Oblys sportshylarynyń jaqsy jetistikteri kóp-aq. Qysqy VII Azııa oıyndarynda sporttyq baǵdarlaýdan Aslan Toqbaev altynnan alqa taqsa, konkıshi Dmıtrıı Babenko óz qorjynyn eki kúmis jáne osynsha qola medalmen toltyrdy. Oqýshylardyń qurama komandasy respýblıkalyq qysqy V spartakıadada júldeli 3-shi oryndy ıelendi.
О́ńir basshysy Serik Bilálov Qyzyljar óńiriniń úzdik sportshylary jáne jattyqtyrýshylarymen kezdesýde 15 sportshy ákim taǵaıyndaǵan stıpendııa alatynyn, byltyr 7 adamǵa páter berilgenin aıta kelip, marapattaý rásimin jalǵastyrdy. A.Toqbaevqa jaıly páterdiń sertıfıkaty, D.Babenkoǵa aqshalaı syılyq tabys etildi. «Aqsha qar – 2011» oblystyq spartakıadasynyń jeńimpazdary arnaıy kýbokqa ıe boldy. Bir top bapker dıplomdarmen marapattaldy.
Jıynǵa qatysqan Bilim jáne ǵylym mınıstrligi deneshynyqtyrý ǵylymı-praktıkalyq ortalyǵy dırektorynyń orynbasary Baýyrjan Ramazanov aýyl sportyn damytýǵa qosqan zor úlesi úshin Qazaqstannyń Eńbek Eri Gennadıı Zenchenkoǵa, oblys ákiminiń orynbasary Aıdarbek Saparovqa, aýdan ákimderi Marat Tasmaǵanbetovke, Vladımır Býbenkoǵa, Rústem Elýbaevqa ortalyqtyń keýde belgilerin tapsyrdy.
Serik Sultanǵazyuly óz sózinde 2011-2012 jyldary 2,5 mıllıard teńgege sport kesheni salynatynyn, jobalyq-smetalyq qujattaryn daıyndaýǵa 30 mıllıon teńge bólingenin jetkizdi.
О́mir ESQALI.