Kandıdattar usynylyp bitti

Osy jylǵy 19 shildede Qazaq­stan Respýblıkasy Parlamenti Senatynyń depýtattyǵyna kandıdattar usyný aıaqtaldy. Orta­lyq saılaý komıssııasynyń máli­met­teri boıynsha, 2011 jylǵy 16 maýsym men 19 shilde aralyǵynda Parlament Senatynyń depýtat­ty­ǵyna barlyǵy 92 kandıdat usynyldy. Eń kóp kandıdattar Qyzyl­orda men Jambyl oblystarynan usynylǵan. Bul oblystardyń ár­qaı­syna 9 kandıdattan kelip otyr. Soltústik Qazaqstan oblysynda 8 kandıdat, Astana men Almaty qa­lalarynda 7 úmitkerden usynyl­ǵan. Al Ońtústik Qazaqstan jáne Qaraǵandy oblystarynda – 6-dan, Aqmola, Shyǵys Qazaqstan, Batys Qazaqstan jáne Qostanaı oblys­tarynda – 5-ten, Aqtóbe, Almaty, Atyraý, Mańǵystaý jáne Pavlodar oblystarynda 4 úmitkerden usynyldy. Olardyń ishinde más­lıhattar 15 kandıdat usynǵan bol­sa, qalǵan 77 azamat ózin-ózi usy­ný quqyǵyn paıdalanǵan. Usy­nylǵan kandıdattar arasynda 6 áıel bar. Usynylǵan úmitkerlerdiń ma­mandyqtaryna kelsek, 20 ınjener, 12 ekonomıst, 12 oqytýshy, 9 zań­ger, 3 dáriger, 1 saıasattanýshy, 35 basqa mamandyq ıeleri bar. Kan­dı­dattardyń 9-y Parlament Sena­tynyń depýtaty, 40-y memlekettik organdardyń, uıymdar­dyń, kásip­oryndar men mekeme­ler­diń qyz­met­kerleri, 25-i kásip­kerlik qury­lymdardyń, 11-i ǵy­lym, mádenıet pen bilim qyzmet­kerleri, 2-eýi ýa­qytsha jumys istemeıtinder. Par­tııaǵa qatysty­lyǵy boıynsha 45 kandıdat – «Nur Otan» HDP-nyń, tórt kandıdat «Aq Jol» QDP-nyń, «Aýyl» QSDP-nyń, Qazaq­stannyń patrıottar partııasynyń, «Rýhanııat» partııasynyń múshe­leri, 26 kandıdat partııada joqtar, 17 kandıdat óziniń partııaǵa qaty­s­ty­ly­ǵyn kórsetpegen. 20 shildedegi jaǵdaı boıynsha, Senat depýtattyǵyna 56 kandıdat tirkelgen. Tirkeý merzimi 29 shildede aıaqtalady, al 30 shildeden bastap Senat depýtattyǵyna tirkelgen barlyq kandıdattar saı­laý­­aldy úgit jumysyna kirise alady. Senat depýtattyǵyna kandı­dat­tardy usyný 16 maýsymda bas­talǵan bolatyn. 30 shilde men 17 tamyz aralyǵynda úgit-nasıhat jumystary júrgiziledi. Úmitker­ler arasynan Senatqa 16 depýtat, atap aıtqanda, respýblıkanyń 14 oblysynan jáne Almaty men Astana qalalarynan bir-bir depýtattan saılanady. Saılaý 19 tamyzǵa belgilengen. 7 shildede Ortalyq saı­laý ko­mıssııasy Parlament Se­natynyń depýtattyǵyna kan­dı­dattardyń res­pýblıkalyq bıýdjet qaraja­ty­nan jabylatyn shy­ǵystary­nyń normatıvterin be­kitken edi. Soǵan sáıkes kandı­dattyń árqaı­sysyna 477 myń teń­ge bólinetin bolady. Onyń ishinde kandı­dat­tyń telearnadan sóz sóı­leýine – 105 myń teńge, radıo­efırde saı­laýaldy úgit júr­gizýge – 62 myń teńge, basy­lymda eki maqala ja­rııalaýǵa – 135 myń teńge, kan­dı­dattyń saı­laýshy­lar­men kezdesýine arnal­ǵan oryndy jaldaýǵa – 25 myń teńge, úgit-nasıhat mate­rıaldaryna 50 myń teńge jáne kólik shyǵyndaryna 100 myń teńge qarastyrylǵan. Senat depýtattyǵyna kandı­dat­tardyń saılaýaldy úgiti kandıdattar qurǵan saılaý qory esebinen de qarjylandyryla alady. Jalpy ereje boıynsha, Senat depýtattyǵyna úmitker árbir kan­dıdattyń qory 3 mln. 199 800 teń­geden aspaýy tıis. Al 2011 jy­ly Senat saılaýyn ótkizýge res­pýblıkalyq bıýdjetten 142 mıllıon teńge bólinip otyr. Álısultan QULANBAI.