Oń qadam, ońtaıly ister

Densaýlyq saqtaý mınıstri Salıdat Qaıyrbekova 2011 jyldyń birinshi jarty jyldyǵynyń qory­tyndysy boıynsha Bir­yńǵaı ulttyq densaýlyq saqtaý júıesiniń (BUDSJ) engizilý barysyn baǵalaý maq­satynda Qaraǵandy oblysynda boldy. Mınıstr jumys sapary bary­synda azamattardyń quqyqtaryn qor­ǵaý jónindegi qoǵamdyq keńes­tiń kezekti otyrysyna qatysyp, ob­lys­tyń medısınalyq qoǵam­das­t­yq ókil­derimen kezdesý ótkizdi. Ol sonymen qatar, qaladaǵy №3, №4, «GS PMSP» JShS emhanala­ryn­da, oblystyq kardıohırýrgııalyq, sol sekildi Maqajanov atyndaǵy travmatologııa jáne ortopedııa oblystyq ortalyǵynda, oblystyq kópsalaly klınıkada boldy. Dıdarlasý kezinde ol elimizdiń den­saýlyq saqtaý júıesin damytýǵa 2011-2015 jyldarǵa arnalǵan otan­dyq densaýlyq saqtaý salasyn damytýdyń «Salamatty Qazaqstan» memlekettik baǵdarlamasynyń ma­ńyz­dylyǵyna jan-jaqty toqtaldy. BUDSJ engizý memlekettik baǵ­dar­lamanyń maqsaty, mindetteri men ba­ǵyttaryna sáıkes keledi, dedi mınıstr. Qaraǵandy oblysynda Biregeı tóleýshi júıesinde stasıonarlyq já­ne stasıonardy almastyrýshy kómek kórsetetin 81 medısınalyq qyzmet orny tirkelgen. Onyń 21-i jekemenshik uıymdar. 2010 jyl­men salys­tyrǵanda, olardyń sany 5%-ǵa ul­ǵaıyp, jalpy kólemniń 26%-yn quraǵan. Bul aýrýhanalar arasyndaǵy básekelestikti damytyp qana qoımaı qyzmet kórsetý sa­pasyn arttyrmaq. 2011 jyldyń birinshi jarty jyldyǵynda josparly túrde aý­rý­hanaǵa jatqyzý bıýrosy por­taly arqyly stasıonardy erkin tań­daý quqyǵyn Qaraǵandy obly­synyń 32 365 turǵyny tıimdi paı­dala­nyp­ty. Onyń 24%-y aýyl tur­ǵyndary. Pasıentterdiń 91% óz oblysy aý­ma­ǵynda emdelýdi jón kórse, 0,2%-y ózge óńirlerdi tańda­ǵan, 8%-y res­pýblıkalyq maman­dan­dy­rylǵan emhanalardan kómek alǵan. Naý­qas­tar­dyń 89%-y on kúnniń ishinde emdeý oryndaryna jatqyzylypty. 2011 jyldan bastap joǵary mamandandyrylǵan medısınalyq kómek (JMMK) jedel júzege asa bastapty. Medısınanyń joǵary tehnologııalar salasyndaǵy ozyq jetistikterine qoljetimdilik te arta túsken. 2009 jyly JMMK Qara­ǵandy qalasyndaǵy oblystyq kar­dıohırýrgııalyq ortalyqta ǵana naýqastardy emdese, 2011 jyly mundaı qyzmet túrin óńirde 6 me­dısınalyq uıym kórsetken. Iаǵnı, azamattarǵa medısınalyq qyzmet jasaý aýqymy keńeıtilip, trav­ma­tologııalyq, neırohırýrgııalyq beıindegi, buǵan deıin respýblıkalyq emhanalarda atqarylyp kelgen kúr­deli operasııalardy jasaý isi jú­zege asqan eken. 2011 jyldan bastap am­bý­la­torııalyq-emhanalyq deńgeıde BUDSJ ekinshi kezeńin engizý bas­talypty. Emniń ambýlatorııalyq bólimin skrınıngtik baǵdarlama­lar­dy keńeıtý, qosymsha qyzmet túrlerin endirý, bastapqy medısı­nalyq-sanıtarlyq kómektiń áleý­mettik baǵdarlanǵan úlgisin kór­setý, alys eldi mekenderdiń tur­ǵyndary úshin mobıldi medısı­nanyń qoljetimdiligin arttyrý, sa­nıtarlyq avıasııany damytý ar­qyly tolyqtyrý kózdelgen. Memlekettik baǵdarlamany jú­ze­ge asyrý boıynsha is-sharalar jos­paryna sáıkes bastapqy medı­sı­na­lyq-sa­nıtarlyq kómek (BMSK) tarıfine qosymsha komponent engizý qa­ras­tyrylǵan. Bul profı­lak­tıkalyq ju­mystardy yntalandyrý jáne óńir­lerde BMSK boıynsha shyǵyn­dar­dy teńdestirýdi bir júıege keltiredi. Aǵymdaǵy jyldyń birinshi toqsanynyń qorytyndysyn eskere otyryp, BMSK tarıfine ynta­landyrý komponenti retinde elimiz boıynsha 2,2 mlrd. teńge qarjy qaras­tyrylsa, onyń 277 mln. teń­geden astamy Qaraǵandy oblysy­nyń enshisine tıesili eken. Qazirgi ýaqytta Elbasy tapsyr­masyna oraı, medısına qyzmet­ker­lerine eńbekaqy tóleý jaqsy jolǵa qoıylǵan. BUDSJ engizilýine baı­lanysty aksıonerlik qoǵam­dar, sharýashylyq júrgizý quqy­ǵyndaǵy kásiporyndarda medısı­nalyq qyz­met­kerlerdiń jalaqysy 16-34%-ǵa deıin kóterilgenin aıta ketýimiz kerek. Aldyn ala dıagnostıkalaýdy damytý, profılaktıkalyq tekserýler – skrınıngter ótkizý jáne konsýltatıvtik–dıagnostıkalyq me­dı­sınalyq kómek kórsetý, aýyl tur­ǵyndaryna dári-dármekterdiń qol­jetimdiligin tý­ǵyzý maqsa­tynda jyljymaly medı­sınalyq keshender uıymdas­ty­rylyp, jár­dem kórsetile bastaǵan. Sonymen qatar, statıstıkalyq esep­tiń avtomattandyrylǵan jú­ıesin engizý, medısınalyq qyz­metterdiń jeke esebin endirý baǵy­tyndaǵy ju­mystar jalǵasyn ta­ýyp, bul den­saýlyq saqtaý sala­syndaǵy menedjmentti jetildirýge oń yqpal etýde. Munyń bári Densaýlyq saqtaý mı­nıstrliginiń 2011-2015 jyldarǵa ar­nal­ǵan Strategııalyq jospa­ryn­da naq­tylanǵan ult densaý­ly­ǵyn jaq­sar­tý jolyndaǵy ońtaıly ister dep bilemiz. «Egemen-aqparat».