Ekijaqty yqpaldastyqqa umtylys bar

Jaqynda Venadaǵy Hofbýrg saraıynda Qazaqstan Res­pýb­lıkasynyń Tótenshe jáne ókiletti elshisi Qaırat Ábdirah­ma­nov Avstrııa Respýblıkasynyń Federaldyq Prezıdenti Haıns Fısherge Senim gramotasyn tapsyrdy. Avstrııa basshysymen bolǵan áńgime kezinde ekijaqty qatynas­tardyń ártarapty damýynyń qa­zirgi kúıi men keleshegi tal­qy­landy. Elshi Qazaqstan táýel­siz­diginiń 20 jyldyǵyna oraı­las­ty­ryp, elimizdiń jetistikteri tý­raly baıandap berdi, sondaı-aq, Prezıdent Nursultan Nazar­baev­tyń jyl saıynǵy halyqqa Jol­daýynda jáne Úkimettiń baǵdar­la­malyq qujattarynda aıqyn­dal­ǵan memleket damýynyń basymdyqtarynan habardar etti. H.Fısher Prezıdent Nursul­tan Nazarbaevtyń shaqyrýymen jasaǵan Qazaqstanǵa tuńǵysh resmı saparyn jáne EQYU-nyń Astanada ótken memleket jáne úkimet basshylarynyń tarıhı sammıtine qatysýyn jyly lebizben eske aldy. Qazirgi ke­zeńde joǵary deńgeıde qol jetkizilgen ýaǵdalastyqtardy jú­zege asyrý aıryqsha mańyzǵa ıe bolýda, ásirese ekonomıkalyq, ındýs­trııalyq-ınnovasııalyq jáne mádenı-gýmanıtarlyq ba­ǵyt­tarda, dedi Avstrııa Prezıdenti. 2010 jyly EQYU-ǵa ádiletti tóraǵalyǵyn qamtamasyz etý úshin Qazaqstannyń bar kúsh-jigerin salǵany atap ótildi. Osy oraıda Astanada qabyldanǵan Uıym Sammıtiniń Deklarasııasy EQYU aýmaǵynda ózara is-qımyl úshin orasan mańyzǵa ıe. Talǵat JUMAǴULOV, «Egemen Qazaqstan» – Venadan.