Ushqyrlyq pen uqyptylyq toǵysqan sát

Elimiz Táýelsizdiginiń 20 jyly ishinde Qazaqstan Respýblıkasy Qarýly Kúshteri egemendigimizdi saqtap, qorǵaýda aýyr da abyroıly qyzmet atqaryp keledi. Áskerimizdiń osyndaı dáre­jege jetýi bir jaǵynan Qa­rýly Kúshterdi nyǵaıtýda, onyń sapasyn arttyrýda júr­gizilip jatqan memlekettik saıasatpen baılanysty bolsa, ekin­shi jaǵynan áskerimizdiń kúsheıýine Qazaqstan armııa­synyń qurylyp, qalyptasý kezinde basynda bolǵan arda­gerlerimizdiń, generaldar men ofıserlerdiń, serjanttar men sarbazdardyń qosyp jatqan úlesi qomaqty. Qazir Qazaqstan áskeri 20 jyl ishinde tolyq qurylyp jáne jyldan jylǵa damyp, buryn­ǵy keńestik keńistikte úzdik Qarýly Kúshterdiń qataryna qosylyp otyr. Elimiz áskerin­iń sapasy ja­ǵynan myqty­lyǵyn biz Qorǵanys mı­nıs­trliginiń uıymdas­ty­rýy­men ótkiziletin oqý-jattyǵý kezderinde kórip júrmiz. Jaqynda sondaı áskerı jattyǵýlardyń biri mınıstrliktiń uıymdas­ty­rýy­men Táýelsizdigimizdiń 20 jyl­dyǵyna oraı Qapshaǵaı qala­synyń mańyndaǵy Shosh­qaly polıgonynda bolyp ótti. Munda egemen elimizdiń azat­tyǵy men jerimizdiń tutastyǵyn qorǵaýǵa jaýap beretin ásker túrleriniń biri utqyr, ári shapshań qımyl­daıtyn, sany az bolsa da sapasy myqty desantshy-shabýyldaýshy brıgada Qorǵanys mınıstri Ádil­bek Jaqsybekov, Qurlyq ásker­leriniń bas qolbasshysy, general-maıor Murat Maıkeev pen osy jerge Astana men Alma­tydan arnaıy jınalǵan BAQ ók­il­derine áskerı daıyndyqtaryn kórsetti. Oqý-jattyǵý alańynda de­sant­shylar urysqa ázirlikterin, barlaý, shabýyl jasaý sııaqty tá­silderin kórsetip, jurtshy­lyq­tyń nazaryn ózderine aýdardy. Barlaý – urysty qamtamasyz etetin soǵystyń negizgi túriniń biri. Onyń basty mindetteri jaýdy tereń tylda nemese urys qı­myldary júrip jatqan jerlerde áskerdiń jeńiske jetýi úshin qajetti barlyq aqparattar men málimetterdi jınaý bolyp sanalsa,  polıgonda kórsetilgen urys­­tyń taǵy bir túri artıllerııany soǵys qudaıy deıtin kórinedi. Osy urystardyń bári oqý-jat­tyǵý alańynda joǵary deńgeıde ótti dep aıtýǵa bolady. Shoshqaly polıgonynda áske­rı jattyǵý júrip jatqan kezde Qorǵanys mınıstrliginiń uıym­das­tyrýymen Astana jáne Al­maty qalalarynan kelgen BAQ ókilderi arasynda AK (Kalashnıkov avtomaty) jáne PM (Makarov tapanshasy) qarý­larynan jarys ótkizilgenin de atap ót­ken jón. Bul jarysqa qatysqan 30-ǵa jýyq jýrna­lıstiń bári quralaıdy kózge atqan myqty mergender bolmasa da, ny­sa­naǵa tıgizip, uıym­dasty­rýshy­lar tarapynan al­ǵys hattarǵa ıe boldy. Al jattyǵý sońynda Qorǵanys mınıstri Ádilbek Jaqsybekov gazetterdiń ishinde «Egemen Qazaqstan» men «Kazahstankaıa pravda» basy­lym­da­ryna Qa­zaqstan Respýblıkasy Qarýly Kúshteriniń oń bedelin art­tyrýǵa qosqan zor úlesi úshin «Qazaqstan Respýblıkasy Qa­rý­ly Kúshterin nasıhat­taý­shy belsendi basylym» no­mı­na­sııasy boıynsha gramotamen ma­rapattasa, mergendik ja­rysyna qatysqan jýrna­lıs­ter­diń bárine elimiz áskeriniń oń bedelin arttyrýǵa jáne jas­tardy qazaqstandyq patrıotızm rýhynda tárbıeleýge qos­qan zor úlesi úshin alǵys hattardy tabys etti. Dastan KENJALIN. -------------------------------------- Sýretterdi túsirgen Iýrıı BEKKER.