Trıpolıdi bombalaý toqtar emes

Keshe erteńgisin NATO avıasııasy Lıvııa basshysy Mýammar Kaddafıdiń Trıpolıdiń ortalyǵyndaǵy rezıdensııasy tóńiregin bombalaýdy qaıta jal­ǵas­tyrdy. Kem degende áýeden 10 soqqy jasaldy. Naqty qaı nysandar búlingeni jáne qurbandyqtardyń bar-joǵy ázirshe belgisiz. Buǵan deıin NATO avıasııasy qalaǵa shamamen 60 bomba tastaǵan bolatyn. Lıvııa basshy­ly­ǵynyń derekteri boıynsha, 31 adam qaza tapqan. Jalpy, ba­tystyń áskerı basqynshylyǵy bastalǵan 19 naýryzdan beri NATO-nyń negizgi nysany Kaddafıdiń rezıdensııasy bolyp keledi. ZYMYRAN SYNADY DEP AIYPTADY Soltústik Koreıa radıýsy shaǵyn zy­my­randy synaqtan ótkizdi. Bul jónin­de barlaý derekkózderine silteme jasaı otyryp, Ońtústik Koreıanyń «Renhap» agenttigi habarlady. Ońtústikkoreıalyq arnaıy qyzmettiń derekterine súıen­sek, synaq KHDR-dyń batys jaǵa­laý­yn­da júzege asyrylypty. Seýldiń atap kórsetýinshe, zymyrandyq synaqtar KN-06 zymyranyn jańǵyrtý sheńberinde ótkizilgen. Atap aıtqanda, soltústikkoreıalyq ınjenerler KN-06-nyń ushý radıýsyn ulǵaıtý maqsatynda jumystanyp jatsa kerek. Soltústik Koreıa, ásirese, 2009 jyly jáne 2010 jyldyń alǵashqy bóliginde zymyran synaqtaryn kúsheıtse, sońǵy ýaqyttarda bul úderis sál báseńdegen-tuǵyn. SAILAÝ ShILDEDEN QAZANǴA ShEGERILDI Týnıstiń ótpeli úkimeti eldegi shilde aıyna belgilengen saılaýdy qazan aıyna shegergen jón dep taýyp otyr. Naqtylaı tússek, Týnıstiń ýaqytsha premer-mınıstri Beıdjı Kaıd Essebı jalpyǵa ortaq saılaýdyń 23 qazan kúni ótetinin málimdedi. Sheneýniktiń sózine qaraǵanda, qosymsha ýaqyt saılaý úderisine qatysqysy keletin barlyq uıymdarǵa teńdeı múmkindik týǵyzyp, onyń móldirligin arttyra túsedi. Sony­men, 23 qazanda Týnıs turǵyndary Quryltaı jınalysyna de­legattar saılasa, olar óz kezeginde el konstıtýsııasynyń jańa jobasyn jasap, prezıdent pen parlament saılaý­larynyń kúnin belgileıdi. EKINShI MERZIMIN QÝATTADY BUU Bas hatshysy Pan Gı Mýn ekinshi merzimge saılaýǵa túsetinin má­limdegenin buǵan deıin habar­laǵan bo­latynbyz. Endi oǵan AQSh prezıdenti Barak Obama jan-jaq­ty qol­daý kórsetetini málim bolyp otyr. BUU Bas hatshysyn saılaý prose­dýra­sy mynadaı: áýeli kandıdatýrany BUU-nyń Qaýipsizdik keńesi qaraıdy. Sodan keıin ol 192 memleket ókildik etetin Bas assambleıaǵa daýys berýge shyǵarylady. Jańa Bas hatshyny saılaýda negizgi róldi is júzinde Qaýip­sizdik keńesiniń turaqty keńes músheleri oınaıdy. Bul elder Ulybrıtanııa, Qytaı, Reseı, AQSh jáne Fransııa. Olar veto quqyn paıdalanyp, kan­dıdatty ótkizbeı tastaýy da ábden múmkin. «BASQYNShYLYQ MENTALITETTIŃ» ÁSERI Lıtva seıminiń (parlament) spıkeri Irena Degýtene eldegi jemqorlyq úderisterin azamattardyń boı­ynda keńes kezeńinen qalǵan «basqynshylyq menta­lıtettiń» áseri dep málimdedi. Ol bul málimdemesin el prezıdenti Dalı Grıbaýskaıteniń 7 maýsymda el halqyna dástúrli joldaýynan keıin jarııa etti. О́ıtkeni, joldaýda eldegi jemqorlyq máselesine aıtar­lyqtaı basa nazar aýdarylǵan bolatyn. Túrli elderde korrýpsııanyń deńgeıin zertteıtin halyqaralyq Transparency International uıymynyń reıtınginde Lıtva 2010 jyly 46 orynǵa taban tiregen eken. Salystyrmaly túrde aıtsaq, Baltyq jaǵalaýy elderinen Latvııa 59-shy, al Estonııa 26-shy orynǵa turaqtapty. KÚIEÝINIŃ ORNYN ÁIELI BASTY AQSh-tyń Las-Vegas qalasynda qa­la merin saılaý bolyp ótti. Jańa qa­labasy bolyp is basyndaǵy mer Os­kar Gýdmannyń zaıyby Karolın Gýdman saılandy. Bıýlletenderdiń 96 paıyzy suryptaýdan ótkennen keıingi nátıje boıynsha qalanyń birinshi hanymy 33 000 daýys jınaǵan. Onyń qarsylasy bolǵan taǵy bir hanym – Krıs Djýnchılıanı márege 22 000 daýyspen jetken. Ol alǵashqy nátıje shyǵarylysymen-aq Karolın Gýdmanǵa telefon shalyp, je­ńi­simen quttyqtap úlgeripti. Al Oskar Gýdman Las-Vegasqa 1999 jyldan beri bılik quryp kelgen edi. Iаǵnı, ol zań boıynsha ruqsat etilgen 3 merzim boıy mer oryntaǵynda myǵym otyrǵan. QYSQA QAIYRYP AITQANDA: On jyl boıy Reseı joǵarǵy palatasynyń spıkeri bolǵan, 18 mamyrda bul laýazymdy ornynan qýylǵan Sergeı Mıronov Reseı Memlekettik Dýmasynyń depýtaty atandy. Oǵan óz ornyn «Ádiletti Reseı» ókili Elena Vtorygına bosatyp berdi. Qyrǵyzstanda osy eldiń burynǵy prezıdenti Q.Bakıevtiń otbasyna jaqyn júrip, senimine ıe bolǵan bıznesmen, Qyrǵyz­stan damý qoryn basqarǵan Alekseı Elıseev der kezinde otanynan tabanyn jaltyratyp úlgergen bolatyn. Endi ol syrttaı 6 jylǵa sottaldy. Túrkııanyń Gıresýn provınsııasynda jolaýshylar avtobýsy apatqa ushyrap, oqıǵa saldarynan 10 adam qaza tapsa, taǵy 29-y túrli deńgeıde dene jaraqattaryn aldy. Kólikte sheteldikter bolmaǵan kórinedi. Al júrgizýshi rólde uıyqtap ketkenge uqsaıdy. Abhazııa parlamenti kezekten tys prezıdenttik saılaý kúnin belgiledi. Daýys berý nátıjesi 26 tamyz tańdalǵanyn kórsetti. Kezekten tys prezıdenttik saılaýǵa ókpesine ota jasatqannan keıin kóz jumǵan is basyndaǵy prezıdent Sergeı Bagapshtyń ólimi sebep boldy. Burnaǵy kúni túnde Ázirbaıjannyń astanasy – Baký qa­lasynyń mańyndaǵy Hyrdalan eldi mekeninde Mysyrdyń burynǵy prezıdenti Hosnı Mýbáraktiń eskertkishi tuǵyrynan túsirilip, ornyna «kóne egıpettiktiń» jańa eskertkishi ornatylǵan. Internet materıaldary negizinde ázirlendi.