń boljanyp otyrǵan merzimderi; 8) sý tutyný men sý jiberýdiń teńgerimdik shemasy men eseptemeleri; 9) jeke tulǵa úshin - aty-jóni, baılanys telefony; zańdy tulǵa úshin - zańdy tulǵanyń ataýy jáne derektemeleri; 10) sý paıdalanýshynyń óndiristik qyzmetine sıpattama (shyǵarylatyn ónimniń kólemi, qyzmetkerlerdiń, qyzmet kórsetiletin halyqtyń sany, qýaty, sýarylatyn ýchaskeleriniń alańdary); 11) ótinish berýshiniń tehnıkalyq jáne tehnologııalyq is-sharalardy, qaıta óńdeýdi jáne jumystardyń qaýipsizdik tehnıkasyn qamtamasyz etýdi qosa alǵanda, jer ústi jáne jer asty sýlaryn sarqylý men lastanýdan qorǵaýǵa, sarqyndy sýlardy qabyldaǵyshqa, qorshaǵan ortany qorǵaýǵa qatysty nıeti; 12) ótinish berýshiniń ken ornynan (onyń ýchaskesiniń) jer asty sýlaryn jınap alý kezindegi sý paıdalaný sharttary týraly nıeti; 13) arnaıy sý paıdalanýǵa buryn berilgen ruqsattyń derekteri (nómiri, berilgen kúni, kim berdi, qoldanylý merzimi, eger osylar ótinish berýshide bar bolsa, jer ústi jáne jer asty sýlaryn jınap alý jáne (nemese) paıdalaný jónindegi paıdalaný, ónerkásiptik jáne basqa da sarqyndy sýlardy jer beti sý obektilerine aǵyzý tájirıbesi); 14) jer ústi jáne jer asty sýlaryn paıdalanǵany úshin tólenetin tólemderiniń boljanyp otyrǵan esebi; 15) sýdy paıdalanýdy esepke alýǵa, rejımdik baıqaýlardy jáne zerthanalyq taldaýlar júrgizýge arnalǵan jabdyqtarynyń sıpattamalary; 16) sýdy utymdy paıdalanýdy qamtamasyz etetin is-sharalar. Buıryq Qazaqstan Respýblıkasynyń Ádilet mınıstrliginde 2011 jylǵy 5 sáýirde Normatıvtik quqyqtyq kesimderdi memlekettik tirkeýdiń tizilimine №6870 bolyp engizildi.