Osy kúnge deıin Prezıdent áleýmettik-ekonomıkalyq salanyń damýyn, jańǵyrýyn talap etip, baǵdarlamalyq qujattardyń bárinde olar ornyn tapty. Al búgin rýhanı salanyń jańǵyrý tańy atqany kórinip tur. О́z tarapymnan men rýhanı jańǵyrýdy halqymyzdyń sanasynda silkinis týdyryp, patrıottyq sezimge shoq tastaý dep bilemin. Tek sanaly adamdar ǵana azattyqty baǵalap, táýelsizdiktiń týyn bekem ustaı alady.
Prezıdenttiń baǵdarlamalyq maqalasy árkimge de oı salyp, biz tek óz Otanymyz, óz Qazaqstanymyz úshin barlyq ıgilikti jasaýymyz kerek degen pikir týdyratyny kúmánsiz. Árıne, ol úshin ishki saıasat qyzmetteri belsendi jumys istep, Elbasynyń maqalasyn túsindirýge talmaı kirisýi kerek jáne bul jumys bir rettik, naýqanshylyqpen shektelmeı, únemi júrgizilip turǵany jón.
О́z tarapyńnan ne ister edińiz degen suraq qoıylsa, men óz múmkinshilikterimdi, ózimniń medıa-quraldarymdy paıdalanyp, maqalanyń mańyzyn jerlesterime túsindirýge tyrysyp júrmin. Sondaı-aq, men Ońtústik Qazaqstan oblystyq máslıhatynyń depýtaty retinde bizdiń Ordabasy aýdany men Qaraǵandy oblysynyń Ulytaý aýdandarynyń arasynda baýyrlastyq qatynas ornatý týraly usynys jasaıtyn bolamyn. О́ıtkeni, bul eki aýdan da Qazaq handyǵynyń tarıhynda óshpes orny bar jerler. Sóıtip, maqaladaǵy týǵan jerdiń qadirin urpaqtarǵa taratýda bir súıekti shara jasaǵan bolar edik.
Dýlat ÁBISh,
Ońtústik Qazaqstan oblystyq máslıhatynyń depýtaty
ShYMKENT
