Germanııa elshisiniń mıssııasy aıaqtaldy

Keshe Qazaqstan Respýblıkasy Parlamenti Májilisiniń Tóraǵasy Oral Muhamedjanov Germanııa Federatıvtik Respýblıkasynyń Qazaqstan Respýblıkasyndaǵy Tótenshe jáne ókiletti elshisi Raıner Oıgen Shlageterdi qabyldady, dep habarlady Májilistiń baspasóz qyzmeti. Aıta ketý kerek, bul júzdesý Germanııa elshisiniń Qazaq­stan­daǵy qyzmetiniń aıaqtaýyna oraı ótti. Májilis Tóraǵasy elshige Qa­zaqstan men Germanııa arasyn­daǵy yntymaqtastyq baıla­nys­tardy nyǵaıtý jolynda jasaǵan eńbegine alǵysyn jetkizdi. Májilis Tóraǵasy sońǵy jyl­dary Qazaqstan men Germanııa arasyndaǵy saıası-ekono­mı­kalyq baılanystyń óristeı tús­ke­nin atap ótti. Oǵan joǵary deń­geıde ótken júzdesýler men kelissózder basty negiz boldy. О́tken jyly arnaıy saparmen GFR Federaldyq kansleri Angela Merkel hanymnyń Qazaq­stanǵa eki márte kelgeni belgili. Sondaı-aq GFR Syrtqy ister mınıstri, Býndestag depýtattary da kelip, eki el arasyndaǵy ári­p­tes­tik baılanystyń óris alýyna yq­pal etip, óz tájirıbelerimen bó­listi. Ásirese, 2009 jyly Qazaq­stan­nyń Germanııadaǵy jyly jáne 2010 jyly Germanııanyń Qa­zaqstandaǵy jyly tabysty ótti. «Germanııa Qazaqstannyń EQYU-ǵa tóraǵalyq etý jó­nindegi usy­nysyna qoldaý bildirdi. Sony­men qatar, elimizdiń Búkilálemdik saýda uıymyna kirýine de yqpal etýde», dedi Oral Muhamedjanov. 2010 jyldyń qorytyndysy boıynsha Germanııa Qazaqstan­men saýda-ekonomıkalyq áriptes el­derdiń ishinde altynshy oryn­ǵa kóterildi. Qos mem­lekettiń yn­ty­maqtastyq, saıası-ekonomı­ka­lyq baılanysy arta túsýine Qa­zaqstan Prezıdenti Nur­sul­tan Nazarbaevtyń Ger­manııaǵa jasa­ǵan resmı sapary, memleket bas­shylarynyń jo­ǵa­ry deń­geıde ótken kezdesýleri negiz boldy. Elshi óz kezeginde jyly lebizi úshin Májilis Tóraǵasyna rıza­shy­lyǵyn bildirdi. О́zi qyzmet etken 4 jyl ishinde biraz ister atqarylǵanyn aıtty. «Qazaq­stan­nyń ulan baıtaq jeri bar, úlken qalalarynda, shaǵyn eldi mekenderinde bolyp, biraz óńir­lerdi araladym. Barlyq jerde de meni jyly qarsy aldy. Áserli kúnderim retinde esimde saqta­lady. Budan tórt jyl buryn Astana qalasy da qazirgideı emes edi. Az ǵana ýaqyttyń ishinde odan saıyn kórkeıdi. Memleket te ekonomıkalyq órleý jolyna tústi», dedi Raıner Oıgen Shlageter. Taraptar saýda-ekonomıkalyq qatynasty jaqsartý, bilim men ǵylym salalaryndaǵy baılanys­ty jaqsartý qajettigi jóninde pikir bildirdi.