Halyqaralyq zań jobalary qoldaý tapty

Keshe Senat Tóraǵasy Qaırat Mámıdiń jetekshiligimen ót­ken palatanyń kezekti otyrysynda tórt másele depýtattar na­zaryna usynyldy. Sonyń ekeýi kelisimderdi ratıfı­ka­sııa­laý­ǵa baılanysty zańdyq qujattar bolyp tabylady. Birinshi bolyp kún tártibinde «Qazaqstan Respýblıkasynyń Úki­meti men Koreıa Respýb­lı­ka­sy­nyń Úkimeti arasyndaǵy Koreıa Respýblıkasy dıploma­tııa­lyq ókildikteriniń ǵımarattaryn salý úshin Astana qalasynda jer ýchaskelerin berý týraly kelisimdi ratıfıkasııalaý týraly» zań jobasy qaraldy. Ol boıynsha baıandama jasaǵan Syrtqy ister mınıstrliginiń jaýapty hat­shy­sy Rápil Joshybaev Astana qa­la­synan Koreıa elshiligin salýǵa 1 gektar jáne Elshi rezıdensııasyn salýǵa 0,5 gektar jer telimi bólinetindigin jetkizdi. Jer 49 jyl merzimge jalǵa berý shar­ty­men berilmek eken. Jaldan ózge barlyq salyqtardan, alymdar men bajdardan bosatylǵandyǵyn aıta ketý kerek. Qosymsha baıan­da­mashy Halyqaralyq qaty­nas­tar, qorǵanys jáne qaýipsizdik komıtetiniń tóraǵasy Qýanysh Sultanov Koreıamen yntymaq­tas­tyq erekshe damyp otyrǵan­dy­ǵyn jan-jaqty dáleldi jetkizdi. Senatorlar Seýl qalasynda 2010 jyly sáýirde jasalǵan kelisimdi ratıfıkasııalaý týraly zań jo­ba­syn qabyldady. Kelesi qaralǵan másele «Va­lıý­talyq saıasattyń kelisilgen qaǵıdattary týraly kelisimdi ratıfıkasııalaý týraly» zań jo­basy boldy. Kelisimge Qazaqstan, Belarýs jáne Reseı Federa­sııa­synyń prezıdentteri 2010 jyl­ǵy jeltoqsanda Máskeýde qol qoı­ǵan. Onda qatysýshy memle­ketterdiń valıýtalyq saıasat júr­gizýin júzege asyratyn qaǵıdalar aıqyndalypty. Atap aıtqanda, olar valıýtalyq saıasatty úıles­ti­rýdi kezeń-kezeńimen júzege asyrý jáne ony qalyptastyrý men júrgizýge qoıylatyn tásil­de­rdi jaqyndastyrý, valıýta salasyndaǵy yqpaldastyq úde­ris­terin damytý úshin uıym­das­tyrý-quqyqtyq jaǵdaı jasaý, qatysýshy memleketterdiń ult­tyq valıýtalaryna degen senimdi arttyrý bolyp tabylady. Zań jobasy boıynsha depýtattardyń saýaldaryna Ulttyq bank tór­aǵasynyń orynbasary D.Aqyshev jaýap berdi. Sóı­tip, zańdyq qujat depýtattar ta­rapynan biraýyzdan qabyldandy. Osyǵan deıin bir ret ma­quldaýdan ótken «Qazaqstan Res­pýblıkasynyń keıbir zań­na­ma­lyq aktilerine jer qatynastaryn retteý máseleleri boıynsha óz­ge­ris­ter men tolyqtyrýlar engizý tý­raly» zań jobasy ekinshi oqylymda qaraldy. Zań jobasy qoldanystaǵy zańdarǵa ózgeris­ter engizýge, jer týraly zańna­many jetildirýge jáne Jer kodeksiniń keıbir erejelerindegi qaıshylyqtar men qıǵash túsinýshilikti alyp tastaýǵa baǵyttalǵan. Jobaǵa engizilgen ózgerister Májiliske jiberildi. Asqar TURAPBAIULY.