Jaǵarmaı jetkilikti

Jyldaǵysha kóktemgi dala jumystary da bastaý aldy. Osyǵan oraı sharýa adamyn Úkimettiń tapsyrmasymen dızel otynynyń qansha kólemde bólingeni mazalaıtyny daýsyz. Jáne onyń baǵasy qandaı bolady? Mine, osy saýalǵa oraı «QazMunaıGaz» UK marketıng jáne munaı óńdeý jó­nindegi basqarýshy dırektory Danııar Tıesov tómendegishe túsinikteme berdi: – Kóktemgi dala jumys­ta­ry­nyń oıdaǵydaı ótýin dızel otynymen qamtý maqsatynda Munaı jáne gaz mınıstrligi aqpan aıynda arnaıy májilis ótkizdi. Oǵan memlekettik organdar men ákimdikter ókilderi de qatysty. Osy basqosýda aýyl sharýa­shy­lyǵy qury­lym­da­ry­na beriletin dızel oty­nynyń 1 ton­nasy 70 000 teńge bolyp be­kitildi. Biz­diń Atyraý jáne Pavlodar munaı óńdeý zaýyttarynan Qostanaı, Aqmola, Soltústik Qazaqstan, Pavlodar, Shyǵys Qazaqstan ob­lystaryna jiberiletin dızel otynynyń mólsherin 220 myń tonna kóleminde belgiledi. Atal­ǵan oblystarǵa tıisti kólemdegi dızel otyny naýryz aıynan bastap jiberilýde. Danııar Tıesovtiń málimetin­she, Atyraý munaı óńdeý zaýy­ty­nan Qostanaıǵa – 70 myń, Aq­mo­la oblysyna 30 myń tonna dızel otyny bosatylady. Al Pavlodar munaı óńdeý zaýyty Soltústik Qazaqstan oblysyna 50 myń tonna, Pavlodarǵa –15 myń, Shyǵys Qazaqstanǵa – 23 myń jáne Aqmola oblysyna qosymsha 32 myń tonna jaǵarmaı jiberýge tapsyrma alypty. «Baǵada eshqandaı ózgeris bolmaıdy. Atalǵan zaýyttarda dızel otynynyń qory jetkilikti. Bólingen dızel otyny aýyl sharýashylyǵy qurylymdaryna kestege sáıkes mezgilinde jiberiledi» dep jáne bir shegeledi basqarýshy dırektor D.Tıesov. Joldasbek ShО́PEǴUL. Atyraý oblysy.