Ulybrıtanııa taq murageri úılendi

Keshe Londonda hanzada Ýılıam men Keıt Mıddlton nekelesti. Álem elderi kópshiliginiń nazaryn aýdarǵan bul oqıǵa Londonnyń Vestmınster abbattyǵynda jú­zege asty. Saltanatqa 1900 adam qatyssa, el astanasy kóshelerine týrısterdi qosa alǵanda, mıllıonnan astam brıtandyqtar shyqty. Keıbir derek kózderi saltanatty rásimdi teledıdar arqyly dúnıe júzi boıynsha 2 mıllıardtan astam adam tamashalaǵanyn kóldeneń tartyp otyr. Al úılený toıynan keıin Ýılıam men Keıt Kembrıdj gersogy jáne gerso­gınııasy atandy. Bul ataqty jas jubaılarǵa patshaıym tóńiregi syılady. Atalǵan oqıǵaǵa oraı kishigirim janjal da týyndady. О́ıtkeni, eldegi burynǵy premer-mınıstr Tonı Bler sııaqty keıbir tanymal adamdar saltanatqa shaqyrylmaǵan bolatyn. NATO AVIASIIаSY BES MÁRTE SOQQY BERDI Keshe NATO-nyń áskerı-áýe kúshteri Lıvııa astanasyna avıasııadan bes már­te soqqy berdi. Trıpolı qalasynyń or­ta­lyǵyna aralaryna bes mınót salyp zymy­randar men bombalar tas­tal­ǵan. Qalanyń Aın-Zara aýdany bu­ǵan deıin de birneshe márte áýe soqqysyna ushy­raǵan bolatyn. Lıvııa basshysy Mýammar Kaddafıdiń úkimeti áýe soqqysyna baılanysty eshqandaı túsinik taratqan joq. Qaza tapqandar men qıraǵan ǵımarattar týraly da esh­qandaı málimet keltirilmeıdi. Jalpy, Lıvııa aýmaǵyna áýe­den soqqylar BUU Qaýipsizdik Keńesi qarar qabyldaǵan 17 naýryzdan beri jasalyp keledi. TORNADODAN 300-DEN ASTAM ADAM KО́Z JUMDY AQSh-ta, sońǵy málimet boıynsha, tabıǵı apat – tornadodan 305 adam qaza bolǵan. Adam ólimi eń kóp tirkelgen shtat Alabama bolyp tabylady. Onda 204 adam opat bolsa, kem degende 1700 adam túrli deńgeıde dene jaraqatyn alǵan. Tennessı shtatynda – 34, Mıssısıpıde – 33, Djordjııada – 14, Arkanzasta 12  adam baqılyq bolǵan. Sondaı-aq Vırd­jınııa shtatynda – 5, Mıssýrıde – 2, al Kentýkkıde 1 adam kóz jumǵan. AQSh-tyń jańa tarıhynda eń kóp adam shyǵynyna ákelgen tornado 1974 jyly tirkelgen eken. Sol joly tabıǵı apattan 310 adam ómirimen qoshtasypty. TÝNIS PEN LIVIIа ÁSKERI «ShEKISIP QALDY» Lıvııa úkimettik áskerleri men oppozısııa kúshteri arasyndaǵy teketires barysynda alǵashqylary soń­ǵy­larynyń izine túsip qýǵan bolatyn. Qarsylastar qyz­dy-qyzdymen Týnıs shekarasynan ótip, sol eldiń Dahıbý qalasyna kirip ketken. О́zge egemen eldiń shekarasynan attaý qarsy reaksııa týǵyzatyny túsinikti jáıt. Sóıtip, Týnıs basshylyǵy Lıvııamen shekarasyna óz ásker­lerin tartqan bolatyn. Artynsha Týnıstiń úkimettik áskerleri men Lıvııa qarýly kúshteri arasynda keskilesken urys júrdi. Eki jaqtan qandaı shyǵyn bar ekeni týraly naqty málimet joq. Týnıs osy oqıǵaǵa oraı Lıvııaǵa narazylyq bildirdi. Lıvııanyń resmı adamdary ázirshe óz áreketterine esh túsinik bermeı otyr. QADYROVTYŃ JYLDYQ TABYSY – 4,2 MLN. Cheshenstan prezıdenti Ramzan Qadyrov ótken jyly 4,2 mln. rýbl tabys taýypty. Bul týraly respýblıka úkimetiniń resmı saıtynda jarııalanǵan. Qadyrov barlyq aqshasyn óziniń jumys ornynda otyryp tap­qan. Qosymsha tabyskózi joq kórinedi. Páteriniń aýmaǵy 36 sharshy metr deıdi. Al zaıyby bolsa, 210 sharshy metrlik páterde turady eken. Resmı saıtta prezıdent zaıyby men balalarynyń tabysy týraly eshteńe aıtyl­maıdy. Qadyrovtyń jeke menshik kóligi de joq kórinedi. Sony­men bir mezgilde, Internette Cheshenstan basshysynyń kóligi dep kórsetilgen birneshe qymbat máshıneler paıda bolǵan. TÁRTIP SAQShYLARYNYŃ О́ZI QYLMYSKER Úsh burynǵy mılısıoner Máskeýdiń «Vný­kovo» áýe­jaıynda Daǵystan tur­ǵyn­darynan 31 mıllıon rýbl urlaǵany úshin bas bostandyqtarynan aıyryl­dy. Túr­meg­e qamalǵan Aleksandr Adamov, Igor Voronov jáne Sergeı Chechel 5 jyl 3 aıdan 7 jyl 9 aıǵa deıingi merzimge túrmege qamaldy. Atalǵan burynǵy tártip saqshylary 2008 jyldyń 17 qyrkúıeginde tekserý úshin Mahachkalanyń eki turǵynyn toqtatady. Al olardyń sómkelerinde 348 mıllıon rýbl, 1,73 mıllıon dollar jáne 600 myń eýro bar eken. Altyn kórse perishte joldan taıady degendeı, mılısıonerler 31 mıllıon rýbldi zorlyqpen tartyp alady. Urlyqtaryn jasyrý úshin qujattaǵy somany tómendetip kórsetedi... BENZIN BULAI QYMBATTAP KО́RGEN EMES Germanııada benzın quny rekordtyq deńgeıge kóte­rildi. Burnaǵy kúni 15 myń nemis janarmaı quıý stan­salarynda 95-shi benzın ortasha eseppen 1,604 eýrodan satyldy. Sóıtip, GFR-de 2008 jyldyń shilde aıyn­daǵy rekord «jańardy». Sol kezde atalǵan markaly benzınniń lıtri 1,595 eýrodan satylǵan eken. Bul qymbattaý jaz maýsymynyń kelýimen túsindiriledi. Eýropada benzınniń osy jolǵy maýsymdyq qymbattaýy ortasha eseppen 20 paıyzdy qurap otyr. Buǵan, sonymen qatar, AQSh-ta benzın qorynyń azaıýy qosylǵan. Sonyń salda­rynan amerıkalyqtar benzındi Eýropa rynok­ta­rynan belsendi satyp ala bastaǵan. Atalǵan úderiske Qytaıdaǵy benzın tutyný ósimi de óz yqpalyn tıgizýde kórinedi. QYSQA QAIYRYP AITQANDA: Egıpet basshylyǵy jaqyn arada adamdar men taýarlardyń erkin qozǵalysy úshin Rafah shekara ótkelin ashatynyn habarlady. Osylaısha Gaza sektoryndaǵy tosqaýyl alynyp tastalatyn boldy. Mysyrdyń ońtústiginde bortynda jolaýshylary bar parom apatqa ushyrady. Apat saldarynan kem degende 43 adam sýǵa ketti. Oqıǵa Nil arqyly Benı-Sýeıf provısııasyna bet alǵan paromnyń aýdarylýynan oryn aldy. Internet materıaldary negizinde ázirlendi.