Ozyq medısınalyq ortalyq boı kóterdi

Astana qalasynyń áleý­met­tik salasyn nyǵaıtý maq­sa­tyndaǵy mindetter sheńbe­rinde densaýlyq saqtaý mekeme­le­ri­niń materıal­dyq-tehnıka­lyq jaǵ­daıyn jaq­sartý má­selesi­niń de mańyzdy­lyǵy zor. Elorda tur­ǵyndarynyń densaý­ly­ǵyn jaq­sartý qala ákim­diginiń áleýmet­tik salada atqa­ra­tyn jumys­tarynyń eń basym ba­ǵyt­ta­rynyń biri ekendigi de talas týdyrmaıdy. Astana qa­lasy me­dısınalyq klasteri ke­sheniniń quramyna kiretin klı­nıka­lar­dyń búgingi zaman medı­sına­synyń ozyq quraldary jáne tehnologııa­larymen jab­dyq­ta­lýy álemdik deń­geıdegi joǵary talaptarǵa to­lyq jaýap beredi. Jaqynda qalamyzdaǵy me­dı­­sı­nalyq keshender qatary taǵy bir zamanaýı ortalyqpen to­lyq­ty. «Salamatty Qazaq­stan» mem­lekettik baǵdarla­ma­sy sheń­be­rin­de Astanadaǵy Travmatologııa já­ne ortopedııa ǵylymı-zertteý ıns­tıtýtynda 4 qabatty jańa ope­rasııalyq (ota jasaý) keshe­niniń ashylý saltanaty bo­lyp ótti. Densaýlyq saqtaý mınıs­tr­liginiń málimeti boıynsha 8726 sharshy metr aýmaqty alyp jat­qan bul jańa operasııalyq ke­shen­niń jobalyq quny 2 mıllıard 682 mıllıon teńge turatyn kórinedi. Elimizdegi medısınalyq or­ta­lyq­tar ishinde travmatologııa men ortopedııa salasynda teńdesi joq bul Astana ǵylymı-zertteý ıns­tıtýty 2001 jyly qurylǵan bo­latyn-dy. Emdeý jáne ǵylymı zertteýlerdi qatar júrgizetin ıns­­­tıtýttyń basshylyǵyna eli­mizdiń bas travmatolog-ortopedi, medısına ǵylymdarynyń dok­tory, professor Nurlan Bátpe­nov bekitilgen bolatyn. Osy jyl­dar ishinde bul medısınalyq ortalyq egemen elimizdiń tur­ǵyn­daryna medısı­nalyq qyzmet kór­setý, sy­nyq­tarǵa jáne omyrt­qa zaqymdaryna búgingi zamannyń ozyq tehnolo­gııalary boıynsha ota jasaý jáne emdeý máseleleri boıynsha eren ju­mystar at­qar­dy. Aqıqatyn aıt­saq, osy jyl­dar ishinde bul emdeý orta­lyǵynda ondaǵan otan­dasta­ry­myz emine shıpa, dertine daýa aldy. Astana travmatologııa jáne ortopedııa ǵylymı-zertteý ınstı­týtynyń 13 klınıkalyq bólim­de­rinde bir mezgilde 400 adam emdeledi. Instıtýttyń mate­rıaldyq-tehnıkalyq bazasy da jyldan jylǵa nyǵaıyp keledi. Instıtýt klınıkalary osy zamanǵy ozyq qural-jabdyq­tarmen jaraq­tan­dy­rylǵan. Klı­nı­kalardaǵy 144 bilikti dáriger adam densaýlyǵyna arasha turyp kelse, ınstıtýt qa­byrǵasyndaǵy 11 medısına ǵy­lym­darynyń doktory jáne 31 ǵylym kandıdaty emdeý úderis­teri men ǵylymı-zertteý ju­mys­­taryn qatar ushtastyrady. Travmatologııa jáne ortopedııa sala­synda úlken jetistikterge jetip otyrǵan Astana ǵylymı-zertteý ınstıtýtynyń ataǵy men tájirı­besi búginde elimizden tysqary aımaqtarǵa da keńinen tanyldy. Instıtýt erteńiniń erekshe bolatyndyǵyna búgin paıdala­nýǵa berilip otyrǵan operasııa­lyq ortalyq dálel bolmaq. Bul ortalyq medısına salasynyń eń ozyq jabdyqtarymen jaraq­tandy­rylǵan 9 ota jasaý za­lynan turady. Operasııalyq ortalyqqa ornatylǵan jab­dyq­tardyń ishinde omyrtqa jáne býyndarǵa operasııa jasaýǵa arnalǵan endos­kopııalyq qural­dardy jáne mıkro­hırýrgııalyq jabdyqtardy erekshe atap ótýge bolady. Statıstıkalyq derek bo­ıyn­sha, elimizde jylyna 600 myńnan astam adam ártúrli dárejedegi jaraqat alady eken. Endeshe, Astana Travmatologııa jáne ortopedııa ǵylymı-zert­teý ortalyǵynda boı kótergen bul jańa opera­sııalyq orta­lyqtyń halyq den­saýlyǵyn saq­taýǵa qosatyn úlesi ólsheý­siz bolmaq. Jylqybaı JAǴYPARULY.