Nurǵısanyń án jınaqtary jaryq kórdi

Jambyl atyndaǵy Qazaq memlekettik fılarmonııasynda Má­denıet mınıstrligi men Almaty qalasy men oblysy ákim­dik­te­riniń qoldaýymen jaryq kórgen Qazaqstannyń halyq ártisi,  Halyq qaharmany Nurǵısa Tilendıevtiń «Jan sáýle», «Qustar áni», «Alataý» án jınaqtary jáne Jarqyn Shákárim men Da­rı­ǵa Tilendikelininiń «Nurǵısa Tilendıev» atty ǵumyr­namalyq de­rekti kitabynyń tusaýkeseri ótti. El  Táýelsizdiginiń  20 jyl­dyǵyna tartý retinde usynylyp otyrǵan   bul   eń­bekter «Má­de­nı mura» baǵdarlamasy aıasynda,  dástúrli mýzyka má­denıetin urpaqqa nasıhattap jetkizý negizinde shyǵarylyp otyr. О́tken jyly  ǵana dáýlesker kúıshi,  uly kompozıtor,   da­ryn­dy dırıjer  Nurǵısa Ti­len­diulynyń týǵanyna 85 jyl tolýyn artynda qalǵan qalyń eli atap ótse, al Nuraǵańnyń shyǵarmashylyǵyna arnalǵan tórt kitap  sol ıgi sharanyń  jal­­ǵasyndaı   boldy.  Kom­po­zı­tor­dyń jary,    Qazaq­stan­nyń eń­bek sińirgen ártisi   Da­rıǵa Tilen­di­ke­lininiń aıtýyn­sha, «Ala­taý», «Jan sáýle», «Qustar» ánder jınaǵy Nuraǵańnyń kózi tirisinde 1960 jyldary jaryq kórgen.  Árıne, osydan elý jyl buryn  baspa betin kórgen úsh kitaptyń  qolda barynyń da, oqýlyq retinde paıdalanǵandardyń da ábden tozyǵy jetkendikten Darıǵa Tilendikelini men qyzy Din-Zýhra  olardy qaıta bastyrýdy qolǵa alady. Nuraǵań jaıly kitapqa jary Darıǵa men belgili ónertanýshy   Jarqyn Shákárim kóp eńbek sińirgen eken.   «Adam sanasynyń sáýlesi degen uǵym bar bolsa, Nur­ǵısa Tilendiulynyń shy­ǵar­­ma­lary  sanamyzdyń qospa­syz tól, ulttyq mýzykalyq sáý­lesi. Nege deseńiz, onyń dom­byrada kúıler oryndaýy, kompo­zı­tor­lyǵy, shyǵarma­la­ryn orkestrge laıyqtaýy, dı­rı­jerlyǵy, us­taz­dyǵy, orkestrdi uıymdas­ty­rýshylyǵy tá­riz­di san qyrly qasıetteri ur­paqqa úlgi, bo­la­shaqqa ónege. Olaı bolsa, óner­taný ǵylymy salasynda nur­ǵı­satanýdyń dańǵyl joly ashy­lýǵa tıisti», degen  qory­tyndy jasaıdy    avtorlar. – Ánderiniń shyǵý tarıhyn, ómirdegi, ónerdegi jarqyn belesterin eske alyp, meniń aıt­qan­darymdy qaǵazǵa túsirgen Jar­qyn Shákárimge alǵysymdy bildiremin. О́ziniń kórgen-túı­genderin qosyp, úlken eńbek ja­sady», – dedi Darıǵa Tilendikelini. Kesh sońynda jınalǵan kóp­shilik   kompozıtordyń ózi qur­ǵan, keıin esimin alǵan ataqty N.Tilendıev atyndaǵy akade­mııa­lyq folklorly-etnogra­fııa­lyq orkestriniń ónerin tamashalady. Gúlzeınep SÁDIRQYZY.