«Bizdiń qanshama zamandasymyz, qanshama Assambleıa belsendisi el ıgiligi úshin rııasyz qyzmet etip júr. Ultyna, qaı óńirden ekenine, jynysyna qaramastan, biz olardyń barlyǵyn elge tanyta bilýimiz kerek. Munda qoıylatyn talap bireý ǵana, ol – azamattyń Qazaqstan damýyna qosqan úlesi», – dedi Memleket basshysy.
Memleket basshysy azamattyq biregeılikti nyǵaıtyp, birlik pen kelisimdi qamtamasyz etý qajettigin aıtyp, qoǵamdyq kelisim keńesteriniń jumysyn rettep, olardyń qyzmetteriniń naqty krıterıılerin jasaýdy, Úkimetke qaıyrymdylyqty damytý, onyń ashyqtyǵyn qamtamasyz etý jóninde usynystar engizýdi tapsyrdy. Bıznes, shyǵarmashylyq jáne ǵylymı zııaly qaýym ókilderin «Týǵan jer» jobasyna qatysýǵa jáne óz aýyldastaryn qoldaý úshin kúsh jumyldyrýǵa shaqyrdy.
Ult pen ulysty uıystyrǵan Qazaqstan halqy Assambleıasy sekildi qoǵamdyq ınstıtýttyń elimizdegi tatýlyq pen turaqtylyqty saqtaýdaǵy mańyzy zor. Sondyqtan, Assambleıa músheleri Elbasy júktegen mindetterdi júzege asyrýǵa judyryqtaı jumylyp, belsene atsalysady dep oılaımyn.
Sessııa jıynyna qatysqan Shyǵys Qazaqstan oblysyndaǵy QHA ǵylymı-saraptamalyq tobynyń tóraıymy Nellı Krasnobaeva áleýmettik-demografııalyq damýdyń respýblıkalyq zertteý ınstıtýtyn qurý jóninde jaqsy usynys aıtty. Bul usynysty men de quptaımyn.
Sózimniń sońynda Prezıdenttiń jýyqta jaryq kórgen maqalasy barsha qazaqstandyqtarǵa, meniń zamandastaryma erekshe jiger bergenin aıtqym keledi.
Armen KARAPETIаN,
armıan etnomádenı birlestiginiń múshesi
Shyǵys Qazaqstan oblysy
