Keńeste keleli máseleler kóterildi

Astanada Memlekettik hatshy Qanat Saýdabaevtyń tóraǵalyǵymen Qazaqstan Respýblıkasy Prezıdentiniń janyndaǵy Jastar saıasaty jónindegi keńestiń VIII keńeıtilgen otyrysy ótti. Onyń jumysyna Prezıdent Ákimshiligi Basshysynyń orynbasary Máýlen Áshimbaev, Prezıdent Ákimshiligi Ishki saıasat bóliminiń meńgerýshisi Darhan Myńbaı, Parlament Májilisiniń depýtattary men elimizdegi jastar uıymdarynyń jetekshileri qatysty. Keńes otyrysynda jastardy memlekettik qol­daý baǵdarlamalarynyń iske asyrylý joldary, áleýmettik-ekonomıkalyq jáne qo­ǵamdyq-saıası úderisterge qatysýdaǵy jas­tardyń rólin arttyrý máseleleri qaraldy. Otyrysty Memlekettik hatshy Q.Saýdabaev kirispe sózben ashty. Ol jastar máse­le­le­rine arnalǵan osyndaı keńestiń mańyz­dy­lyǵyna, onyń memlekettik sheshimderdi qa­byl­daý kezinde jastardyń únin estý jáne tyńdaý úshin qurylǵanyna toqtaldy. Sodan keıin ol elimizdegi jastar saıasatynyń mán-mańyzyn, onyń durys baǵyt alýynyń nátı­je­sinde jastardy qoldaý úshin kóptegen baǵ­darlamalardyń iske asyrylyp jatqanyn atap ótti. Osy jerde Qanat Bekmyrzauly memleket tarapynan jastarǵa qoldaý kórsetilip otyrǵanyn aıta kelip, olardyń men elimnen ne alamyn  emes,  men elime ne beremin degen oımen Otanymyzǵa qyzmet etýleri kerektigin eskertti. Memlekettik hatshynyń sózinen keıin jastar uıymdarynyń jetekshileri men stýdentter ózderin tolǵandyryp júrgen máselelerge, elimizde jastar saıasatyna baılanysty istelinip jatqan jumystarǵa ún qosyp, pikir almasty. Munda eń aldymen Qostanaı qala­lyq máslıhatynyń hatshysy Gúlnar Oralova sóz aldy. Ol óziniń elimizdegi eń jas máslı­hat hatshysy ekenin, biraq soǵan qaramaı, ózine saılaý kezinde daýys bergen qalanyń ba­tys aýdanyndaǵy 2 000 turǵynnyń úmitin aqtaý úshin jumys isteıtinin, qazir Qos­tanaı­da ózi sııaqty jastarǵa qabilet-daryndaryn kórsetý úshin keń múmkindik jasalǵanyn, so­nyń biri «Eń úzdik bıznes ıdeıa» atty konkýrstyń elimizdiń ózge óńirlerinde de jalǵasyn tapsa degen pikirin bildirdi. Almaty qalasy Jastar saıasaty basqarma­sy­nyń bastyǵy Baqtııar Máken de qos­tanaılyq zamandasy sııaqty óz usynystaryn aıtýdy jón kórdi. Ol jyl saıyn Almatyda jastardy jumyspen jáne baspanamen qamtý máselesi kóteriletinin, osy oraıda, memlekettik baǵdarlamalar boıynsha olardy jumys­pen jáne jataqhanamen qamtamasyz etý máselesi sheshilip jatqanyn, sonyń bir dáleli retinde «Alataý» aýdanynda jańadan stý­dent-jastarǵa arnalyp jataqhanalardyń sa­lynatynyn atap ótti. Osyǵan baılanysty ol Almatyda jasalyp jatqan jumystar basqa oblystarda da júrgizilse degen nıetin bildirdi. Kelesi kezekte sóz sóılegen «Apex Consult” konsaltıngtik kompanııasynyń basqarý­shy­sy Danat Jumın Qazaqstan jastarynyń eldi ındýstrııalyq-ınnovasııalyq damytý­da­ǵy jastardyń róli degen máselege toqtalyp, qazir bizdiń jastarǵa robot sııaqty ózge el­der­diń qoldan jasaǵan quraldary emes, ký­bık-rýbık sııaqty ózimiz jasaǵan zattar ke­rek­­tigin, óıtkeni, solar arqyly jas jetkinshekter oılaryn jetildirip, aqylyna aqyl qosyp, bolashaqta shet­eldikterden qalyspaıtyn qural-jab­dyqtar jasaýǵa múmkindik alatynyn aıtty. Osy sóziniń jerde qalmaýy úshin ol «Samuryq-Qazyna» qorynyń basshylyǵyna jas tehnıkterdi qol­daý­dy, al otyrysqa qatysýshylarǵa  ke­ńes­tiń janynan «Jas kásipqoılardyń klýbyn» ashýdy usyndy. Odan ári Qazaqstan jastar Kon­gresiniń atqarýshy dırektory Shah­mardan Baımanov sóz alyp, jastardy dene tárbıesi men sportqa baýlý máselesine toqtaldy. Onda ol qazir elimizde 16 men 29 jas aralyǵyndaǵy 4,5 mln. jastyń turatynyn, bizdiń bola­shaǵymyz osy jastardyń den­saý­ly­ǵymen baılanysty ekenin, son­dyqtan barlyq jerde sport alańdaryn tıimdi paıdalanyp, buqaralyq sportty damytý úshin júıeli túrde jumys júr­gizý kerektigin aıta kelip, halyqtyń 30 paıyzy sportpen aınalysýy úshin sport nysandary qoljetimdi bolsa degen pikirin bildirdi. Sodan keıin Ulttyq ıadrolyq or­talyqtyń ıadrolyq fızıka ınstıtýty Astana qalasy bólimshesiniń bastyǵy Maksım Zdoroves memleket tarapynan jas ǵalymdardy, olardyń zertteý ju­mys­taryn qoldaý kóbeıse dese, «Na­zarbaev Ýnıversıtetiniń» stýdenti Dına Asqarova ózi oqıtyn bilim or­dasynyń stýdentteri qazir ýnıversıtet qabyrǵasynda kóshbasshylyqqa umty­lý, topta jumys isteý, synı kózqaras bildirýge arnalǵan zııatkerlik kóshbas­shylyq model boıynsha bilim alý úshin oqyp jatqanyn, osynyń bári bola­shaqta sybaılas jemqorlyqpen kúres­ke, memlekettik tilge degen qurmetke, elimizge janashyr bolýǵa, otansúı­gishtik sezimdi qalyptastyrýǵa septigin tıgizetinin jetkizdi. Sol sııaqty «Qazaqstannyń jas depýtattary qaýymdastyǵynyń» at­qarý­shy dırektory Oleg Toıkaılov pen Mádenıet mınıstrliginiń Tilder ko­mıteti tóraǵasynyń orynbasary Anas­tasııa Shegorsovanyń jastardyń aza­mat­tyq belsendiligin arttyryp, mem­lekettik qyzmette kásibı turǵydan ósýi úshin memlekettik tildi bilýdiń mańyz­dylyǵy jóninde aıtqan usy­nys-pi­kir­leri kóptiń kóńilinen shyqty. Munda A.Shegorsova ózge ulttyń ókili bolsa da, onyń jaýapty qyzmette istep júrgeni aldymen bilimi men biliginiń arqasy bolsa, ekinshiden, memlekettik tilge degen qurmettiń belgisi ekeni kúmánsiz. Ol óz sózinde tildi bilmeıtin barlyq Qazaqstan azamattaryn mem­leket­tik tildi úırený­ge shaqyrdy. Otyrystyń jumysynda odan ári de jastardy tolǵandyryp júrgen másele­ler kóterilip, onyń ishinde qazirgi qoldanystaǵy jastar saıasaty týraly zańnyń kemshilikteri, stýdentterdi jataqhanamen, jas otbasylardy bas­pana­men qamtamasyz etý, oqý oryn­daryna túsý úshin granttardy kóbeıtý, oqý bitirgen túlekterdi jumyspen qamtamasyz etý, jastardyń ǵylymmen aınalysýyna keń múmkindik berý, dene tárbıesi jáne sportpen aınalysýyna jaǵdaı jasaý sııaqty kókeıkesti máseleler kóldeneń tartyldy. Otyrysqa qatysýshylar elimizdiń jastaryna arnaǵan úndeýin joldady. Ony Ońtústik Qazaqstan oblysy «Jas­tar ortalyǵy» MKK bóliminiń bastyǵy Damır Júnisov oqydy. Otyrysty Memlekettik hatshy Qanat Saýdabaev qorytyndylady. Ol kezdesýde aıtyl­ǵan máselelerdiń bári hattamalana­ty­nyn, odan keıin mem­lekettik organ­dardyń qaraýyna ji­beri­letinin, al ózi Elbasy N.Nazar­baevqa keńeste qara­lyp, jastardy tol­ǵandyryp júrgen máselelerdi jetkizetinin aıtty. Sóz sońynda aıtarymyz – bıyl keńestiń jumysy qazirgi zamanǵa saı jetildirile bastady. Osy jyly onyń www.zhaskenes.kz saıty ashyldy. Bul veb-portalda jastar ózderin tolǵan­dyryp júrgen máselesimen bólise alady. Dastan KENJALIN.