«Dostyq» alleıasy ashyldy

Keshe Semeıde osyndaǵy jańa kópirdiń sol jaǵa­laý­yn­da «Dostyq» alleıasy salta­nat­ty jaǵdaıda ashyldy. Ob­lystyń jer-jerinen osy sha­raǵa arnaıy shaqyrylǵan túrli ult ókilderi, qala jurtshy­ly­ǵy bes alańǵa toptastyryldy. Birinshi alańǵa jınalǵandar salamatty ómirdi nasıhattasa, ekinshi alańdaǵylar ulttyq oı­yn túrleri boıynsha óner kór­setip jatty. Al kelesi alań­daǵylar elimizdegi beıbitshilik pen ózara kelisimdi beıneledi.Osy jerge Astanadaǵy Beıbitshilik jáne kelisim saraıynyń maketi qoıyldy. Qaı alańnyń bolsyn ózindik máni zor boldy. Olardyń árqaısysyn 200-den 500-ge deıin qala turǵyndary tamashalady. Budan keıin jańadan ashy­lyp otyrǵan «Dostyq» alleıa­sy­na 20 ult ókilderi 20 túp aǵash otyrǵyzdy. Igilikti shara sońynda álgi 20 ult ókilderi qolynan 20 kógershin kógildir aspanǵa sharyqtap ushty. Flesh­mobqa qatysýshylar bolsa, bir myń shardy bıikke samǵatty. Osy tusta aspanda «Dostyǵymyzǵa – 20 jyl» degen jazý paıda boldy. Sol kúni munda «Ar-Nur» dep atalatyn jastardyń bıznes ortalyǵy da saltanatty jaǵ­daıda ashyldy. Jınal­ǵan­dardy osy ortalyqtyń ıesi Áset Dosqojanov óz maqsat­tary­men tanystyrdy. Bir kezde ıesiz qańyrap qalǵan úlken ǵımarattyń qatarǵa qosylýy semeılikterdi qaı jaǵynan bol­syn qýanyshqa bóledi. Shyn­dyǵynda onyń qaıta jón­de­lip qatarǵa qosylýy qala or­talyǵynyń ajaryn asha tústi. Al osy eki sharanyń al­dyn­da qaladaǵy birinshi jylý ener­getıkalyq ortalyǵynyń jańa­dan salynyp jatqan qazandyǵy iske qosylǵan edi. Bul da semeılikter kópten asy­ǵa kútip júr­gen mańyzdy sharýa bolatyn. Atalǵan sha­ra­lardyń bárine de oblys ákimi Berdibek Saparbaev arnaıy kelip qatysty. Tús aýa qalalyq ákimdikte oblystyq ákimdiktiń kóshpeli má­jilisi bolyp ótti. Onda da Semeıdi odan ári kórkeıtý máselesi qoz­ǵaldy. Táýelsizdik merekesi qar­sańyndaǵy mundaı sharalardyń  qajettiligi aıtpasa da túsinikti. Dáýlet SEISENULY. Semeı.