Parlament • 28 Sáýir, 2017

Bas kelisim – tıimdiligi mol qujat

185 ret

kórsetildi

1 mın

oqý úshin

Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda «Islam Konferensııasy Uıymyna múshe elder arasyndaǵy Ekonomıkalyq, tehnıkalyq jáne saýda yntymaqtastyǵy týraly bas kelisimdi ratıfıkasııalaý týraly» zań jobasy qaraldy.

Egemen Qazaqstan

Kelisim 2015 jylǵy 25 qarashada Ystanbulda jasalǵan.

Bas kelisimniń maqsaty IYU-ǵa múshe elderdiń arasyndaǵy saýda-ekonomıkalyq jáne ǵylymı yntymaqtastyqty júzege asyrý qaǵıdattaryn quqyqtyq bekitý bolyp tabylady.

Qazaqstan Respýblıkasynyń qoldanystaǵy zańnamasynyń erejelerine qaıshylyqtardy boldyrmaý jáne Táýelsiz Memleketter Dostastyǵynyń, Keden odaǵynyń jáne Eýrazııalyq ekonomıkalyq odaqtyń erkin saýda aýmaǵy sheńberindegi Qazaqstannyń halyqaralyq mindettemeleriniń bolýy múmkin kollızııalaryn boldyrmaý maqsatynda Qazaqstan Respýblıkasy bas kelisimge málimdememen jáne eskertpelermen qol qoıdy.

Bas kelisim halyqtardyń ıgiligi men órkendeýin ornatýǵa baǵyttalǵan ortaq múddelerge qol jetkizý úshin Qazaqstan men IYU-ǵa múshe elderdiń birlesken kúsh-jigerin shoǵyrlandyrýǵa múmkindik beredi, dep habarlady Parlament Senatynyń baspasóz qyzmeti.