Kún tártibi bekitildi

Keshe Parlament Májilisiniń Tóraǵasy Oral Muhamed­ja­nov­tyń jetekshiligimen palata bıýrosynyń kezekti otyrysy ótti. Onda Májilistiń salalyq komıtetteri palatanyń jalpy otyrysynyń kún tártibine usynǵan máseleler qaraldy. Zańnama jáne sot-quqyqtyq reforma komıteti «Qazaqstan Respýblıkasynyń keıbir zańna­ma­lyq aktilerine zııatkerlik men­shik máseleleri boıynsha ózge­rister men tolyqtyrýlar engizý týraly» zań jobasyn birinshi oqy­lymǵa usynyp jáne «Nota­rıat týraly» Qazaqstan Res­pýb­lıkasynyń Zańyna ózgerister men tolyqtyrýlar engizý týra­ly» zań jobasyn talqylaıtyn boldy. Al, Ekologııa máseleleri jáne tabıǵat paıdalaný ko­mıteti «Qa­zaqstan Respýb­lı­kasynyń keıbir zańnamalyq aktilerine ekologııa máse­le­leri boıynsha ózgerister men tolyqtyrýlar engizý tý­ra­ly» Zań jobasyn ekinshi oqy­lym­ǵa shyǵaryp otyr. Joǵaryda atalǵan jáne basqa máselelermen birge kún tárti­bin­de birqatar ha­lyq­aralyq qujat­tardy ratıfıkasııalaý týraly jáne ju­mysyn jalǵastyrý jó­nin­de máseleler naqtylandy. Áleýmettik-mádenı damý komıteti, atap aıtqanda, «Qa­zaq­stan Respýblıka­sy­nyń Eńbek kodeksine ózge­rister men tolyq­ty­rýlar engizý týraly» jáne «Qa­zaq­stan Respýblıkasynyń keıbir zańnamalyq aktilerine mem­­lekettik áleýmettik tapsy­rys máse­le­leri boıynsha óz­gerister men to­lyqtyrýlar engizý týraly» zań jo­ba­larymen jumysty jalǵas­ty­rý jóninde áriptesterine usy­nys jasaıtyn bolyp kelisildi. Bıýro otyrysynda Máji­lis­tiń zań shyǵarýshylyq qyz­metine qa­tys­ty ózge de máseleler qa­raldy. «Egemen-aqparat».